Kɛlɛ-Kurugbɛnu 9:28 - ALLALA KUMƐ

²⁸ Keyali ya a fɔ nyama wo tɛma ko, “Nfen bi Abimɛlɛki la min bi a tola male Sɛkɛm mɔgɛnu bi kilanna a la? Kidiyɔnla dan ma ale la, wa? Yanni ma ni to Abimɛlɛki kɛ anubɛ ala kandɛ Sebuli kɔrɔ, a fisa worɔ, ma ni to Sɛkɛm fa Hemori kebila-mɔgɛ do kɔrɔ.

Kɛlɛ-Kurugbɛnu 9:28 ပူးပေါင်းရင်းမြစ်များ

Ko-Dabirɛnu 33:19

Kei min tɔgɛ sara Sɛkɛm soe kɛ kuma, wo fa tɔgɛ le Hemori. Yakoba ya dugu-kundi san Hemori sɔrɛ ma wodi-gbɛ-gbu kɛmɛ la. A ya a daga makɛ nyɔ.

Ko-Dabirɛnu 34:2

Hemori min bi mansayɛ la Hɛfa nyamanɛ wo rɔ, wola dan Sɛkɛm buira Daina ma ka a sa a fɛ.

Ko-Dabirɛnu 34:6

Kɔnɔ yanni Yakobala den-keinu ni na, Sɛkɛm fa Hemori ara na Yakoba wara Daina mabira tinɛ.

2 Samuwɛli 20:1

Bikirila den kalabante Siba siginɛ Kiligali soe burɔ, ado Bɛnyamɛ bɔnsɔn-mɔgɛ do le ale la. Siba ya buri fɛ ka Isirɛla mɔgɛnu nadɛn. A ya a fɔ ko, “Ma ni ma bɔ Dawuda fɛ. Ma sa Yɛsila den Dawuda kɛ fɛ. Ma sɛgi wona ma warɛnu tɔ bawo male Isirɛla mɔgɛnu, mata mumɛ sa Dawuda wara-ko rɔ.”

1 Mansɛnu 12:16

Mɔgɛ wonu ya a yen min kɛ ko Mansa Rihobowami sa a wɔlɔ matɔlɔla anu na, anu ya sɔnkɛ tɛgɛ, anu ko, “Ma sa nyinina Dawuda anubɛ a kebilɛ ma tun! Anu bara nfen ma ma ye? Ni Isirɛla mɔgɛ le yɛ, bɛɛ ni sɛgi a warɛ! Fɔ ni ile Rihobowami tora mansayɛ la i fa Dawudala denbayɛnu kun ma.” Anu ban wo fɔla, Isirɛla mɔgɛ bɛɛsi sɛgira a warɛ.

Kɛlɛ-Kurugbɛnu 9:26

Ibɛdila den-kei Keyali anubɛ a na-kelen-nyɔgɛnu yirindira Sɛkɛm soe burɔ. Sɛkɛm so-burɔ-mɔgɛnu wulita lala Keyali la.

Kɛlɛ-Kurugbɛnu 9:41

Abimɛlɛki ma a lasɔrɔn. A ya a bɔ a fɛ. A tara a sigi Aruma soe burɔ. Sebuli ya Keyali anubɛ a na-kelen-nyɔgɛnu gben Sɛkɛm soe wo burɔ feufeu!

1 Samuwɛli 25:10

A mɛ doni, Nebali ya anu yabi ko, “Yon bi Dawuda kɛ la? Nde ma Dawuda tɔgɛ lamɔɛn bɛ! Mala nyamanɛ kɛ lafanɛ yɔɔn-burinɛnu denu na.