Keninteya-Siginu 1:7 - ALLALA KUMƐ

⁷ N keninte, ni wobɛ ila sagɛnu bi tala kan min bara la bi, wo fɔ n ye. Tele wa kunaya, ila sagɛnu bi anu sala ninɛ la mintɔ wara la? I ta-tina-gbengban yira n na alako n kana to tenbi-tenbila saga-kandannɛ doinu tɛma iko yɛlɛn.

Keninteya-Siginu 1:7 ပူးပေါင်းရင်းမြစ်များ

Ko-Dabirɛnu 37:16

Yusufu ko, “N bi n kɔrɔnu denu nyini tinɛ. Ni i ya a lɔn anu bi kolo-fannu fɛ kan min, i ni nyɔ yira n na.”

Yaburi 116:1

Mari keninɛ n bolo bawo a ye a wɔlɔ matɔlɔla nta madiyali-kan la.

Yaburi 18:1

Mari di n ye kosɛbɛ! N kumafunfannɛ le ale la.

Yaburi 28:1

E, n natankalɛ Mari, n bi dila i dala n dɛnbɛn-koe la. I wɔlɔ matɔlɔ n di-kɛ-kan la. Ni ile ma n yabi, n basantoe le lakira-mɔgɛnu na.

Yaburi 80:1

Ile min bi Isirɛla kandanna iko saga-fɛ-biralɛ, i wɔlɔ matɔlɔ ma kuman-kan la. Ifɛrɛm bɔnsɔn wo, Bɛnyamɛ bɔnsɔn wo, Manasa bɔnsɔn wo, i ni i nyɛrɛ yira wonu na, ile min mayiginɛ melika-muninya filɛ tɛma, kɔni. I fanka mayira ma la. Na ma lakisi.

Keninteya-Siginu 2:16

Ntɛ le ile, nna keminɛ la. Atɛ le nde fanan na. I ye nna baga-ferenu-diyɛ bɔla.

Keninteya-Siginu 2:3

Ile mani de kemini-mɛsɛnu tɛma n yala iko kura-kɔn min bi gbɔngbɔn rɔ. I ninɛ-lasigi di. I gbɔɛ fanan dɔn di i kɔrɔ.

Keninteya-Siginu 5:10

Nna kei mafɛlɛn di kinyɛ bolo, ado a kolo gbɛlɛ. Hali i wa kei mɔgɔ waga tan nabɔ, ale nyɔgɔn sa wonu tɔ.

Keninteya-Siginu 5:16

A da-gbole-masusun di. A wara-koe ara sɔ n yɛ la. Wole Yerusalɛm musinu, nna kei ye ka le.

Keninteya-Siginu 5:8

Wole Yerusalɛm musinu, wo ni lanyiri kiri n ye ni wo ya n keninte yen, ni wo ti a fɔ a ye ko ala keninteyɛ min bi n tɔ, wo ara n ma kuluba!

Keninteya-Siginu 6:2

N keninte ye ala nakɔɛ rɔ kɔlɔma-suma-diyamɛnu bi kan min. A ye ala nakɔɛ wo diya bɔla ka baga-ferenu madɛn.

Keninteya-Siginu 6:3

Atɛ le nde la. Nde fanantɛ le ale la. A ye ala baga-ferenu diya bɔla.

Keninteya-Siginu 8:13

N keninte, n ni i kuman-kan lamɔɛn nakɔɛ burɔ. N ta-nyɔgɛnu bi i kuman-kan lamɔɛn-koe rɔ.

Aiseya 13:20

Nyɔ si ma tonbɔn la. Hali Arabu minnu bi yilan-yilanna, anu ti anu daga makɛ nyɔ. Hali saga-fɛ-biralɛnu ti ta anuna sagɛnu na nyɔ.

Aiseya 26:9

A la wa fin, i sɔgɛ si n tabɔ dɔgɔma-ma-de! Banda wa ka, a ni ma iko ma ni taran ma nyɔgɔn fɛ. Ni ile ya duninya-mɔgɛ bɛɛ kiti, anu si a lɔn telenbagayɛ ye nya min.

Aiseya 40:11

A si ala mɔgɛnu fɛ-bira iko saga-fɛ-biralɛ si ala sagɛnu fɛ-bira nya min. A si saga-dannu kundɛn kan-tina-kelen ka ta anu na a kɔnkɔn tɔ. Wonu nanu si bila anu fɛ fungban!

Aiseya 5:1

N tenbi sigi sala, wo ni wo tole masɔ n na. Sigi kɛ ye sala n diyana-mɔgɛ anubɛ ala ki-fan denuna ko la. Nakɔɛ do ye n diyana-mɔgɛ bolo nun. A ye dugu-nyimɛ rɔ kɔnkɛ ma.

Yɛrɛmaya 33:12

Mari Sɛnbɛ-Bɛɛ-Tigi ko nyamanɛ kɛ min manɛ wula-da-rakolɔn la nun, ado mɔgɛnu anubɛ kolo-fannu sa a rɔ, nyɔ si sabati. Saga-fɛ-biralɛnu si ta anuna sagɛnu na nyɔ rɔ tun.

Maika 5:4

A si ata mɔgɛ kɛnu fɛ-bira iko saga-fɛ-biralɛ si ala sagɛnu fɛ-bira nya min. Mari nyɛrɛ si wo fanka-makawanɛ anubɛ gbiliyɛ di a ma ka wonu fɛ-bira. Ata mɔgɛ kɛnu si sigi lafɛrɛ rɔ ka taran anu diya bawo duninya-mɔgɛ bɛɛ si a lɔn ko mansa-makawanɛ le ale la.

Matiyu 10:37

“Mɔgɔ-wo-mɔgɔ wa a na, ni wo ma, a fa keni ka tenbi nde la, a ma bɛn, wo tigi ni bila n fɛ. Mɔgɔ-wo-mɔgɔ wa ala dan keni ka tenbi nde la, a ma bɛn, wo tigi ni bila n fɛ.

Yɔni 10:11

“Saga-fɛ-birala-nyimɛ le nde la. Saga-fɛ-birala-nyimɛ si sɔn ka faga ala sagɛnuna ko la.

Yɔni 21:17

A kinyama sawa nyɔgɛ, Yisa ya nyinikalɛ kɛ, a ko, “Saimon, Yɔnila dan, n di i ye, wa?” Pita ya a funu bawo Yisa ya a manyinika. A ko, “Mari, i ya koe bɛɛ lɔn, i ya a lɔn ko i keninɛ n bolo.” Yisa ya a fɔ a ye ko, “Nna sagɛnu fɛ-bira.

1 Pita 1:8

Wo ma Yisa yen bɛ kɔnɔ wo ara a keni. Wo ma a yen bɛ wo yɛ la, hali wo, wo dɛnkɛninyanɛ a ma. Woletɔ wo ye nyagalenna ka sewa-makawani-wɛ kɛ, hadama-dan dɛ ti ke min fɔla.

1 Pita 2:7

Kuri kɛ gbiliyanɛ wole dɛnkɛninya-mɔgɛnu bolo kati! Kɔnɔ dɛnkɛninyabɛlɛnu ma a lɔn ko, “Bon-sɔlɛnu ya a fɔ kuri min ma ko fen ma, wo le ara ma sɛbɛna-kuru-tɔnɔnamɛ la.”

1 Yɔni 2:19

Mɔgɔ-yogomɛ kɛnu bi ma kurun tɔ nun kɔnɔ anu bɔra ma fɛ. Ni mala mɔgɔ-bɛrɛbɛrɛ le anu na nun, anu si to ma fɛ nun. Kɔnɔ anu bɔra ma fɛ min kɛ, a ara bɔ gbɛ rɔ worɔ ko anu fenfen sa ma kurun tɔ tun.

Lankɛnimayɛ 7:17

ado saga-dan min bi mansaya-sigi-fan tɔgɔfɛ, wo si anu kandan iko saga-fɛ-biralɛ ka anu nata tenke-diyamɛ rɔ min si niyi di mɔgɛ ma. Nba, Alla si anu ya-yi bɛɛ firan.”

Ruti 2:21

Ruti ya a fɔ a mama ye ko, “Ado nfan, a ko n ni to anu gba ma nyɔ ha dɔn-fen-tɛgɛ-wati ni ban.”