Keninteya-Siginu 2:14 - ALLALA KUMƐ

¹⁴ I manɛ iko wondere minnu dogonnɛ fara-woenu tɔ kɔnkɛ kuma. N ni i yakɔrɔ-nyimɛ yen. N ni ila kuma-tuninyanɛnu namɔɛn.

Keninteya-Siginu 2:14 ပူးပေါင်းရင်းမြစ်များ

Yobu 9:16

Hali a ya a ma, n ni kuma, n ma la a la, ni a si a wɔlɔ matɔlɔ nna kumɛ wo la.

Yaburi 110:3

A ko ale mansɛ wa wuli a yogenu kɛlɛla tele min ma, ala mɔgɛnu si anu nyɛrɛ lafili kɛlɛ wo rɔ pirin! Ala kemini-mɛsɛnu ta si ka kɔnkɔ-sɛnimɛnu kuma iko sɔgɔma-duri ra si ka binyɛ ma nya min.

Yaburi 22:3

Kɔnɔ hali wo, ile le mansa-sɛnimɛ la Isirɛla kun na. A bɛnta ile le ni tanto.

Yaburi 45:11

I di mansɛ ye bawo i kin kosɛbɛ! I tigi le ale la, fɔ i ni ata kumɛ bira.

Yaburi 45:12

Taya so-burɔ-mɔgɛnu si na i fandɛnu na. A nɔnfulu-tiginu si a ma, wo ni to kan kelen tɔ.

Yaburi 50:23

Ka baraka bira n ye, sarakɛ le wo la min si gbiliyɛ di n ma. Min bɛɛ ye n kan tola a gbɛ rɔ, n bi wonu nakisila le.”

Yaburi 68:13

Hali wole minnu tora saga-wɔrɛ makandan tinɛ, wole si kura-kangbɔɛla muninyɛnu sɔrɔn nun wodi-gbɛ sanɛ minnu kanban ma, ado anu tiyi ye malan-malanna iko sɛnɛ.

Yaburi 74:19

I kana i ban ita mɔgɛnu na ka anu don anu yogenu bolo. I kana nyina ila mɔgɔ-tɔrɔnɛnu ko.

Bɔ-Koe-Iyipiti 3:6

A ko tun, “I benba Iburayima wo, i benba Isiyaka wo, anubɛ i benba Yakoba wo, anuta Alla le nde la.” Musa ya a yakɔrɛ yamatogon kamasɔrɔn a kilanta ka Alla ragbɛ.

Hɛnkilimaya-Kumɛnu 15:8

Hali karagbɛlɛla sarakɛ, Mari ti sɔn a la kɔnɔ mɔgɔ-latelennɛ tenbi a madiyala, wo di ale Mari ye kosɛbɛ!

Keninteya-Siginu 1:15

E, n kɔntɔ-musi, i kin. I kin dɔgɔma-ma-de! I yɛ kɛlɛlɛ iko kura-kangbɔɛtɛ.

Keninteya-Siginu 1:5

N ta-nyɔgɛ Yerusalɛm musinu, hali n fɛrɛ ara yɛlɛma ka fin n ma kɔnɔ n kin. N finnɛ iko Kɛdarila fani-bɔnnu. N kin iko yorolan minnu bi Silamɛnita bolɔn la.

Keninteya-Siginu 1:8

Ile min kin musi bɛɛ ko, ni i ma kan tinɛ wo lɔn, bila sagɛnu kin-gbɛ fɛ dɔrɔn. I ni ila baa-dannu de-nyini saga-kandannɛnuna fani-bɔnnu dafɛ.

Keninteya-Siginu 5:2

Hali n bi kinɔgɛ le tɔ, a mani de iko n bi n ya la le. N si kiyo sa ko nna kei ye dɛ matugula n ma. A ye a fɔla ko, “N takeri-gbasu, dɛ laka. Nna purulen-mɛsɛ, n ni don. Surɔ-duri ara n kunyɛ kimɛ.”

Keninteya-Siginu 8:13

N keninte, n ni i kuman-kan lamɔɛn nakɔɛ burɔ. N ta-nyɔgɛnu bi i kuman-kan lamɔɛn-koe rɔ.

Aiseya 2:21

Mari wa na dugu layɛrɛyɛrɛn tinɛ tumɛ min, mɔgɛnu si na anu dogon farannu na kɔnkɛnu tɔ. Anu bi dugu-kɔrɔ-kilɛnu sala alako anu ni bɔ Marita fondo-bɔɛ kɔrɔ. Anu sɛbɛ donnɛ ka anu dogon Marita sɛnbɛ anubɛ gbiliyɛ kɔrɔ.

Aiseya 51:3

Mari ko a si kinikini Yerusalɛm soe ma, min bi tonbonyɛ la nun, kɔni. Hali ala dugi mara kɛnkɛn-dugi la, a ko a si nyɔ ma dugu-lamonɛ la a ye. Sewɛ anubɛ kɔntɔdiyɛ si taran nyɔ kati! Mɔgɛnu si baraka-bira-siginu sa ka a tanto tolon!

Aiseya 6:5

Nde, Aiseya ya a fɔ ko, “Gbalo ye n ma bawo n dɛ ma kin, ado n bi mɔgɛ minnu tɛma, wonu fanan dɛ ma kin. Ado nfan, n bara Mansa Alla yen n nyɛrɛ yɛ la, Mari Sɛnbɛ-Bɛɛ-Tigi, kɔni. Ka a tɛgɛ kɛ dama ma, yigi-wo-yigi sa n bolo tun.”

Aiseya 60:8

Mɔgɛnu tɔkɔkɛ si na i magbenna iko banda-finyɛ. Anu ferelen-ferelan si na i magbenna iko purulan min bi tala a nyagan magbenna.

Yɛrɛmaya 48:28

“Anu denu min siginɛ Mohabu nyamanɛ rɔ, anu ni bɔ soenu tɔ ka ta anu dogon fara-woenu na. Anu ni ma iko kura-kangbɔɛ min si a nyagan sa faran la nya min.

Yɛrɛmaya 49:16

Anuna wasinteyɛ ara anu bolo labira bawo mɔgɔ-wo-mɔgɔ ti kilan anu na tun iko anu miriya ye nya min nun. Hali anu sigira fara-kolo-kɔnkɔ-layan-bɛnu kuma, hali anu yɛlɛta san ma pon iko kokɛ, Mari ko a si anu fɛrɛn dugi la. Mari kan le kɛ la.

Isikiyɛli 7:16

Minnu bi bɔla folenu tɔ ka anu buri kɛlɛ kɔrɔ, wonu si ta kɔnkɛnu tɔ. Anu si to dila nyɔ iko purulan ka a tɛgɛ anu hakɛla ko ma.

Daniyɛli 9:7

Ile n Tigi, i ya ko-wo-ko ma, wo telennɛ kɔnɔ male waralɛ, ma ara koe min bɛɛsi ma, fenfen sa wo kɔma fɔ miliya-koe gbansan! A mara Yuda nyamanita-mɔgɔ la wo, a mara Yerusalɛm so-burɔ-mɔgɔ la wo, a Isirɛla mɔgɔ to wo, kɛlɛ tara minnu na wo, kɛlɛ ma ta minnu na wo, ma damasi ye kɛ yilikiyi kɔrɔ.

Hɔbadaya 1:3

Wola mansa-soe manɛ farɛ la. Wola sigi tinɛnu manɛ kɔnkɔ-layan-bɛ la. Wo mirinɛ ko mɔgɔ-wo-mɔgɔ ti ke wo labuila kɔnɔ wola wasinteyɛ ara wo yanfa feu!”

Matiyu 10:16

“Wo ni wo tole masɔ! N bi wo latala sulukinu tɛma iko sagɛnu. Wo ni halliya iko duguma-fannu. Wo ni ma kɛlɛ-tɛgɛbɛlɛ la iko kangbɔɛnu.

Matiyu 3:16

Yɔni ya Yisa batasi. A bɔra yi rɔ nkɛkuna, san-kolo-dɛ lakara. A ya Allala Ni-Sɛnimɛ yigimatoe yen iko kangbɔɛ. Wo sigira a kuma.

Ɛfɛsa 5:27

Kirasiti ya wo bɛɛ ma le alako ala mɔgɛnu ba sɔ a yakɔrɔ, anu sɛninyanɛ ni taran, fɛɛ kana taran anu na. Anu tatinyani ma, anu matɔrɔmɔnyani ma, anu kanbalibɛliya-tina-wo-tina sa anu tɔ.

Kɔlɔsi 1:22

Kɔnɔ kaka gbɛ, Alla ara wo ma a diyana-mɔgɛnu na ala danta sayɛ fɛ. A ye a fɛ, a ni na wo la a fa Alla ma, wo sɛninyanɛ de worɔ. Fɛɛ-wo-fɛɛ sa wo la, ado wo ara ma mɔgɔ-magbalanɛ la.

Hiburunu 10:22

ma ni ma gbɛrɛn Alla ma worɔ. Ma ni ma gbɛrɛn ma yisi bɛɛ anubɛ dɛnkɛninya-bɛrɛ la ma bolo bawo ma sɔn-yilikinɛnu bara sɛninya, ado ma fɛrɛ-bɔnkɛnu manɛ iko anu bara ku yi-sɛninyanɛ le la.

Hiburunu 4:16

Ma ni na ma sɔ Alla yakɔrɔ yisi-latɛgɛ la. Ma si kinikinɛ anubɛ hinɛ sɔrɔn nyɔ le. Ma makoe wa bila fenfen na tumɛ min, a si ma dɛnbɛ wo la.

1 Pita 3:4

Kɔnɔ ila kinyɛ ni taran i yisi fɔlɔn tɔ. Ila sabari-nya anubɛ ila dinyɛ, wonu denu si Alla hɛnɛ. Alla ya a fɔ ko-su kɛnu denu ma ko anu kin, ado kinya-su kɛnu denu si Alla kolan labɔ!

Yude 1:24

Nba, ale Mari min si ke wo marala alako wo kana na bui, alamɛ wo sewanɛ sɔra a yakɔrɔ, fɛɛ-wo-fɛɛ sa wo la ala gbiliyɛ rɔ.

Lankɛnimayɛ 5:8

A ya wo ma tumɛ min, dali-fen nani anubɛ kɛmɔgɔ mogan-ni-nanɛ wonu ya anu sa saga-dan kɔrɔ. Sɔrɔn ye anu kelen-kelennamɛ-bɛɛ bolo anubɛ sɛnɛ-pani-kunbɛ minnu nafanɛ isɛnti la. Fen-suma-diyamɛ wo, Allata mɔgɛnuna madiyalɛnu denu bi wonu na.