Kɛlɛ-Kurugbɛnu 9:19 - ALLALA KUMƐ

¹⁹ Ni wo lara a la ko wobɛ wola mansa-siginɛ kɛ ya ko-nyimɛ le ma Kidiyɔnla dannu na, alamɛ wobɛ wola mansɛ Abimɛlɛki yisi kimara.

Kɛlɛ-Kurugbɛnu 9:19 ပူးပေါင်းရင်းမြစ်များ

Aiseya 8:6

ale Mari manɛ iko Silowa tenke min bi yigila a fɛrɛma. Mɔgɛnu bara anu ban tenke wo la min kɛ ka kilan Mansa Risen anubɛ Mansa Peka la,

Filipai 3:3

ado male ara kemininya-bɛrɛ sɔrɔn. Anu denu ma de! N bi wo fɔla bawo male ye Alla batola ata Ni-Sɛnimɛ baraka rɔ. Male ara nyagalen ma tagama-nyala ko la Yisa Kirasiti rɔ. Mɔgɛnu bi min mala anu fɛrɛnu na, male ti ma yigi sa wo kuma hali doni!

Yemesi 4:16

Kɔnɔ kaka, wo wasinɛ. Wo ye wo nyɛrɛ matɔgɔla, ado nyɛrɛ-matɔgɔ-su wo yogo.

Kɛlɛ-Kurugbɛnu 6:32

Bawo Yowasi ara a fɔ ko Beyali ni a tayili sara, woletɔ mɔgɛnu donta Kidiyɔn kele rɔ ko “Yɛruba-Beyali.”

Kɛlɛ-Kurugbɛnu 9:18

Wo sɛgira n fa wo lela dannu kɛlɛla tun ka anu faga. Wo ya n kɔrɔ mɔgɔ bi-wɔrɔ ani mɔgɔ kɔnɔntɔ (69) faga fara kelen kuma. Fɔ nde kelan min tora. Wo sɛgira na-kelen-nyɔgɔnyɛ diyala ma kuma ka n fala yɔɔn-musila den Abimɛlɛki ma mansɛ la.

Kɛlɛ-Kurugbɛnu 9:20

Kɔnɔ ni wo lara a la ko wo ma ko-nyima ma anu na, alamɛ tɛ bɔra Abimɛlɛki bolo ka Sɛkɛm anubɛ Bɛti-Melo so-burɔ-mɔgɛnu mintan gburr! Alamɛ tɛ bɔra sorɔ-mɔgɛ wonu bolo ka Abimɛlɛki fanan mintan gburr!”