Keninteya-Siginu 1:10 - ALLALA KUMƐ

¹⁰ Ila tolola-fannu bara a ma, i yakɔrɛ ara kinya. Ila kan-na-fan ara a ma, i mafɛlɛn bara diya.

Keninteya-Siginu 1:10 ပူးပေါင်းရင်းမြစ်များ

Ko-Dabirɛnu 24:22

Nyomɛnu ban yi wo minna, kei wo ya sɛnɛ-foro kelen bi min si don a sunyɛ la anubɛ sɛnɛ-bolo-kalama-dɛɛn fila ka wonu di dunmusi wo ma. Sɛnɛ-fore anubɛ sɛnɛ-bolo-kalama-dɛɛn wonu kolo dɔgɔma-ma-de!

Ko-Dabirɛnu 24:47

N ya a manyinika, n ko, ‘Ile fa ye yon na? A tɔgɛ ye kama?’ Rebɛka ya a fɔ n ye ko Milaka Bɛtuwɛlila dan le ale la. A ko a benba tɔgɛ le Nehori. N ya sɛnɛ-fore wo dun a sunyɛ la ka sɛnɛ bolo-kalama-dɛɛn filɛ wonu don a bole la.

Ko-Dabirɛnu 24:53

Wɔli-kɛlɛ ya fen da-gbɛlɛ-siyaman bi ka wonu ma Rebɛka furu-fan la. A ya wonu di a kɔrɔ Leban anubɛ a na ma. Wo kɔma, a ya fɛrɛya-bɔɛ anubɛ wodi-gbɛ anubɛ sɛnɛ bi ka wonu fanan di Rebɛka ma.

Ko-Dabirɛnu 41:42

Ale mansɛla mandan ye ala dɛɛn-kɔlɔnɛ min ma, a ya wo bɔ a bole la ka a don Yusufu bole la. A ya fɛrɛya-bɔ-hakikɛnu di a ma ka sɛnɛ-yɔlɔkɛ don a kan na.

Hɛnkilimaya-Kumɛnu 1:9

Ni i ya wo ma, anuna karan si ila kɛ-nya-nyimɛ yira duninya la iko kun-yili anubɛ kan-na-fan si musi lakinya nya min.

Keninteya-Siginu 1:11

Fɔ ma wa sɛnɛ-tolola-fannu nadan i ye minnu sanɛ wodi-gbɛ tɛma.

Keninteya-Siginu 4:9

N kɔntɔ-nyaganɛ, i ye i yɛ makerila n mafɛlɛn tinɛ nya min hali n ba ila kan-na-fen kelan yen i kan la n yisi si murumuru n burɔ ila ko la.

Keninteya-Siginu 5:13

A gban kin iko nakɔɛ min nafanɛ fen-suma-diyama-su bɛɛ la. A da-gbole layawanɛ iko baga-fere. A da-gbole makimanɛ fen-suma-diyamɛ la. A bolo-kalɛ manɛ iko sɛnɛ-kɔlɔma.

Aiseya 61:10

Mari le ya a ma, ma ara sewa dɔgɔma-ma-de! Alla ya a ma, n niyi ra ara diya. Mari ara kisi-koe fɛrɛya-bɔɛ di ma ma. A ya ata nyimayɛ ma duruku-ba la. Ma manɛ iko kɔɛn-tigi min mabɛnnɛ yɔnyɔn! Ma manɛ fanan iko kɔɛn-kurɛ min makirinɛ fen-kolomɛnu na.

Yilan-Yilan Koe 31:50

Woletɔ ma ara sɛnɛ minnu sɔrɔn kɛ la, ma si na matɛ wonu di Mari ma. Ma ya sɛnɛ bolo-kalama-dɛɛnnu sɔrɔn, anubɛ sɛnɛ-dɛɛn-kɔlɔnɛnu, anubɛ sɛnɛ-forenu anubɛ sɛnɛ kanna-fannu, anubɛ sɛnɛ-mɔlɔnɛnu anu si minnu sa anuna durukinu ma, ma si wonu di Mari ma alako ma hakɛ yama ni togon.”

1 Pita 3:4

Kɔnɔ ila kinyɛ ni taran i yisi fɔlɔn tɔ. Ila sabari-nya anubɛ ila dinyɛ, wonu denu si Alla hɛnɛ. Alla ya a fɔ ko-su kɛnu denu ma ko anu kin, ado kinya-su kɛnu denu si Alla kolan labɔ!