Keninteya-Siginu 6:4 - ALLALA KUMƐ

⁴ N takeri-gbasu, i kin iko Tirisa soe. I tintannɛ iko Yerusalɛm soe. Ni mɔgɛ ya i yen, a ya si bɔ i la iko kɛlɛ-dannu nadɛnnɛ tenbi anuna falafalɛnu kɔrɔ.

Keninteya-Siginu 6:4 ပူးပေါင်းရင်းမြစ်များ

1 Mansɛnu 14:17

Nɛbi Ahaya ban kɛ fɔla Mansa Yɛrabowamila musi ye, ale musi wulita ka ta a warɛ Tirisa soe burɔ. A ye a kunyɛ ladonna bɔn burɔ kawo, ala den-keminɛ wo niyi bɔra.

1 Mansɛnu 15:21

Mansa Beyasa ya a lamɔɛn min kɛ ko Siriyanu bara ta bui ala nyamanɛ ma, a ya Rema soe latanka-ko-wɔlɛ boloka ka ta Tirisa soe burɔ.

1 Mansɛnu 15:33

Esata mansayɛ san sawa nyɔgɛ Yuda nyamanɛ kun na, Mansa Ahayala den Beyasa fanan mara mansɛ la Isirɛla mɔgɛnu kun na. San mogan-ni-nani kɔrɔ, Mansa Beyasa ye mansayɛ la. A siginɛ Tirisa soe burɔ.

Yaburi 48:2

Allata kɔnkɛ kin, ado a layan. Mansa-makawanɛta soe ye sewɛ lanala duninya bɛɛ ma.

Yaburi 48:3

Alla ara ata kanan-koe yira ma la so-latankanɛ wo rɔ.

Yaburi 50:2

Yerusalɛm soe min kin, Allata waan ye malanna wo kuma.

Keninteya-Siginu 1:15

E, n kɔntɔ-musi, i kin. I kin dɔgɔma-ma-de! I yɛ kɛlɛlɛ iko kura-kangbɔɛtɛ.

Keninteya-Siginu 1:5

N ta-nyɔgɛ Yerusalɛm musinu, hali n fɛrɛ ara yɛlɛma ka fin n ma kɔnɔ n kin. N finnɛ iko Kɛdarila fani-bɔnnu. N kin iko yorolan minnu bi Silamɛnita bolɔn la.

Keninteya-Siginu 2:14

I manɛ iko wondere minnu dogonnɛ fara-woenu tɔ kɔnkɛ kuma. N ni i yakɔrɔ-nyimɛ yen. N ni ila kuma-tuninyanɛnu namɔɛn.

Keninteya-Siginu 4:7

N kɔntɔ-mɔgɛ, i kin dɔgɔma-ma-de, ado fɛɛ-wo-fɛɛ sa i la mumɛ!

Keninteya-Siginu 5:2

Hali n bi kinɔgɛ le tɔ, a mani de iko n bi n ya la le. N si kiyo sa ko nna kei ye dɛ matugula n ma. A ye a fɔla ko, “N takeri-gbasu, dɛ laka. Nna purulen-mɛsɛ, n ni don. Surɔ-duri ara n kunyɛ kimɛ.”

Keninteya-Siginu 6:10

Yon sɔnɛ kɛ la iko sun-tele-tiyi? Ila kinyɛ makawanɛ iko tele anubɛ karɛ anubɛ lole minnu sɔnɛ anu sansan-yili ma.

Nimisa Koe 2:15

Mɔgɛ min tenbi tenbila, wo ye a dɛ bosila a kɔrɔ Yerusalɛm soe ma. Min ba ke Yerusalɛm tinyanɛ ma, wo si a bole sa a dɛ la ka kawa. Anu bi a fɔla ko, “So-kinyɛ wo le ma kɛ la nun? Duninya sa anu diyala kɛ le la nun?”

Sakaraya 12:3

Kɔnɔ wo wati wa ke, a ko a si Yerusalɛm ma iko kuru-gbilimɛ. Sibolo-wo-sibolo ya a nyɛrɛ ma kuru wo kɔrɔbilɛ la, a ko wo si dumɛ sɔrɔn. Woletɔ sibole bɛɛ si anu kundɛn Isirɛla kan ma.

2 Kɔrɛnti 10:4

Ma ye kɛlɛ-kɛ-fan minnu bila kɛlɛ-kɛ-tinɛ, duninyata kɛlɛ-kɛ-fen ma wonu na. Ma ye Allata kɛlɛ-kɛ-fen-sɛnbɛmɛnu bila ka Setanɛta kan-tina-latankanɛnu tinya wonu na. Anu bi hɛnkili minnu nabɔla,

Ɛfɛsa 5:27

Kirasiti ya wo bɛɛ ma le alako ala mɔgɛnu ba sɔ a yakɔrɔ, anu sɛninyanɛ ni taran, fɛɛ kana taran anu na. Anu tatinyani ma, anu matɔrɔmɔnyani ma, anu kanbalibɛliya-tina-wo-tina sa anu tɔ.

Lankɛnimayɛ 21:2

Nba, n ya Yerusalɛm-So-Sɛnima-kurɛ yen yigila ka bɔ Arinyɛni tɔ Alla bolo. Soe wo makirinɛ, ado a rabɛnnɛ iko kɔɛn-kurɛ rabɛnnɛ nya min ala keila ko la.