Kɛlɛ-Kurugbɛnu 9:54 - ALLALA KUMƐ

⁵⁴ Tiriyante wo rɔ, Abimɛlɛki ya ala keminɛ do kele min bi ala kɛlɛ-mirannu dununa. A ya a fɔ wo ye ko, “Ila faan sagan a lɛɛ rɔ. I ni n faga alako anu kana na a fɔ ko n tɔgɛ tora musi le la.” Keminɛ wo ya ala faan sagan a rɔ ka a laban.

Kɛlɛ-Kurugbɛnu 9:54 ပူးပေါင်းရင်းမြစ်များ

2 Samuwɛli 1:10

Woletɔ nde fanan tara a faga bawo n ya a lɔn serr, ko a ye fagala le. N ban a fagala, n ya ala mansaya-fulɛ anubɛ ala bolo-kalama-dɛɛn bi. N bara na wonu denu tola i ma kɛ la.”

2 Samuwɛli 1:7

Ale mansɛ ya a tintan tumɛ min, a ya n yen. Wo kɔma, a ya n takele. N ya a labira.

2 Samuwɛli 1:9

A ya a fɔ n ye ko a tanban boloko-yogomɛ-kɛnɛ, ado a ye saya-bonda-dɛ le la kɛ la. A ko n ni ta a laban.

2 Samuwɛli 23:37

Sɛlɛki ka bɔ Amonuna nyamanɛ rɔ, Naharayi, Yohabula kɛlɛ-miran-madununɛ ka bɔ Birɔti soe burɔ,

1 Ko-Kɔrɔta-Karan 10:4

A ya a fɔ ala kɛlɛ-miran-madununɛ ye ko, “Ila faan sagan a rɔ. I ni n faga alako Filisiti keminiyabɛlɛ kɛnu kana na n mɔnima-fagɛ-kɛ.” Kɔnɔ keminɛ wo kilanta a faga-ko ma. Ale Sɔli nyɛrɛ-nyɛrɛ ya ala faan bi ka wo sɔ dugi ma. A ya a burun wo sun na.

1 Ko-Kɔrɔta-Karan 10:5

Ala keminɛ wo ya a yen min kɛ ko Sɔli ara faga, ale fanan ya ala faan sɔ dugi ma ka a burun wo sun na. Ale fanan fagara.

1 Ko-Kɔrɔta-Karan 11:39

Sɛlɛki ka bɔ Amonnuna nyamanɛ rɔ Naharayi, Yohabula kɛlɛ-miran-madununɛ ka bɔ Bɛroti soe burɔ

Kɛlɛ-Kurugbɛnu 4:9

Dɛbora ko, “Tana ma wo la. N si ta i fɛ. Kɔnɔ ile ti tɔgɔ-wo-tɔgɔ sɔrɔn kɛlɛ kɛ rɔ fɔ musi, wo le ye Sisara nɔla.” Dɛbora tara Bɛraki fɛ Kidɛsi soe burɔ. Anu ke soe wo burɔ, anu ya mɔgɔ waga tan (10,000) wonu kele ka bɔ bɔnsɔn filɛ wonu tɔ ko anu ni bila anu mɔgɔ filɛ fɛ.

Kɛlɛ-Kurugbɛnu 9:55

Ala kɛlɛ-dannu ya a yen min kɛ ko a ara faga, anu dama nyɛnsɛnta. Anu tara anu barɛnu tɔ.

1 Samuwɛli 14:12

Anu ya anu takele ko, “Wo yɛlɛ ma wara yan tɔ. Ma si ko lato wo la bi!” Yonatan ya a fɔ ala keminɛ wo ye ko, “Bila n fɛ. Mari ara sɛnbɛ di Isirɛla mɔgɛnu ma kɛnu kuma.”

1 Samuwɛli 14:13

Yonatan anubɛ keminɛ wo ya anu kian anubɛ anu bole banban farɛ wo ma ka yɛlɛ Filisiti wonu manɛgɛnna. Yonatan ke Filisitinu ma, a ya anu gbesi dugi la. Ala keminɛ wo ye tala anu fagala a kɔma kilɛ la.

1 Samuwɛli 14:14

Anu ya kɛlɛ dabira kan min, wonubɛ sara-ninki tele kelen wɔli-gbɛ kɛn de! Yonatan anubɛ ala keminɛ wo ya mɔgɔ mogan nyɔgɔn faga nyɔ wati-kundi wo kɔrɔ.

1 Samuwɛli 14:17

Woletɔ Mansa Sɔli ya a fɔ ala kɛlɛ-dannu ye ko, “Wo ni wo nyɔgɔn dan. Wo si a lɔn worɔ, ni kɛlɛ-dan do ara tunu wo rɔ.” Anu ya anu nyɔgɔn dan tumɛ min, anu ya a yen, Yonatan anubɛ ala kɛlɛ-miran-madununɛ sa anu tɛma nyɔ.

1 Samuwɛli 14:7

Ala miran-madununɛ wo ya a fɔ a ye ko, “Ni ko-wo-ko kɛ-sɔgɛ ye i la, n bi i fɛ.”

1 Samuwɛli 16:21

Dawuda kera Mansa Sɔli ma tumɛ min, a ya ala wɔlɛ dabira. A wara-koe diyara Mansa Sɔli ye. Wo ya a ma ala kɛlɛ-miran-madununɛ la.

1 Samuwɛli 31:6

Mansa Sɔli anubɛ ala den mɔgɔ sawɛ anubɛ ala kɛlɛ-miran-madununɛ fagara wo nya na le wulɔn tele kelan. Ala mansaya-bɔn latogonta.