Kɛlɛ-Kurugbɛnu 8:24 - ALLALA KUMƐ

²⁴ Wo kɔma, Kidiyɔn ya anu manyinika ko kelen ma, a ko, “Min sɔgɛ ye n na dɔrɔn, wo ya sɛnɛ-fore minnu bi ma yogenu bolo, wo kelen-kelennamɛ-bɛɛ ni wotɛ di n ma.” (Midiyan keinu si sɛnɛ-fore le don anu tole la iko anu sigi-nyɔgɛnu si a ma nya min.)

Kɛlɛ-Kurugbɛnu 8:24 ပူးပေါင်းရင်းမြစ်များ

Ko-Dabirɛnu 24:22

Nyomɛnu ban yi wo minna, kei wo ya sɛnɛ-foro kelen bi min si don a sunyɛ la anubɛ sɛnɛ-bolo-kalama-dɛɛn fila ka wonu di dunmusi wo ma. Sɛnɛ-fore anubɛ sɛnɛ-bolo-kalama-dɛɛn wonu kolo dɔgɔma-ma-de!

Ko-Dabirɛnu 24:53

Wɔli-kɛlɛ ya fen da-gbɛlɛ-siyaman bi ka wonu ma Rebɛka furu-fan la. A ya wonu di a kɔrɔ Leban anubɛ a na ma. Wo kɔma, a ya fɛrɛya-bɔɛ anubɛ wodi-gbɛ anubɛ sɛnɛ bi ka wonu fanan di Rebɛka ma.

Ko-Dabirɛnu 25:12

Nba, Iburayimala dan Sumanyila Sirala yɔɔn-musi Hega, Iyipiti kɛ ya min sɔrɔn Iburayima ye, wo bɔnsɔn le kɛnu na,

Ko-Dabirɛnu 25:13

Sumanyilala den-keinu tɔgɛ le kɛnu na iko anu sɔrɔnta nya min. Ala den-kei-sarɛ tɔgɛ le Nebayɔti. Nebayɔti dɔgɛ le kɛnu na, Kedari wo, Adibɛli wo, Mibisan wo,

Ko-Dabirɛnu 35:4

Yakobala mɔgɛnu ya anuta bɛsɛnu don a bolo anubɛ anuna tolola-fan minnu tugunnɛ anuna bɛsi-kɔ-koe la. Yakoba ya denkɛ sin ka wo bɛɛ togon kɔlɔma-kuru-wɛ do kɔrɔ Sɛkɛm soe dafɛ.

Ko-Dabirɛnu 37:25

Anu bi fen dɔnla tumɛ min, Sumanyila kegeyɛ minnu siginɛ Midiyan nyamanɛ rɔ, anu ya wonu yen nala wula-yan la ka bɔ Kaliyadi nyamanɛ rɔ. Anu nara kɛnɛ anubɛ se-tuli anubɛ isɛnti dunɛnu na. Wonu kirinɛ anuna nyomɛnu kɔ tɛma. Anu bi tala Iyipiti nyamanɛ rɔ.

Ko-Dabirɛnu 37:28

Midiyan yila wonu tenbimatoe, Yusufu kɔrɔnu ya a layɛlɛ ka a labɔ kɔlɔn rɔ. Anu ya a mayira Sumanyila kegeyɛ wonu ma wodi-gbɛ-gbu mogan na. Wonu tara Yusufu la anu bolo Iyipiti nyamanɛ rɔ.

1 Mansɛnu 20:11

Mansa Ehabu ya kilayɛ wo kɔfili a ko, “Wo ta a fɔ Mansa Bɛnhedadi ye ko kɛlɛ-den-bɛrɛbɛrɛ ti a nyɛrɛ matɔgɔ fɔ kɛlɛ wa ka-a-la.”

Bɔ-Koe-Iyipiti 12:35

Isirɛla mɔgɛnu ya a ma iko Musa ya a fɔ anu ye nya min. Anu tara sɛnɛ anubɛ wodi-gbɛ anubɛ fɛrɛya-bɔɛnu matara Iyipiti kɛnu ma.

Bɔ-Koe-Iyipiti 32:3

Anu nara sɛnɛ-tolola-fan wonu na ka anu don Aruna bolo.

Bɔ-Koe-Iyipiti 32:4

A ya wonu bira anu bolo ka anu lee ka a ma ninki-danla muninyɛ la. Isirɛla mɔgɛnu ya a fɔ ko, “E, mata bɛsɛ le kɛ la min nara ma la ka bɔ Iyipiti nyamanɛ rɔ.”

Bɔ-Koe-Iyipiti 32:8

N bara kilɛ min yira anu na, anu bara bɔ wo fɛ tiriya! Anu bara ninki-danla muninyɛ ladan ka a kɔ ka sarakɛnu bɔ a ye. Anu bi a fɔla ko anuta bɛsɛ le wo la min nara anu na ka bɔ Iyipiti nyamanɛ rɔ.”

Isikiyɛli 7:20

Wati donu tɔ nun, anu wasinɛ anuna dugu-kɔrɔ-nɔnfulinu tɔ kɔnɔ anu ya wonu denu bi ka wonu ma anuna bɛsi-yogoyanɛnu makiri-fan la. Woletɔ Mari ara a ma, anuna fen-kolomɛnu bara gboya anu ye.”

Kɛlɛ-Kurugbɛnu 8:25

Isirɛla mɔgɛnu ko, “Ka wonu di i ma, ma diyana-koe le wo la.” Anu ya kura-belebele do rasa dugi ma. Mɔgɛ bɛɛ ya sɛnɛ-fore minnu bi kɛlɛ rɔ, anu nara ka anutɛ sa nyɔ rɔ.

1 Samuwɛli 25:11

Nde ara biredi anubɛ yi anubɛ soge minnu namara nna wɔli-kɛlɛnu ye, nde ye wo dila wole ma nfenna? N ma wole lɔn.”