Kɛlɛ-Kurugbɛnu 8:10 - ALLALA KUMƐ

¹⁰ Mansa Siba anubɛ Mansa Salamuna anubɛ anuna kɛlɛ-den-toenu, wonu mɔgɔ waga tan-ni-loli (15,000) ye Karakɔ lɛɛ rɔ. Wo ya a taran, mɔgɔ waga kɛmɛ ani mɔgɔ waga mogan (120,000) bara faga sibolo-gbɛrɛnu tɔ tele-bɔɛ wara la.

Kɛlɛ-Kurugbɛnu 8:10 ပူးပေါင်းရင်းမြစ်များ

2 Mansɛnu 3:26

Mohabu mansɛ ya a lɔn min kɛ ko a ti Isirɛla mɔgɛ kɛnu nɔ, a ya faan-tigi mɔgɔ kɛmɛ wɔrɔnfila bi. A ya anu sɔ a yarɔ alako a ni ke Idɔm mansɛ ma kɔnɔ anu ma anu nɔ mumɛ!

2 Ko-Kɔrɔta-Karan 13:17

Yuda Mansa Abaya anubɛ ala kɛlɛ-dannu ya Isirɛla mɔgɛnu kasara ka mɔgɔ waga kɛmɛ loli (500,000) faga Isirɛla kɛlɛ-dan wonu tɔ.

2 Ko-Kɔrɔta-Karan 28:8

Hali anu na-kelen-nyɔgɔma-gbansan le, Isirɛla kɛlɛ-dannu tara Yuda mɔgɔ waga kɛmɛ fila (200,000) la anu bolo Samariya soe burɔ, a dennɛ wo, a musu wo. Anu tara fen-siyaman na anu bolo.

Aiseya 37:36

Marita melika yigira Asiriyanuna dagɛ rɔ. A ya mɔgɔ waga kɛmɛ kelen mɔgɔ waga bi-segin ani mɔgɔ waga loli faga Asiriyanu tɔ (185,000). Bandɛ kanɛ, wonu furi taranta nyɔ.

Aiseya 9:4

Mari, i wara dunu-gbilima-wɛ bɔ anu kuma. I wara gbɛn da sawɛ bɔ anu kɔma. Sibolo-gbɛrɛ minnu bi anu yakɔrɔ-mamɔla, i wara wonu nabui anu kɔrɔ. I wara anu nabui iko i ya Midiyan kɛlɛ-dannu nabui nya min nun kɔrɔma la.

Kɛlɛ-Kurugbɛnu 20:15

Bɛnyamɛ kɛlɛ-dan yatɛ bɛnta mɔgɔ waga mogan-ni-wɔrɔ (26,000) ma. Anu ya kɛlɛ-dan minnu sɔrɔn Kibiya soe burɔ, wonu yatɛ bɛnta mɔgɔ kɛmɛ wɔrɔnfila (700) ma. Kɛlɛ-dan kɛ damasi rɔ, anu ya mɔgɔ kɛmɛ wɔrɔnfila (700) yabɔ minnu kusan lenfiran gbesila anu maran la. Mɔgɔ kɛmɛ wɔrɔnfilɛ kɛ, hali wonu ya lenfiran gbesi mɔgɔ kun-sigi kelan le ma, kuri ti foo a la.

Kɛlɛ-Kurugbɛnu 20:17

Isirɛla bɔnsɔn tan-ni-kelan kɛlɛ-dan yatɛ bɛnta mɔgɔ waga kɛmɛ (400,000) nani ma. Kɛ bɛɛ kusan kɛlɛ kɛla.

Kɛlɛ-Kurugbɛnu 20:2

Isirɛla bɔnsɔn-kun-tigi damasi ye nyɔ anubɛ kɛlɛ-dan mɔgɔ waga kɛmɛ nani. Anu mabɛnnɛ kɛlɛ-kɛ-koe la.

Kɛlɛ-Kurugbɛnu 20:25

Bɛnyamɛ bɔnsɔn-mɔgɛnu fanan wulita tun. Anu bɔra Kibiya soe burɔ ka ta anu kɛlɛ kan ma. Anu tara mɔgɔ waga tan-ni-segin (18,000) faga Isirɛla bɔnsɔn tan-ni-kelan kɛ rɔ tun.

Kɛlɛ-Kurugbɛnu 20:35

Mari ya a ma, anu ya Bɛnyamɛ bɔnsɔn-mɔgɛnu nɔ. Anu ya kɛlɛ-dan mɔgɔ waga mogan-ni-loli ani mɔgɔ kɛmɛ kelen (25,100) faga Bɛnyamɛ bɔnsɔn rɔ tele wo rɔ.

Kɛlɛ-Kurugbɛnu 20:46

Bɛnyamɛ bɔnsɔn kɛlɛ-kurugbɛ minnu fagara wulɔn tele kelan, wonu yatɛ bɛnta mɔgɔ waga mogan-ni-loli (25,000) ma.

Kɛlɛ-Kurugbɛnu 6:5

Anu bi nala anuna kolo-fen siyamɛnu na anubɛ anuna fani-bɔnnu iko kondɔnnu ka Isirɛla nyamanɛ rakolonya.

Kɛlɛ-Kurugbɛnu 7:12

Midiyan kɛnu anubɛ Amalɛkinu anubɛ sibolo-gbɛrɛ minnu bi tele-bɔɛ wara la nun, wonu nyɛnsɛnnɛ lɛɛ wo rɔ iko kondɔnnu. Anuna nyomɛnu siya iko ba-kɛnkɛn.

Kɛlɛ-Kurugbɛnu 7:13

Kidiyɔn kera nyɔ tumɛ min, anu ya a taran, kei do ye ala kiyo rakaranna a ta-nyɔgɛ do ye. Wo ye a fɔla ko, “N kiyora biredi latintannɛ le la bi. A ye yigila kurukurunna dagɛ rɔ. A gbesira fani-bon kelen na. Fani-bɔn wo buira. A radɛnfɛra kɔgbɔ!”

Kɛlɛ-Kurugbɛnu 7:22

Kidiyɔn anubɛ ala kɛlɛ-dannu bi buru-fɛyɛ wo kun na, Mari ya a ma, anu yoge wonu donta anu nyɔgɔn kɛlɛla. Anu tara anu yogenu gbenna Sɛrɛrati kilɛ la ha Bɛti-Siti soe ma. Anu tara anu dan Abɛli-Mɛhola soe burɔ min bi Tabati soe dafɛ.

Kɛlɛ-Kurugbɛnu 8:11

Kilɛ min bi Noba soe anubɛ Yɔgabɛha soe tele-bɔɛ wara la wula-da-rakolɔn dan la, Kidiyɔn anubɛ ala kɛlɛ-dannu bilara wo fɛ. Anu tara mansɛ wonubɛ anuna kɛlɛ-dan wonu natɛrɛna.