Kɛlɛ-Kurugbɛnu 9:9 - ALLALA KUMƐ

⁹ “Ɔlifi-kɔlɔma ma sɔn, a ko, ‘Bawo ni n mara wola mansɛ la, n ti n tuli labɔ mɔgɛnu ye, ado mɔgɛnu anubɛ Alla makoe ye tuli wo la.’

Kɛlɛ-Kurugbɛnu 9:9 ပူးပေါင်းရင်းမြစ်များ

Yobu 1:7

Mari ya ale Setanɛ manyinika ko, “Ile ye nfen ma tinɛ nun?” Setanɛ ya a fɔ a ye ko, “N bɔnɛ yigi-ni-yɛlɛ kɛla ka n matagama duninya le tɔ nun.”

Yobu 2:2

Mari ya ale Setanɛ manyinika ko, “Ile ye nfen ma tinɛ nun?” Setanɛ ya a fɔ a ye ko, “N bɔnɛ yigi-ni-yɛlɛ kɛla ka n matagama duninya le tɔ nun.”

Yaburi 104:15

Ado nfan, anu si ke gbɛɛ sɔrɔnna min si a ma, anu ni sewa. I si ɔlifi-tuli fanan di anu ma alako anu ni anu yakɔrɛ mamun. I ye dɔn-fan dila anu ma alako anu ni to sɛnbɛ sɔrɔnna.

Yaburi 89:20

I ko i wara ila wɔli-kɛla Dawuda ma mansɛ la, ado i wara dantɛgɛ-tuli kɛ wo salɛ rɔ.

Bɔ-Koe-Iyipiti 29:2

I ni dɛgɛ-munku-hakikɛ do bi ka a ma biredi anubɛ keki la n ye, isiti sa minnu tɔ. Biredi tɔnkɔn kelan, tuli ni taran wo rɔ, a tɔnkɔn kelan, tulu kana taran wo rɔ. Wo ni tuli susa keki wonu ma.

Bɔ-Koe-Iyipiti 29:7

I ni dantɛgɛ-tuli do bi ka a kɛ a kunyɛ rɔ, ka a dantɛgɛ nde, Mari ma.

Bɔ-Koe-Iyipiti 35:14

Wo ni lɛnpu-kuri anubɛ a fɛ-mirannu nadan anubɛ a yi-lafɛnu anubɛ tuli min bi kɛla a rɔ.

Saraka-Masɔlɛnuta Tɔnnu 2:1

“Fenfen min si ma dɛgɛ la, mɔgɔ tenbi wo mala sarakɛ la Mari ye, fɔ ni a mara dɛgɛ-munku-hakikɛ la. Yanni a ni a di saraka-masɔlɛ ma, a si a yabasan tuli la ka isɛnti sa a kuma.

Kɛwɔlɛnu 10:38

Ado nfan, Alla ya ata Ni-Sɛnimɛ labɔn Yisa, Nasarɛti kɛ, kuma nya min ka sɛnbɛ di a ma, wo ye wo fanan kalama. A tara kan tinɛ bɛɛ rɔ ko-nyima-kɛ-tinɛ. Minnu bɛɛ ye nyinɛta sɛnbɛ kɔrɔ nun, a ya wo bɛɛ hɔrɔya bawo Alla ye a fɛ.

Kɛwɔlɛnu 4:27

Tonyɛ le, Hɛrodi wo, Pontiyasi Pailɛti wo, Isirɛla mɔgɛnu wo, anubɛ sibolo-gbɛrɛnu ya anu nadɛn soe kɛ rɔ yan ila wɔli-kɛla-sɛnimɛ Yisa kan ma, ado ile ya wo ma ita Mɔgɔ-Yabɔnɛ la.

1 Yɔni 2:20

Kɔnɔ Kirasiti ara ata Ni-Sɛnimɛ labɔn wole kuma nun. Woletɔ wo dama ara tonyɛ lɔn.

Kɛlɛ-Kurugbɛnu 9:10

“Wo kɔma, kɔlɔma wonu bɔra nyɔ. Anu tara toro-kuri wara. Anu ko, ‘Ile ni ma mala mansɛ la.’

Kɛlɛ-Kurugbɛnu 9:8

Lunyɛ do, kɔlɔmanu ya anu nadɛn ka mansayɛ sigi. Anu ya a fɔ Ɔlifi-kɔlɔma ye ko, ‘Ile ni ma mala mansɛ la.’