Keninteya-Siginu 1:12 - ALLALA KUMƐ

¹² Ile nna mansɛ tenbi sani i warɛ bɔn la, n bi i mamunna tuli min na, wo suma-diyamɛ si ila bolɔn bira-a-la.

Keninteya-Siginu 1:12 ပူးပေါင်းရင်းမြစ်များ

Yaburi 45:1

N bi n mirila bɛti kɛ ma mansɛla ko la tumɛ min, kuma-nyimɛnu ya n sɔndɔmɛ lafa. N nagankuri mara iko sɛbɛli-kalɛ tenbi sɛbɛli-kɛla-nyimɛ bole la.

Keninteya-Siginu 1:11

Fɔ ma wa sɛnɛ-tolola-fannu nadan i ye minnu sanɛ wodi-gbɛ tɛma.

Keninteya-Siginu 7:5

I kunyɛ ye san ma sodo, iko Kamɛli kɔnkɛ. I kun-sigi ye malan-malanna iko kura-namanɛ. I kun-sigi si mansɛ-buyi rabasan.

Matiyu 22:11

“Mansɛ tara ladɛn rɔ. A ya minnu kele, a ya wonu mafɛlɛn. Yaga, a ya kei do yen kɔnyɔ-masɔ-duruki sa wo kan na.

Matiyu 22:4

Woletɔ kɔnyɔ-masɔɛ sara minnu kɔrɔ, a ya a sara ala wɔli-kɛla-gbɛrɛnu na ko, ‘Wo ta a fɔ wonu ye ko koe bɛɛ ra ara bɛn. N bara turɛnu anubɛ ninki-den-tɔlɔnɛnu faga. Ma ara fan bɛɛ rabɛn. Anu ni na kɔnyɔ-masɔɛ rɔ!’

Matiyu 25:34

Wo kɔma, nde, mansɛ si a fɔ n bolo-nyimarɔ-mɔgɛnu ye ko, ‘N Fa Alla ara ata duwɛ layigi wole min kuma, wo na! Wo na mansayɛ sɔrɔn min tabɛnnɛ wo ye kebi duninya danta.

Maraka 14:3

Yisa ye Saimonna bɔn la nun Bɛtani soe burɔ. Fɛrɛma-kiraya-yogomɛ do ye ale Saimon fɛrɛ ma nun. Anu bi fen dɔn la tumɛ min, musi do nara don bɔn la. Kuru-dagɛ min tɔgɛ alabasita, wo lafanɛ a bolo sɛnti-da-gbɛlɛ la min tɔgɛ naradi. A ya dagɛ wo kumɛ keri a la ka sɛnti wo kɛ Yisa salɛ ma.

Yɔni 12:3

Nba, Mariyama ya sɛnti-da-gbɛlɛ kilasi kelen bi min tɔgɔ naradi ka a sosa Yisa kian ma. A ya anu mafiran a nyɛrɛ kun-sigi la. Sɛnti-suma-diyamɛ wo ya bɔn wo bɛɛ bira-a-la tɛrr!

Filipai 4:18

ado n bara fan min bɛɛ sɔrɔn wo bolo, n si baraka bira wo ye wonuna ko la. Fan wonu bara siyaya ha ka wara! N makoe taranta min bɛɛ la, n bara wo bɛɛ sɔrɔn kaka bawo Ɛpaforodaita ara na n sanbɛnu na, wo ya minnu don a bolo n ye. Wonu manɛ Alla ye iko saraka-suma-diyamɛ minnu ya a hɛnɛ feu!

Lankɛnimayɛ 3:20

Wo ni wo tole masɔ! N sɔnɛ dɛ la ka a matugu. Ni mɔgɔ-wo-mɔgɔ ya n kan lamɔɛn ka dɛ laka n ye, n si don wola bɔn la ka fen-dɔn-kɛ a fɛ. Ale fanan si fen-dɔn-kɛ n fɛ.