Keninteya-Siginu 4:12 - ALLALA KUMƐ

¹² I manɛ iko sansan mininɛ nakɔɛ min ma nna ko la, ado n halala-tenke le ile la nyɔ.

Keninteya-Siginu 4:12 ပူးပေါင်းရင်းမြစ်များ

Ko-Dabirɛnu 29:3

Saga-fɛ-biralɛnu si na anuna sagɛnu na nyɔ ka kɔlɔn wo dɛ laka ka yi di sagɛnu ma. Wo kɔma, anu si kɔlɔn wo dɛ latogon farɛ wo la tun.

Keninteya-Siginu 4:9

N kɔntɔ-nyaganɛ, i ye i yɛ makerila n mafɛlɛn tinɛ nya min hali n ba ila kan-na-fen kelan yen i kan la n yisi si murumuru n burɔ ila ko la.

Keninteya-Siginu 6:11

N bara ta ile, nna nakɔɛ rɔ nna ki-fannu bi kan min. N ni i mafɛlɛn tumado, i fɛran donu bi i kɔrɔ tumado, i wara yanba-kurɛnu nabɔ tumado, i wara fere kɔrɛ.

Keninteya-Siginu 6:2

N keninte ye ala nakɔɛ rɔ kɔlɔma-suma-diyamɛnu bi kan min. A ye ala nakɔɛ wo diya bɔla ka baga-ferenu madɛn.

Aiseya 58:11

Mari si to sɔla wo yarɔ. Wo ye nyinina min ma, a si wo wasa maka wonu na. A si wo kolo gbɛlɛya fanan. Wo si ma iko yi ye sundi min kɔrɔ. Wo si ma iko tenke-gbalabɛlɛ.

Yɛrɛmaya 31:12

Isirɛla mɔgɛnu si sewa-sigi sa Yerusalɛm kɔnkɔ-sɛnimɛ kuma. Anu sewanɛ bawo Mari ara anu kɔ, a fui-fen wo, a nɔnbɔ-gbɔ-yi wo, a ɔlifi-tulu wo, anubɛ a kolo-fannu. Anu si ma iko yi siginɛ sɛnɛ min kɔrɔ, anu ti nanparan-wo-nanparan sɔrɔn tun.

Hoseya 6:3

Ma ni ma sɛbɛ don Mari lɔn-koe ma alako a ni to sɛgila ma ma tun iko sun-tele-tiyi ye nala sɔgɔma-wo-sɔgɔma nya min. A si to sɛgila ma ma tun iko samɛ min bi donna san-bo-san.”

1 Kɔrɛnti 6:13

Dogbɛrɛ si a fɔ ko, “Buyi ye dɔn-fanla ko la. Dɔn-fan fanan ye buyila ko la.” Tonyɛ le kɔnɔ wo filɛ bɛɛ si ban Alla bolo. Kɔnɔ fɛrɛ-bɔnkɛ ma dan yɛlɛnyɛla ko la fɔ ka wɔli Mari ye, ado Mari le ye ko-nyinyala fɛrɛ-bɔnkɛ ma.

1 Kɔrɛnti 7:34

ado anu bi hɔnya filɛ wo tɛma. Ile musu-gbana wo, ile sunkurun-nasɔlɔnɛ wo, i ye hɔnna Marila wɔlɛla ko la bawo, a di i ye, i fɛrɛ-bɔnkɛ wo, i niyi wo, i ni wonu nyɛrɛ dantɛgɛ Alla ma. Kɔnɔ musi min bi furi rɔ, ale ye hɔnna duninya-koenu denu na bawo a di a ye, a ni ala kei hɛnɛ.

2 Kɔrɛnti 1:22

A ara ma ma atɛ la ka ata tamasere sigi ma kuma, ata Ni-Sɛnimɛ, kɔni. A ya wo ladon ma yisi rɔ alako min bɛɛ ye a bolo ma ye, ale Allata Ni-Sɛnimɛ le wo kun-fɔlɛ la.

Ɛfɛsa 1:13

Wole fanan mara a halalɛ la wo nya na le. Wo ya tonyɛ lamɔɛn tumɛ min, wo dɛnkɛninyara Kirasiti ma. Kibara-nyimɛ wo nara kisi-koe la wo ye. Alla ya wo ma atɛ la ka ata tamasere sigi wo kuma, ata Ni-Sɛnimɛ, kɔni, ado lanyiri kirinɛ ata Ni-Sɛnimɛ wo le di-koe rɔ wo ma nun ka a yira ko Allatɛ le wole la.

Ɛfɛsa 4:30

Mɔgɔ kana Allata Ni-Sɛnimɛ ladiminya bawo ata Ni-Sɛnimɛ le Allala tamasere la wo kuma ko a halalɛ le wole la. Tamasere le ale ata Ni-Sɛnimɛ la ko Marita Tele wa na, a si ma hɔrɔya wulɔn.

Lankɛnimayɛ 21:27

Kɔnɔ fen-kɔsɔni wo fenfen ti don soe wo burɔ. Mɔgɛ min si kisimiriya-koe kɛ, wonu ti don soe wo burɔ mumɛ! Hali foninya-fɔlɛnu ti don. Fɔ minnu tɔgɛ sɛbɛnɛ saga-danta nimaya-buku rɔ, wonu denu dɔrɔn si don soe wo burɔ.

Lankɛnimayɛ 7:3

Melika wo ko, “Wo kana dugu-kole tinya anubɛ kɔgɔ-yi anubɛ kɔlɔmanu fɔlɔn. Fɔ ma ni mandan sigi mata Allata wɔli-kɛlɛnu telɛnu na.”