Kɛlɛ-Kurugbɛnu 7:4 - ALLALA KUMƐ

⁴ Mari ya a fɔ Kidiyɔn ye tun ko, “Hali wo, ila kɛlɛ-dannu siya fɔlɔn. Anu bi, i ni yigi anu na yi-worɔn la. N si anu yabɔ nyɔ. Ni n ya a fɔ minnu ma ko anu bi tala le, i ni wonu bi. Kɔnɔ ni n ya a fɔ minnu ma ko anu ti ta, i ni wonu nasɛgi.”

Kɛlɛ-Kurugbɛnu 7:4 ပူးပေါင်းရင်းမြစ်များ

Ko-Dabirɛnu 22:1

Wati tenbinɛ, Alla ya Iburayima kele alako a ni a kɔrɔbɔ. A ya a fɔ a ye ko, “Iburayima.” Iburayima ya a labira, a ko, “O-o.”

Yobu 23:10

Kɔnɔ hali wo, n bi ko-wo-ko kun na, Alla kolan bɛnnɛ n ma. Ni a ya n kɔrɔbɔ, a si a lɔn ko telenbaga le nde la.

Yaburi 33:16

Mansɛta kɛlɛ-dannu siya min kɛ dɔrɔn, a ti kɛlɛ nɔ. Kɛlɛ-dannu sɛnbɛ dɔrɔn ti a ma, a ni kɛlɛ nɔ.

Yaburi 66:10

E, Alla, iko wodi-gbɛ si sɛninya tɛ la nya min, i wara ma rafɛ wo nya na le.

Yaburi 7:9

Telenbagɛ le ile Alla la. I ya ma miriya anubɛ ma diyana-koe bɛɛ lɔn. I ni tɔn sigi karagbɛlɛnuna karagbɛlɛyɛ la. I ni mɔgɔ-nyimɛnu sara.

Kɛlɛ-Kurugbɛnu 7:5

Kidiyɔn yigira anu na yi-worɔn la. Mari ya a fɔ Kidiyɔn ye ko, “Ni minnu ya anu nyɛnkin ka anu min anu bolo tɔ, i ni wonu bi. Ni minnu ya anu dɛ burun yi ma iko wuli, i ni wonu nasɛgi.”

1 Samuwɛli 14:6

Yonatan ya a fɔ ala kɛlɛ-miran-madununɛ wo ye ko, “Ma ta Filisiti-kemininyabɛlɛ kɛnu barɛ. Tumado Mari si na ma dɛnbɛ. Ni wo mara, hali ma ma siya nya min kɛ, Mari si a ma, ma ni nɔ-ko sɔrɔn anu ma. Fenfen ti wo tinya.”

1 Samuwɛli 16:7

Mari ya a fɔ a ye ko, “I hɛnkili kana na buri mɔgɔla kinyɛ anubɛ ala yanyɛ fɛ. N sa nyinina keminɛ kɛ ma. Hadama-dan si mɔgɛ yen nya min, nde, Mari ti mɔgɛ yen wo nya. Hadama-dan yɛ ye mɔgɔ fɛrɛ-bɔnkɛ le la kɔnɔ nde, Mari yɛ ye mɔgɔ-burɛ le la.”