Kɛlɛ-Kurugbɛnu 8:3 - ALLALA KUMƐ

³ Marita sɛnbɛ ara a ma, wo ara Midiyan nyamani-tigi filɛ kɛnu faga, Ɔrɛbu anubɛ Sibi. Nde ya nfen ma wulɔn tele rɔ nun?” Kidiyɔn ban wo fɔla, anu yisi-kimara pɔi!

Kɛlɛ-Kurugbɛnu 8:3 ပူးပေါင်းရင်းမြစ်များ

Yaburi 115:1

Ka a tɛgɛ ila hinɛ anubɛ ila lanayɛ ma, gbiliyɛ bɛnta ile Mari ma, male ma de!

Yaburi 44:3

Kɛlɛ ma a ma, ita mɔgɛnu ya nyamanɛ wo sɔrɔn. Anu ma a sɔrɔn anuta sɛnbɛ dɔrɔn na. Ita sɛnbɛ anubɛ ita fanka, wo le ya a ma, anu ya a sɔrɔn. Anu ya a lɔn min kɛ ko ile ye anu fɛ, wo le ya a yira anu na ko anu di i ye.

Hɛnkilimaya-Kumɛnu 15:1

Kuma-makimani-fɔɛ si mɔgɔ-yisi-bɔnɛ kimɛ kɔnɔ kuma-yogoma-fɔɛ si tɛ tugu mɔgɔ-yisi-bɔnɛ la.

Hɛnkilimaya-Kumɛnu 16:32

Yanni i ni sɛnbɛ sɔrɔn ka so-kun kelan gbesi, a fisa, i ni kun i nyɛrɛ ma ka i nyɛrɛ mara.

Hɛnkilimaya-Kumɛnu 25:11

Mɔgɛ min bi hɛnkilimaya-kumɛ fɔla a wati-bɛnnɛ rɔ, wo kin iko anu ba sɛnɛ-mɔlɔnɛ sa wodi-gbɛ tɛma.

Hɛnkilimaya-Kumɛnu 25:15

Mɔgɛ min si a munyu mansɛ kɔrɔ kuma fɔ tinɛ, tumado, wole ye ale mansa-miriya yɛlɛmana. Kuman-kan-diyamɛ le si mɔgɔ nɔ.

Yɔni 4:37

Tonyɛ le kumɛ kɛ la ka a fɔ ko, ‘Do si a wɔrɔ, do si a tɛgɛ.’

Romu 12:3

Alla ara n kɔ ata hinɛ rɔ alako n ni kɛ fɔ wo kelen-kelennamɛ-bɛɛ ye. Wo kana wo miri wo nyɛrɛ ma ko wo nyɔgɔn sa. Min fisa, wo ni wo famayigi wo miriya rɔ. Alla ara dɛnkɛninyɛ min nyɔgɔn di wo ma, a bɛnta, wo kelen-kelennamɛ-bɛɛ ni wo lɔn wo nyɛrɛ ma.

Romu 12:6

Woletɔ Alla ara hinɛ min nyɔgɔn di ma ma, ma ni mala sanbɛnu nawɔli wo nya na le worɔ. Ni mala sanbɛ le ka Allala kilayɛ lake, ma ni wo ma iko mala dɛnkɛninyɛ ye nya min.

Filipai 2:3

Wo kana ko-wo-ko kɛ ka a bɛn wo nyɛrɛta nata ma. Wo kana ko ladan min si a ma, wo ni wo nyɛrɛ kɔrɔbi nya min. Wo ni wo famayigi wo nyɔgɔn ye. Wo kana ko ladan min si a yira ko wo fisa wo nyɔgɔn ko mumɛ!

Kɛlɛ-Kurugbɛnu 8:2

Kidiyɔn ko, “Nde ya min ma, anubɛ wole ya min ma, mɔgɔ ti wonu sanka anu nyɔgɔn ma. Wole ara koe min ma, wo tenbira maletɛ la pirr!

Kɛlɛ-Kurugbɛnu 8:4

Kɛ wati ya a taran gbɛ, Kidiyɔn anubɛ ala kɛlɛ-dan mɔgɔ kɛmɛ sawɛ ara Yorodan bɛ kɛ tɛgɛ nun. Anu bandannɛ dɔgɔma-ma-de kɔnɔ hali wo, anu bi anu yogenu sagaranna.