Kɛlɛ-Kurugbɛnu 8:22 - ALLALA KUMƐ

²² Isirɛla mɔgɛnu ya a fɔ Kidiyɔn ye ko, “I wara ma lakisi Midiyan kɛnu masibɛ ma min kɛ, a sɔgɛ ye ma la, i ni ma mala mansɛ la, ado mansayɛ ni to ita bɔn la.”

Kɛlɛ-Kurugbɛnu 8:22 ပူးပေါင်းရင်းမြစ်များ

Ko-Dabirɛnu 37:28

Midiyan yila wonu tenbimatoe, Yusufu kɔrɔnu ya a layɛlɛ ka a labɔ kɔlɔn rɔ. Anu ya a mayira Sumanyila kegeyɛ wonu ma wodi-gbɛ-gbu mogan na. Wonu tara Yusufu la anu bolo Iyipiti nyamanɛ rɔ.

Yɔni 6:15

Yisa ya a yen ko anu bi nyinina a sigila mansayɛ la fɔrɔsɛ la, woletɔ a tara kɔnkɛ kuma a dan na tun.

Kɛlɛ-Kurugbɛnu 8:21

Mansa filɛ wonu ya a fɔ Kidiyɔn ye ko, “Ile le nyɛrɛ-nyɛrɛ ye ma fagala bawo kina si kinaya-wɔlɛ le kɛ.” Kidiyɔn ya anu faga. A ban anu fagala, yɔlɔkɔ-kinyɛ minnu bi anuna nyomɛnu kan la, a ya wonu bi.

Kɛlɛ-Kurugbɛnu 8:23

Kɔnɔ Kidiyɔn ya a fɔ anu ye ko, “Maleta bɔn ti ma mansaya-bɔn la wo kuma. Fɔ Mari, wo le dɔrɔn si ma wota mansɛ la.”

1 Samuwɛli 12:12

“Kɔnɔ wo ya Amon Mansa Nehasi yen nala wo kɛlɛla min kɛ, wo ya wo ban wota Marita mansayɛ ma. Wo ya a fɔ n ye ko, ‘Ma ye nyinina mata mansɛ ma min si to ma kun na.’ ”

1 Samuwɛli 8:5

Anu ya a fɔ a ye ko, “N fa, ile ara wuli kɔrɔyala, ado ila dannu sa sɔnna i kɛ-nya bila. A sɔgɛ ye ma la, i ni i bole sɔ mɔgɛ do la min si ma mala mansɛ la alako male fanan ni mansɛ sɔrɔn iko sibolo-gbɛrɛ minnu bi mala foolɛ rɔ.”