Keninteya-Siginu 5:6 - ALLALA KUMƐ

⁶ Dɛla kɛ nna kei ye, n ma a yen. Yaga, a ara ta. A kuman-kan lamɔɛn-sɔgɛ ye n na. N ya n yɛ lakalan a ma kɔnɔ n ma a yen. N ya a rakele kɔnɔ a ma a labira.

Keninteya-Siginu 5:6 ပူးပေါင်းရင်းမြစ်များ

Ko-Dabirɛnu 42:28

A ya a fɔ a na-kelen-nyɔgɛnu ye ko, “Anu ya nta wodi lasɛgi nna bɔrɛ rɔ. Wo na a mafɛlɛn ba.” Anu yisi gbalata ka kilan. Anu ko, “Alla ara nfen ma ma la kɛ la?”

2 Samuwɛli 16:10

Mansɛ ya a fɔ Abisayi anubɛ a kɔrɔ Yohabu ye ko, “Wota sa kɛ rɔ. Ni Mari le ya a fɔ a ye ko a ni n mamɔɛn, yon si a fɔ a ye ko a kana wo ma?”

Yaburi 28:1

E, n natankalɛ Mari, n bi dila i dala n dɛnbɛn-koe la. I wɔlɔ matɔlɔ n di-kɛ-kan la. Ni ile ma n yabi, n basantoe le lakira-mɔgɛnu na.

Yaburi 30:7

Mari, i ye n fɛ wati min, n tagbɛlɛ iko kɔnkɛ. Kɔnɔ i ya i kan-kɔ sɔ n na wati min, n yisi tinyanta.

Yaburi 69:3

N bara bandan dila n dɛnbɛn-koe rɔ. N kan la ara sa diyi kɛ bolo. N yɛ ma ara gbala kila-mafɛlan rɔ n dɛnbɛn-koe la kasa!

Yaburi 77:3

N ba n miri Alla ma, fɔ di-kɛ-sumɛ si sigi n ma. N ba n miri a ma wɛ kɛ, fɔ n si ma kɔrɔn!

Yaburi 80:4

E, Mari Alla Sɛnbɛ-Bɛɛ-Tigi, i fondo-bɔnɛ si to ila mɔgɛnuna madiyalɛla ko la ha tumɛ nyamintan?

Hɛnkilimaya-Kumɛnu 1:28

“Wo wa nde, hɛnkilimayɛ rakele wo tumɛ rɔ, n ti wo denkun. Hali wo ya n nyini furr, wo ti n yen

Keninteya-Siginu 5:2

Hali n bi kinɔgɛ le tɔ, a mani de iko n bi n ya la le. N si kiyo sa ko nna kei ye dɛ matugula n ma. A ye a fɔla ko, “N takeri-gbasu, dɛ laka. Nna purulen-mɛsɛ, n ni don. Surɔ-duri ara n kunyɛ kimɛ.”

Keninteya-Siginu 5:4

A ya a bole sa bonda-dɛ ma. A ye wo kun na, n yisi ye a mala muyɛɛ!

Keninteya-Siginu 6:1

Ile min kin musi bɛɛ ko, i keninte tara mintɔ? Ni a ya a kun telen kan tinɛ min bara la, nyɔ yira ma la alako ma ni i dɛnbɛ a nyinina.

Aiseya 12:1

Wati ye nala, mɔgɛnu si to bɛti bɔla ko, “E, Mari, n bi i matɔgɔla. Hali i fununɛ ye ma la nun kɔnɔ mala diminyɛ sa i bolo tun, ado i ye ma ladiyala.

Aiseya 50:2

A ko a tara i lakisi tinɛ lunyɛ min, nfenna i ma i tole masɔ a la? Nfenna i ma ala keleli labira? A ko ile miri ko i kisi-sɛnbɛ sa a bolo? A ko hali a kumara dɔrɔn, kɔgɔ-yi mumɛ si gbala todo! Bɛnu si yɛlɛma gbangban la. Yɛgɛ minnu bi yi wonu tɔ, wonu si faga.

Aiseya 57:16

A ko a ti to wo kɛlɛla. A ti kɔrɔtɔ wo ma. Ni a tora wonu mala wo la, hadama-dan bɛɛ si firan dugu-kole ma. A ya sɔndɔmɛ min bɛɛ ladan, a ti wo bɛɛ lato dogbe!

Aiseya 58:2

Anu bi anu nyɛrɛ mala iko Alla di mɔgɛ min ye. Anu bi anu nyɛrɛ mala iko mɔgɛ minnu bi anu tole masɔla Allata tɔn-karan la a kin na! Anu bi anu nyɛrɛ mala iko komi Alla sako kɛ-sɔgɛ ye anu na. Anu bi anu nyɛrɛ mala iko anu sa Allata tɔn tinyana tele-kelen-bɛrɛni! Anu bi anu nyɛrɛ mala iko Alla-bato-sɔgɔ-bɛrɛ ye anu na. Bato-Bɔnna-tɛ di anu ye dɔgɔma-ma-de!

Aiseya 8:17

Hali Mari ara a dogon ala mɔgɛnu ma, nde lanɛ ale la bawo n yigi le ale la.

Nimisa Koe 3:8

N ba Alla rakele n dɛnbɛn-koe la, a ti a wɔlɔ matɔlɔ n na.

Hoseya 5:15

A ko a si a kɔɛn bɔ wo wara-koe rɔ feufeu, ha wo ni kɔrɔtɔ wo yisi rɔ. Tɔrɔyɛ wo wa wo rabɔ tumɛ min, wo ni na to ale Mari nyinina. A ko tumado ni wo tɔrɔta, wo si a nyini de worɔ.

Hoseya 5:6

Wo ye wola sagɛnu anubɛ ninkinu mala sarakɛnu na Mari ye kɔnɔ tɔnɔ-wo-tɔnɔ sa a la wo ye. Wo ti ale Mari yen bawo a ara a masɛgi wo la pon!

Sakaraya 7:13

A ko wo ma sɔn wo tole sigila ata kumɛnu kɔrɔ, woletɔ a ma a wɔlɔ matɔlɔ wola madiyali-kannu na.

Matiyu 26:75

Yisa ya min fɔ Pita ye nun, a hɛnkili labirara wo ko ko, “Yanni dondɔn ni keke bi suyi kɛ rɔ, i si a fɔ kinyama sawa ko i ma n lɔn.” A bɔra luyi ma. A dira biribiri!

Maraka 14:72

Tiriyante wo rɔ, dondɔn keke fila nyɔgɛ kera. Pita ya a miri Yisala kumɛ ma ko, “Yanni dondɔn ni keke iko fila, i si a fɔ iko sawa ko i ma n lɔn.” A ya-yi bɔra biribiri diyi-kɛ bolo.

Lankɛnimayɛ 3:19

Min bɛɛ di n ye, n si wo tigi makuma ka a kolo. Nba, wo ni wo raya ka wo kɛ-nya yɛlɛma ka wola hakɛ boloka.

1 Samuwɛli 28:6

Woletɔ a ya Mari manyinika wola ko la. Kɔnɔ Mari ma sɔn a yabila kiyo rɔ anubɛ kuru filɛ wonu fɛ, Yurim anubɛ Tumin, kɔni, hali nɛbinu fɛ.