Keninteya-Siginu 1:8 - ALLALA KUMƐ

⁸ Ile min kin musi bɛɛ ko, ni i ma kan tinɛ wo lɔn, bila sagɛnu kin-gbɛ fɛ dɔrɔn. I ni ila baa-dannu de-nyini saga-kandannɛnuna fani-bɔnnu dafɛ.

Keninteya-Siginu 1:8 ပူးပေါင်းရင်းမြစ်များ

Yaburi 16:3

Mɔgɔ-nyimɛ le Marita mɔgɛnu na. Ni n bi anu kurun tɔ, n si nyagalen.

Yaburi 45:11

I di mansɛ ye bawo i kin kosɛbɛ! I tigi le ale la, fɔ i ni ata kumɛ bira.

Yaburi 45:13

Mansɛla kɔnya-kurɛ ye kata burɔ, ado a kin dɔgɔma-ma-de! Ala duruki bonnɛ sɛnɛ-yesekari la.

Hɛnkilimaya-Kumɛnu 8:34

Mɔgɛ min si to nala tuma-wo-tuma ka a tole masɔ n na, wo tigi si sewa. Wo si to n makɔnɔna ka a yɛ bɛn kilɛ ma.

Keninteya-Siginu 1:15

E, n kɔntɔ-musi, i kin. I kin dɔgɔma-ma-de! I yɛ kɛlɛlɛ iko kura-kangbɔɛtɛ.

Keninteya-Siginu 2:10

N diyana-mɔgɛ ye n kelela. N diyana-musi, ile min kin kati! Na, ma ni ta!

Keninteya-Siginu 4:1

N diyana-musi, i kin dɔgɔma-ma-de! I yɛ kɛlɛlɛ i yakɔrɔ-masansan-kurɛ kɔma. I kun-sigi mɔlɔlɛ iko baa minnu yigimatoe ye bɔla Kaliyadi kɔnkɛnu tɔ.

Keninteya-Siginu 4:10

N takeri-gbasu, i di n ye. Ila keninteyɛ di n ye baan-diyamɛ ko. Ila tulu-suma-diyamɛ tenbinɛ tuli bɛɛ la.

Keninteya-Siginu 4:7

N kɔntɔ-mɔgɛ, i kin dɔgɔma-ma-de, ado fɛɛ-wo-fɛɛ sa i la mumɛ!

Keninteya-Siginu 5:9

Ile min kin ma dama ko, ila kei tenbira kei bɛɛ la, wa? Ila kei tenbira kei doinu na kama min bi a tola, ma ye lanyiri kɛ kirila i ye?

Keninteya-Siginu 6:1

Ile min kin musi bɛɛ ko, i keninte tara mintɔ? Ni a ya a kun telen kan tinɛ min bara la, nyɔ yira ma la alako ma ni i dɛnbɛ a nyinina.

Yɛrɛmaya 6:16

Mari ko wole, ata mɔgɛnu sɔnɛ kila-faran rɔ. Wo ni wo yɛ lakalan. Wo ni ata kila-kɔrɛ manyinika. A ko wo ni kila-nyimɛ manyinika alako wo ni ta wo fɛ nya min, ado ni wo bɔra kilɛ wo fɛ, wo yisi la si fɛrɛ. Kɔnɔ hali wo, wo bannɛ bɔla kila-nyimɛ wo fɛ.

Yɔni 21:15

Anu banta anu da-rakɛ la tumɛ min, Yisa ya Saimon Pita manyinika ko, “Saimon, Yɔnila dan, ila keninteyɛ tenbira ala karan-den-doi kɛnutɛ la, wa?” A ya a yabi ko, “Ɔnde, Mari, i ya a lɔn ko i keninɛ n bolo.” Yisa ya a fɔ a ye worɔ ko, “I ni nna mɔgɛnu fɛ-bira iko mɔgɛ si sagɛnu fɛ-bira nya min.”

1 Kɔrɛnti 11:1

Nba, wo ni wo sanka nde ma iko nde ye n sankala Kirasiti ma nya min.

Ɛfɛsa 5:27

Kirasiti ya wo bɛɛ ma le alako ala mɔgɛnu ba sɔ a yakɔrɔ, anu sɛninyanɛ ni taran, fɛɛ kana taran anu na. Anu tatinyani ma, anu matɔrɔmɔnyani ma, anu kanbalibɛliya-tina-wo-tina sa anu tɔ.

Hiburunu 13:7

Wola kun-tigi-fɔlɔtɛ minnu ya wo karan Allala kumɛ la, wo ni wo hɛnkili to wonu ko. Wonu manɛ nya min ha anu fagara, wo ni wo miri wonu ma ka wo sanka anuna dɛnkɛninyɛ ma.

Hiburunu 6:12

A ma di ma ye, wo ni ma tinya-mansɛ la. Kɔnɔ wo ni ma iko Alla ara lanyiri kiri minnu ye. Anu si anutɛ sɔrɔn dɛnkɛninyɛ anubɛ munyu fɛ.

Yemesi 2:21

Ma benba Iburayima telenta Alla ye kilɛ nyuman fɛ? Wo kɛra ala kɛwɔlɛnu fɛ wo tumɛ a ya ala den Isiyaka bɔ sarakayɛ la saraka-bɔ-tinɛ kuma.

Yemesi 2:25

Yɛlɛn-musi, Rehabi don! Wo fanan mara wo nya na le. A telenta Alla ye ala kɛwɔlɛnu denu fɛ bawo a ya Yahudiyanuna ko-lakɔrɔsilɛnu rabira a kin na ka anu nasɛgi kila-gbɛrɛkɛ fɛ.

Yemesi 5:10

N na-kelen-nyɔgɛnu, nɛbi minnu kumara Mari tɔgɛ rɔ, wo ni wo hɛnkili to wonu ko. Wonu bara anu munyu tɔrɔyɛ kɔrɔ nya min ha a laban, wo ni ma misalɛ la wo ye.

1 Pita 3:6

Ni wole musinu ya ko-nyimɛ kɛ wola keinu ye, wo si ma Sirala dunmusinu na worɔ. Ma mama Sira ye wo nya na le nun. A ya ala kei, Iburayimala kumɛ bira ka a kele ko, “N tigi.” Wo si kɛ bɛɛ kɛ hali kilan sa a fɛ.