Kɛlɛ-Kurugbɛnu 8:27 - ALLALA KUMƐ

²⁷ Kidiyɔn ya sɛnɛ wonu nalee ka a ma fɔlɔnfalan-kundi la. A tara wo la a warɛ Ɔfara soe burɔ. Isirɛla mɔgɔ damasi ya hakɛ kɛ ka don sɛnɛ-fɔlɔnfalan-kundi wo batoe rɔ. Sɛnɛ min manɛ fɔlɔnfalan-kundi wo la, wo mara gbɛrɛ la Kidiyɔn anubɛ ala denbayɛ ye.

Kɛlɛ-Kurugbɛnu 8:27 ပူးပေါင်းရင်းမြစ်များ

Yaburi 106:35

Kɔnɔ furu-nyɔgɔnyɛ donta anubɛ wonu tɛma. Anu ya Alla-lɔnbɛlɛnu kɛ-nya bi.

Yaburi 106:39

Anu kɛ-nya ya anu natinya, ado anu denu ma telen Alla ye.

Yaburi 73:27

Mɔgɔ-wo-mɔgɔ ya a masɛgi ile la, wo tigi si tɔrɔ, yɔ! Ni mɔgɔ-wo-mɔgɔ ma a telen i ye, i si wo tigi halaki.

Bɔ-Koe-Iyipiti 23:33

Wo ka sɔn sibole wonu ni sigi wola nyamanɛ wo rɔ. Ni wo ya wo ma, anu si wo ladon hakɛ rɔ nde, Mari kan ma. Ni wo ya anuna bɛsɛnu kɔ, wonu si ma gbɛrɛ la wo ye ka wo faga.”

Bɔ-Koe-Iyipiti 32:4

A ya wonu bira anu bolo ka anu lee ka a ma ninki-danla muninyɛ la. Isirɛla mɔgɛnu ya a fɔ ko, “E, mata bɛsɛ le kɛ la min nara ma la ka bɔ Iyipiti nyamanɛ rɔ.”

Bɔ-Koe-Iyipiti 34:16

Wo ni a ma wo fɛrɛma. Wo kana sɔn anuna dunmusinu furula wola den-keinu ye kamasɔrɔn wonu ba don anuna bɛsi-kɔɛ rɔ tumɛ min, anu kana wola den-keinu kɔndɔfili ka anu nadon anuna bɛsi-kɔ-koe rɔ.

Aiseya 8:20

Wole ni mɔgɛ wonu yabi ko, “Mari ye min fɔla ma ye, ma tole masɔnɛ wo le la.” Wo kana wo tole masɔ yi-kɔrɔ-fɛlɛnnɛ wonu kan la bawo wonu bi min fɔla wo ye, wo ti ko-wo-ko nyinya wo ma.

Isikiyɛli 7:20

Wati donu tɔ nun, anu wasinɛ anuna dugu-kɔrɔ-nɔnfulinu tɔ kɔnɔ anu ya wonu denu bi ka wonu ma anuna bɛsi-yogoyanɛnu makiri-fan la. Woletɔ Mari ara a ma, anuna fen-kolomɛnu bara gboya anu ye.”

Hoseya 2:2

Nna dannu, wo ni wo na makawandi bawo nna musu ma a la tun, ado ala kei ma n na tun. Wo ni wo na madiya alako a ni fara kei-gbɛrɛ-makiyi anubɛ yɛlɛnyɛ la.

Hoseya 3:4

Alla ko Isirɛla mɔgɛnu bi mala le iko musi kɛ. Anu si mɛ sigini, kun-tigi ti taran anu kun na. Anu ti saraka-wo-saraka bɔ. Hali anuna Alla-sako-lɔn-fannu, wonu ti taran anu bolo.

Tɔn-Fɔɛ-Fila-Nyɔgɛ 12:5

Wo bɔnsɔn mumɛ lakofunɛ, Mari Alla si kan-tina-kelen yabɔ bɔnsɔn tan-ni-filɛ wo ye wola nyamanɛ wo rɔ wo si ta a bato kan min.

Tɔn-Fɔɛ-Fila-Nyɔgɛ 7:16

Mari Alla ye sibole minnu donna wo bolo, wo kana kinikini anu ma. Wo ni anu damasi faga tɛrr! Wo kana anuna bɛsɛnu kɔ. Ni wo ya wo ma, wo si ma gbalo la wo ye.

Tɔn-Fɔɛ-Fila-Nyɔgɛ 7:25

Wo ni anuna bɛsɛnu mintan. Sɛnɛ anubɛ wodi-gbɛ minnu bi anuna bɛsɛnu ma, a sɔgɔ kana wo bira ka wonu bi. Ni wo ya wo ma, wo si ma gbalo la wo ye bawo wo ko-sunu ma di Alla ye hali doni bɛrɛni!

Kɛlɛ-Kurugbɛnu 17:5

Maika kɛ, kan-tinɛ do ye a bolo a si ala bɛsɛnu kɔ kan min. Fɔlɔnfalan do lamaranɛ a bolo nyɔ, min manɛ iko saraka-masɔlɛtɛ. Wo kɔma, a ya bɛsɛ do ladan fanan ka wo lamara bɔn wo la. A ya ala dan do yabɔ ka wo ma saraka-masɔlɛ la a nyɛrɛ ye.

Kɛlɛ-Kurugbɛnu 18:14

Ko-lakɔrɔsila mɔgɔ loli wo minnu tara Leyisa soe lakɔrɔsi-tinɛ, wonu ya a fɔ anu ta-nyɔgɛnu ye ko, “Wodi-gbɛ sanɛ anuna bɛsi-kɔlɔma do ma bɔn do la yan. Fɔlɔnfalan do ye nyɔ fanan mɔgɔ si Alla sako lɔn min fɛ. Bɛsi-dogbɛrɛnu bi nyɔ. Ma si nfen ma wona?”

Kɛlɛ-Kurugbɛnu 18:17

Ko-lakɔrɔsila mɔgɔ loli wonu donta bɔn la ka ta saraka-masɔya-fɔlɔnfalan wo bi anubɛ kɔlɔma-malɛsɛnɛ wodi-gbɛ leenɛ min ma. Anu ya bɛsɛ doi wonu fanan bi. Kɔnɔ saraka-masɔlɛ wo tora sɔni kɛlɛ-den-mabɛnni mɔgɔ kɛmɛ wɔrɛ wonu tɛma. A ya bɛsɛ wonu yen anu bolo la tumɛ min, a ya anu manyinika, a ko, “Wo ye nfen kun na wo la?”

Kɛlɛ-Kurugbɛnu 2:2

N ya a fɔ fanan ko wo kana lanyiri kiri mɔgɔ-wo-mɔgɔ ye yan fɔ ka anuna bɛsɛnu tinya pɔɔ! Kɔnɔ kaka, wo ara a yen wo ara min ma, wa? Wo ara n kuman-kan tinya.

Kɛlɛ-Kurugbɛnu 2:3

Woletɔ n bara a latɛgɛ ko n ti mɔgɛ wonu gben wo yarɔ tun. Anu si ma wo yogenu na. Anuna bɛsi-kɔ-koenu si wo bira iko gbɛrɛ.”

Kɛlɛ-Kurugbɛnu 6:11

Abiyɛsa kebila-mɔgɛ do ye Ɔfara soe burɔ. Wo tɔgɛ Yohasi. Wola den Kidiyɔn ye ala fui-fan tɛnna kan-tina-dogonnɛ do rɔ, anu si nɔnbɔ-gbɔɛnu burun kan min. A dogonnɛ nyɔ alako Midiyan kɛnu kana na a yen. Mari tara Ɔfara soe burɔ melikala muninyɛ rɔ ka a mayigi Yohasi wola kɔlɔma-kuri-latankanɛ do kɔrɔ.

Kɛlɛ-Kurugbɛnu 6:24

Kidiyɔn ya saraka-bɔ-tinɛ sɔ Mari ye. A ya a tɔgɔ sa “Yisi-kimɛ le Mari la.” (Ha bi, saraka-mintan-tinɛ wo ye Abiyɛsa bɔnsɔnnu bolo Ɔfara soe burɔ.)

Kɛlɛ-Kurugbɛnu 8:26

Anu ya sɛnɛ-fore minnu nadɛn Kidiyɔn ye, wo damasi lakofunɛ gbiliyɛ manɛ le iko yi kalɔn nani. A dɛɛn-kɔlɔnɛ sa kɛ ma, a bolo-kalama-dɛɛn sa kɛ ma, a kan-na-fen sa kɛ ma, hali a yɔlɔkɛ minnu bi nyomɛnu kan na. Hali Midiyan kɛnuna mansaya-duruki da-gbɛlɛnu bɔnɛ kɛnu na.

Kɛlɛ-Kurugbɛnu 8:28

Isirɛla mɔgɛnu ya Midiyan kɛnu nɔ. Yakɔrɔ-mamɔ ma taran anu ma tun. Wo kɔma, san bi-nani Isirɛla mɔgɛnu bi yisi-kimɛ rɔ Kidiyɔn kɔrɔ.