Keninteya-Siginu 4:15 - ALLALA KUMƐ

¹⁵ Ile mani de iko tenke minnu bi bɔla Lɛbanan kɔnkɛnu tɔ. I wara n hɛnɛ iko kɔnkɔrɔ-yi wonu si mɔgɔ-kan lakimɛ nya min.

Keninteya-Siginu 4:15 ပူးပေါင်းရင်းမြစ်များ

Yaburi 46:4

Mɔgɛnu bi Alla batola soe min tɔ, bɛ do ye nyɔ, wo ye nala sewala mɔgɛnu na nyɔ rɔ. Alla Min Bi Fan Bɛɛ Kun Na, wo mayiginɛ ata bon-sɛnimɛ la.

Hɛnkilimaya-Kumɛnu 5:16

I kana musu-gbɛrɛkɛ latenbi i kɔma. Wobɛ musu-gbɛrɛkɛ kana diya.

Hɛnkilimaya-Kumɛnu 5:18

Woletɔ a fisa, i dennɛ ye musi min furula, wobɛ wo ni to sewɛ rɔ.

Makawandili Kumɛnu 2:6

N ya yi-denkɛnu sin alako nna ki-fannu yi ni sa.

Keninteya-Siginu 4:12

I manɛ iko sansan mininɛ nakɔɛ min ma nna ko la, ado n halala-tenke le ile la nyɔ.

Aiseya 58:11

Mari si to sɔla wo yarɔ. Wo ye nyinina min ma, a si wo wasa maka wonu na. A si wo kolo gbɛlɛya fanan. Wo si ma iko yi ye sundi min kɔrɔ. Wo si ma iko tenke-gbalabɛlɛ.

Yɛrɛmaya 17:13

Mari, Isirɛla mɔgɛnu yigi le ile la. Mɔgɔ-wo-mɔgɔ wa a kan-kɔ sɔ i la, wo tigi si miliya. Min bi a bɔla ile Marita kilɛ fɛ, wo tigi mani de iko tɔgɛ min sɛbɛnɛ gbangban rɔ. Wo sa mɛla bawo a ara ile Mari boloka. Tenke-kimanɛ le ile Mari la.

Yɛrɛmaya 2:13

A ko wole, ata mɔgɛnu bara hakɛ-su fila kɛ. A fɔlɔtɛ, wo ya wo kan-kɔ sɔ ale Mari la, ale min bi tenke-nyimɛ la wo ye, kɔni. A fila nyɔgɛ, wo ara bila bɛsi-gbɛrɛkɛnu fɛ minnu manɛ iko mɔgɛ wa yi kɛ bɔnku-daga-ratiinɛnu tɔ.

Sakaraya 14:8

Wo wati wa ke, yi-kura si dugi punsɔgɔ Yerusalɛm soe burɔ ka fara fila la. A tɔnkɔn doi si ta a labila Dalɛ Faganɛ ma. A tɔnkɔn doi fanan si ta a labila Mɛdetereniyan kɔgɔ-yi ma. Sama, telema, a ye yigila le dɛɛ!

Yɔni 4:10

Yisa ya a yabi ko, “Ni i ya Allata kɔ-fan lɔn nun anubɛ min bi i tarala yi ma, ile fɔlɔn si wo tara yi ma nun. A ni ni-bila-yi di i ma.”

Yɔni 4:14

Kɔnɔ nde si yi min di mɔgɛ ma, ni wo ya wo min, a kan la ti gbala tun mumɛ! A ye wo nya le bawo n si yi min di a ma, wo si ma a burɔ iko tenke ka ma nimaya-yi la a ye. N si habadan-nimayɛ di a ma.”

Yɔni 7:38

Iko a sɛbɛnɛ Allata kitabu rɔ nya min, min ba dɛnkɛninya nde ma, yi min bi niyi dila mɔgɛnu ma, wo siyaman si bɔ wo tigi sɔndɔmɛ rɔ.”

Lankɛnimayɛ 22:1

Melika ya bɛ fanan yira n na min si nimayɛ di mɔgɔ ma. Bɛ wo gbɛnɛ iko daimon. A ye bɔla Alla anubɛ saga-danta mansaya-sigi-fan kɔrɔ.