Kɛlɛ-Kurugbɛnu 9:4 - ALLALA KUMƐ

⁴ Anu tara anuna bɛsi-bɔn la anuta bɛsɛ min tɔgɛ “sarama-kan kirinɛ Beyali min ye” wo ye kan min. Anu ya wodi-gbɛ-gbu bi-wɔrɔnfila bi nyɔ ka ta karagbɛlɛnu masan.

Kɛlɛ-Kurugbɛnu 9:4 ပူးပေါင်းရင်းမြစ်များ

2 Samuwɛli 6:20

Mansa Dawuda fanan tara ala bɔn la ka ta ala mɔgɛnu kɔndɔn. Ala musi Mikali nara a taran. A ya a fɔ ala kei ma ko, “Isirɛla mansɛ ara tɔgɔ sɔrɔn bi. A ara a nyɛrɛ gbu makolonya ala mɔgɔ-banuna yɔɔn-musinu yala iko yuwɛ.”

2 Ko-Kɔrɔta-Karan 13:7

Wo kɔma, a ya kalabantenu nadɛn minnu tara Rihobowami kan ma. Wo wati rɔ, fonike le ale Mansa Rihobowami la, ado a ti kalabante wonu nɔ kumɛ rɔ.

Yobu 30:8

Mɔgɛnu bara anu denu minnu gben nun, anu magboyanɛ si to, ado mɔgɛnuna ko ti taran anuna ko rɔ.

Hɛnkilimaya-Kumɛnu 12:11

Dɔn-fan ti dasa wɔli-kɛla-nyana-warɛ bɔn la kɔnɔ mɔgɛ min ti sɔn a nyɛrɛ tɔrɔ koe ma fɔ ka nɔnfulu-lakalamɛ nyini, hɛnkilima ma wo la.

Sɛfanaya 3:4

Fenfen sa yan-nɛbinu da rɔ fɔ nyɛrɛ-matɔgɔ-kumɛnu. Anu bi min fɔla, mɔgɔ ti la wonu na. Fan minnu dantɛgɛnɛ Mari ma, saraka-masɔlɛnu bi wo latinyana, ado Allata tɔnnu minnu sɛbɛnɛ, anu bi wonu tadula alako anu ni fen bɔ mɔgɛnu bolo.

Kɛwɔlɛnu 17:5

Kɔnɔ keliyɛ wulita Yahudiya donu na. Anu ya mɔgɔ-yokalente donu bi kilɛ la alako anu si nyama ladɛn. Anu ya a ma, soe bɛɛ sɔnkɔra ka bui Yesonla bɔn ma Pɔli anubɛ Sailasi ye kan min. Anu bi a fɛ ka anu nabɔ nyama ma.

Kɛlɛ-Kurugbɛnu 11:3

Yɛfɛta ya a buri a fala dannu kɔrɔ. A tara a sigi nyamanɛ do rɔ min tɔgɛ Tobu. Kemini-karagbɛlɛnu nara anu nadɛn a fɛ. Ale mara wonuna kun-tigi la.

Kɛlɛ-Kurugbɛnu 8:33

Kidiyɔnna fagɛ kɔmɛ, Isirɛla mɔgɛnu ya Alla-batoe boloka bɛrɛbɛrɛ-wɛ-kɛ ka Beyali bɛsɛnu kɔ. Anu ya bɛsɛ wo kelen tɔgɔ sa “Ma sarama-kan kirinɛ Beyali min ye.”

Kɛlɛ-Kurugbɛnu 9:27

Anu tara anuna nɔnbɔ-gbɔ-sɛnɛnu tɔ ka nɔnbɔ-gbɔɛnu keri ka anu burun. Anu bi ladiyɛ kɛla ka fen dɔn anubɛ ka nɔnbɔ-gbɔ-yi min anuna bɛsi-kɔ-tinɛnu tɔ, anu bi Abimɛlɛki tɔgɛ tinyana a kɔma.

1 Samuwɛli 22:2

Mɔgɔ-tɔrɔnɛnu wo, yilima-tiginu wo, anubɛ mɔgɔ-murutiyanɛnu, wonu denu wulita ka ta kofu Dawuda ma. Mɔgɛ wonu yatɛ bɛnta mɔgɔ kɛmɛ nanɛ ma. Ale Dawuda mara anuna kun-tigi la.