Keninteya-Siginu 2:16 - ALLALA KUMƐ

¹⁶ Ntɛ le ile, nna keminɛ la. Atɛ le nde fanan na. I ye nna baga-ferenu-diyɛ bɔla.

Keninteya-Siginu 2:16 ပူးပေါင်းရင်းမြစ်များ

Yaburi 48:14

Wo si a fɔ anu ye ko, “Alla kɛ, mata habadan-Alla le. A si to kilɛ yirala ma la ha duninya si ban.”

Yaburi 63:1

E, Alla, nta Alla le ile la n si min bato. N bi surula i nyinina. I sɔgɛ ye n sɔndɔmɛ la. I sɔgɛ ye n fɛrɛ mumɛ la iko dugu-gbalanɛ ye nyinina yi ma nya min.

Keninteya-Siginu 1:7

N keninte, ni wobɛ ila sagɛnu bi tala kan min bara la bi, wo fɔ n ye. Tele wa kunaya, ila sagɛnu bi anu sala ninɛ la mintɔ wara la? I ta-tina-gbengban yira n na alako n kana to tenbi-tenbila saga-kandannɛ doinu tɛma iko yɛlɛn.

Keninteya-Siginu 2:1

N mani de dɔrɔn iko baga-fere minnu bi Sarɔn lɛɛ rɔ, anubɛ baga-fere minnu bi lɛɛ rɔ kɔnkɛnu tɛma duk!

Keninteya-Siginu 4:5

I kinyɛ monɛ iko minan-den fɛrɛn filɛ tenbi a de-nyinina baga-ferenu tɔ.

Keninteya-Siginu 6:2

N keninte ye ala nakɔɛ rɔ kɔlɔma-suma-diyamɛnu bi kan min. A ye ala nakɔɛ wo diya bɔla ka baga-ferenu madɛn.

Keninteya-Siginu 6:3

Atɛ le nde la. Nde fanantɛ le ale la. A ye ala baga-ferenu diya bɔla.

Keninteya-Siginu 7:10

Nde ladaganɛ n keninte dɔrɔn de ye. A yili sa mɔgɔ-wo-mɔgɔ ma fɔ nde.

Keninteya-Siginu 7:11

N keninte, na ma ni ta ma matagamana gbɛkole ma tala. Ma ni ki ma rɔ so-nɛ do rɔ.

Keninteya-Siginu 7:13

Mandirɛki fere-sumɛ ra ara tii nyɔ kɔrɛ pu! N bara kɔn-gbɔ-bɛrɛbɛrɛnu nadɛn i ye. I duruta minnu dɔnna wo, i ma minnu su dɔn bɛ wo, n bara wo bɛɛ lamara i ye.

Yɛrɛmaya 31:33

A ko sarama-kan-kurɛ min bi taranna anubɛ wole, Isirɛla mɔgɛnu tɛma, wo le kɛ la. A ko a si ata tɔnnu sɛbɛ wo yisi rɔ. Ale si ma wota Alla la. Wole si ma ata mɔgɛnu na.

Sakaraya 13:9

A toe minnu bi tola anu niyi la, a si a lagbɛlɛya anu kuma alako anu ni sɛninya iko sɛnɛ anubɛ wodi-gbɛ si sɛninya tɛ rɔ nya min. Wo kɔma, ni min ya a madiya, a si a wɔlɔ matɔlɔ wo la. A si a fɔ anu ye ko atɛ le anu denu na. Anu fanan si anu sɔn a la ko anuta Alla le ale la.

Kalesiya 2:20

Woletɔ nde belini ma tun fɔ Kirasiti min belinɛ nde rɔ. N bi nya min kaka, n bi wo nya dɛnkɛninyɛ le fɛ Allala den Yisa rɔ. Wo le ya n keni ka faga ndela ko la.