Keninteya-Siginu 3:6 - ALLALA KUMƐ

⁶ Yon bi nala ka bɔ wulɛ rɔ? Gbangban ye tugula a gbere la. Fen-suma-diyamɛ anubɛ isɛnti-su bɛɛ ye bɔla a ma yilanu si min mayira.

Keninteya-Siginu 3:6 ပူးပေါင်းရင်းမြစ်များ

Bɔ-Koe-Iyipiti 30:34

Mari ya a fɔ Musa ye ko, “I ni fen-suma-diyama nani bi, sitakate wo, ɔnikiya wo, kalibanan wo, anubɛ farankinsɛnsi-sɛnimɛ. Anu kelen-kelennamɛ-bɛɛsi suman-nya ra ni kɛnya.

Hɛnkilimaya-Kumɛnu 7:17

N bara sɛnti-subolo sawa purupuru nyɔ ma.

Keninteya-Siginu 1:13

N kɔntɔ-mɔgɛ, i manɛ n ye iko fen-suma-diyama-bɔrɛ i tenbi sani n kinyɛnu tɛma.

Keninteya-Siginu 1:3

I sumɛ di n ye, n ba i tɔgɛ lamɔɛn fɔ i sumɛ si don n tɔ. Musi min ba i yen, wo kole si bɔ a rɔ muluka!

Keninteya-Siginu 3:7

Silamɛni namatoe maka rɔ. A lafoonɛ Isirɛla kɛlɛ-dan mɔgɔ bi-wɔrɔ la. Wo dama kɛlɛ-kurugba.

Keninteya-Siginu 4:6

N ti n bɔ fen-suma-diyamɛ-kɔnkɛ kɛnu tɔ ha banda-ka-dɛ ma, sɔgɔma kimɛ-na-wati, kɔni.

Keninteya-Siginu 5:13

A gban kin iko nakɔɛ min nafanɛ fen-suma-diyama-su bɛɛ la. A da-gbole layawanɛ iko baga-fere. A da-gbole makimanɛ fen-suma-diyamɛ la. A bolo-kalɛ manɛ iko sɛnɛ-kɔlɔma.

Keninteya-Siginu 5:5

N ya n nasɔ dɛ laka tinɛ nna kei ye. Tulu-suma-diyamɛ min bi n ma, n bole-bilɛ kankan rɔ, a sumɛ tora wo ma.

Keninteya-Siginu 8:5

Yonnu bi nala wo la ka bɔ wulɛ rɔ musi gbɔnkunnɛ a rɔ? N ya a ma, n sɔgɛ ya i bira kɔn-gbɔ-kuri kɔrɔ, i na ya a nyɛrɛ-masɔrɔn i la kan min nun.

Aiseya 43:19

A ye nala ko-kurɛ minnu kɛla, a ko ma ni ma yɛ bɛn wonu ma, ado a ara ban anu dabirala. Ma ni ma yɛ laka, ma si anu yen. A ko a si kila-gbonkan-bɛ sa wulɛ rɔ ka yinu natugu a rɔ nyɔ.

Yɛrɛmaya 2:2

n ni ta kuma Yerusalɛm kɛnu na. A ko n ni a fɔ anu ye ko anu sibole wuli-san, anu telennɛ a ye. A ko ale Mari di anu ye nun koikoi iko kei di ala kɔɛn-kurɛ ye nya min. A ko anu bilanɛ a fɛ nun wulɛ rɔ, wulɛ min da-rakolɔn filili, kɔni.

Yɛrɛmaya 31:2

Minnu ya sayɛ masangba wulɛ rɔ yilan-yilan tinɛ, a kinikinita wonu ma. Sulen-sɔgɛ ya wole, Isirɛla mɔgɛnu bira tumɛ min,

Hoseya 9:10

Mari ara a fɔ ko a bɛn fɔlɛ wole, Isirɛla mɔgɛnu na, wo manɛ iko kɔlɔma min gbɔnɛ kan-tina-ragbalanɛ rɔ. A ko, “Wo benbanu yen fɔlɛ nde, Mari bolo, anu diya donnɛ n tɔ nun iko toro-kuri gbɔ fɔlɔtɛ. Wo benbanu ke Piyɔri kɔnkɛ ma, anu donta Beyali kɔ-koe rɔ nyɔ. A ma mɛ lefan, anu gboyara nde, Mari ye iko bɛsɛ wonu gboyanɛ n ye nya min.

Matiyu 2:11

Anu donta bɔn la dennɛ anubɛ a na Mariyama ye kan min. Anu ya dennɛ yen min kɛ, anu ya anu nyɛnkin ka a bato. Wo kɔma, anu ya anuna bɔrɛnu naka ka a sanbɛnu di a ma. Anu ya a sanba sɛnɛ la, anubɛ isɛnti min tɔgɛ farankinsɛnsɛ, anubɛ tulu-suma-diyamɛ min tɔgɛ mira.

Tɔn-Fɔɛ-Fila-Nyɔgɛ 8:2

Wo ni wo miri de Mari sɔra wo yarɔ wula-da-rakolɔn kɛ rɔ san bi-nanɛ kɔrɔ. Mari ya yakɔrɔ-mamɔɛ lana wo kuma ka wo mafɛlɛn ka a lɔn ni wo ye nya min, ni wo si ala tɔnnu bira le.

Filipai 4:18

ado n bara fan min bɛɛ sɔrɔn wo bolo, n si baraka bira wo ye wonuna ko la. Fan wonu bara siyaya ha ka wara! N makoe taranta min bɛɛ la, n bara wo bɛɛ sɔrɔn kaka bawo Ɛpaforodaita ara na n sanbɛnu na, wo ya minnu don a bolo n ye. Wonu manɛ Alla ye iko saraka-suma-diyamɛ minnu ya a hɛnɛ feu!

Lankɛnimayɛ 12:14

Kokɛ-wɛ kanban filɛ dira musi wo ma alako a ni gban ka ta a warɛ wula-da-rakolɔn rɔ. Anu si a kandan nyɔ san sawa ani a tala ka kisi ninkinankɛ ma.

Lankɛnimayɛ 12:6

Musi wo ya a buri tala wulɛ rɔ. Alla ara wulɛ min tabɛn musi wo ye, a ya a buri tala nyɔ a kanan-koe la. A tora nyɔ tele waga kelen, tele kɛmɛ fila, ani tele bi-wɔrɔ (1,260) kɔrɔ.

Lankɛnimayɛ 18:13

Anuna fan min tɔgɛ sinamɔn wo, kɛnɛ wo, isɛnti wo, mira wo, anubɛ farankinsɛnsɛ, yila-wo-yila sa nyɔ min si wonu fanan san. Baan wo, tulu wo, dɛgɛ-munku wo, fui-fen wo, wonu sanna-wo-sanna sa nyɔ. Ninki wo, sagɛ wo, soee wo, kirindi wo, yɔɔn wo, hali mɔgɔni-gbui, wonu fanan sanna-wo-sanna sa nyɔ.

Lankɛnimayɛ 5:8

A ya wo ma tumɛ min, dali-fen nani anubɛ kɛmɔgɔ mogan-ni-nanɛ wonu ya anu sa saga-dan kɔrɔ. Sɔrɔn ye anu kelen-kelennamɛ-bɛɛ bolo anubɛ sɛnɛ-pani-kunbɛ minnu nafanɛ isɛnti la. Fen-suma-diyamɛ wo, Allata mɔgɛnuna madiyalɛnu denu bi wonu na.