Kɛlɛ-Kurugbɛnu 9:5 - ALLALA KUMƐ

⁵ Kidiyɔnla dan Abimɛlɛki ya a fa-kelen-dan wonu bi ka ta anu na anu fa warɛ Ɔfara soe burɔ. A ya a na-kelen-nyɔgɛ mɔgɔ bi-wɔrɔnfila bira anu faga-koe la farɛ do kuma nyɔ. Kɛ bɛɛ rɔ fɔ mɔgɔ kelen, wo le kunyɛ bɔra a rɔ. Anu dɔgɛ laban Yɔtam, wo le ya a buri a kɔrɔ ka a dogon.

Kɛlɛ-Kurugbɛnu 9:5 ပူးပေါင်းရင်းမြစ်များ

1 Mansɛnu 1:12

Ni i ye a fɛ, wobɛ ila den Silamɛni niyi la ni kisi, n bi nala min fɔla i ye kɛ la, i ni wo ma tiriya!

1 Mansɛnu 1:21

Ni i ma Silamɛni ma mansɛ la i gbɛ rɔ, wati do si ke, i wa faga tumɛ min, anu si mabɛ nna den Silamɛni mɔnima-birɛ-kɛ.”

2 Mansɛnu 10:17

Anu kera Samariya soe burɔ tumɛ min, Mansa Ehabula mɔgɛ toe minnu bi Samariya soe burɔ, Mansa Yehu ya wonu damasi lato dogbe iko Mari ya a fɔ Nɛbi Ilaya ye nya min.

2 Mansɛnu 10:7

Anu ya Mansa Yehula kɛdi rakaran tumɛ min, anu ya Mansa Ehabu kegeya bi-wɔrɔnfilɛ wonu kunyɛ tɛgɛ a la. Anu ya wonu sa sendenu tɔ ka wonu nata Mansa Yehu ma Yɛsɛreli soe burɔ.

2 Mansɛnu 11:3

San wɔrɔ dɛgɛdɛgɛ, Yihɔsɛba ye a tɛnɛnɛ fɛ-birala Mari Bato-Bɔn wo la. San wɔrɛ wo kɔrɔ, a mama Atalaya ye mansayɛ la Yuda nyamanɛ rɔ.

2 Ko-Kɔrɔta-Karan 21:4

Yɛhoram kɛ kunta Yuda nyamanɛ ma tumɛ min, a ya a dɔgɔ mɔgɔ wɔrɔ wonubɛ nyɔ-mɔgɔ-ba donu faga.

Matiyu 2:16

Hɛrodi ya a lɔn tumɛ min ko tele-bɔ-hɛnkilimɛnu bara a yanfa, a yisi bɔra bɛrɛkɛ! A ya a fɔ ko den-kei min bɛɛ ye Bɛtalehɛm soe burɔ anubɛ a dafɛ-soenu tɔ, a ko dan minnu sɔrɔn ma tenbi san fila la, wo bɛɛ ni faga. Hɛnkilimɛnu ya lole wo yen wati min, ale Hɛrodi ya san-fila-koe wo latɛgɛ wola ko la.

Matiyu 2:20

A ko, “I lasɔ. I ni dennɛ anubɛ a na bi. I ni sɛgi anu na Isirɛla nyamanɛ rɔ bawo minnu ya anu taya dennɛ kɛ faga-koe ma, wonu bara tenbi.”

Kɛlɛ-Kurugbɛnu 6:11

Abiyɛsa kebila-mɔgɛ do ye Ɔfara soe burɔ. Wo tɔgɛ Yohasi. Wola den Kidiyɔn ye ala fui-fan tɛnna kan-tina-dogonnɛ do rɔ, anu si nɔnbɔ-gbɔɛnu burun kan min. A dogonnɛ nyɔ alako Midiyan kɛnu kana na a yen. Mari tara Ɔfara soe burɔ melikala muninyɛ rɔ ka a mayigi Yohasi wola kɔlɔma-kuri-latankanɛ do kɔrɔ.

Kɛlɛ-Kurugbɛnu 6:24

Kidiyɔn ya saraka-bɔ-tinɛ sɔ Mari ye. A ya a tɔgɔ sa “Yisi-kimɛ le Mari la.” (Ha bi, saraka-mintan-tinɛ wo ye Abiyɛsa bɔnsɔnnu bolo Ɔfara soe burɔ.)

Kɛlɛ-Kurugbɛnu 8:30

A ya den-kei mɔgɔ bi-wɔrɔnfila sɔrɔn bawo a ya musu-siyaman furu.

Kɛlɛ-Kurugbɛnu 9:18

Wo sɛgira n fa wo lela dannu kɛlɛla tun ka anu faga. Wo ya n kɔrɔ mɔgɔ bi-wɔrɔ ani mɔgɔ kɔnɔntɔ (69) faga fara kelen kuma. Fɔ nde kelan min tora. Wo sɛgira na-kelen-nyɔgɔnyɛ diyala ma kuma ka n fala yɔɔn-musila den Abimɛlɛki ma mansɛ la.

Kɛlɛ-Kurugbɛnu 9:2

“Wo ni Sɛkɛm so-burɔ-mɔgɛnu manyinika ko Kidiyɔnla den mɔgɔ bi-wɔrɔnfilɛ wonuta mansayɛ wo, mɔgɔ kelanta mansayɛ wo, anu ni anuta bi wo rɔ. Kɔnɔ min sanɛ wo kuma, anu ni a lɔn ko anuna den-bɛrɛbɛrɛ le nde, Abimɛlɛki la.”

Kɛlɛ-Kurugbɛnu 9:6

Sɛkɛm mɔgɛnu anubɛ Bɛti-Melo sorɔ-mɔgɛnu ya anu nadɛn kan-tina-kelen Sɛkɛm soe burɔ anuna kɔlɔma-kuru-latankanɛ kɔrɔ. Anu ya Abimɛlɛki ma mansɛ la nyɔ.