Kɛlɛ-Kurugbɛnu 7:23 - ALLALA KUMƐ

²³ Kidiyɔn ya kilayɛ lata Nafatali anubɛ Asɛra anubɛ Manasa bɔnsɔn filɛnu ma tun ka anu kele ka na anu dɛnbɛ Midiyan kɛnu sagaranna.

Kɛlɛ-Kurugbɛnu 7:23 ပူးပေါင်းရင်းမြစ်များ

Ko-Dabirɛnu 36:35

Husihama tenbira tumɛ min, Bedadila den Hedadi min ya Midiyannu kɛlɛ ka anu nɔ Mohabu nyamanɛ rɔ, wo sigira a gbɛ rɔ. A sigira Afiti soe burɔ.

1 Mansɛnu 20:20

Kɛlɛ-den-bulan wonu ya Siriyanu taran anu yarɔ, bɛɛ ya a kɛlɛ-kɛ-nyɔgɔ faga. Siriya-toenu ya anu buri. Isirɛla kɛlɛ-dannu ya anu sagaran. Kɔnɔ Mansa Bɛnhedadi anubɛ ala kɛlɛ-den-so-laburilɛ donu ya anuna soeenu bi ka anu buri.

1 Mansɛnu 20:21

Isirɛla Mansa Ehabu anubɛ ala kɛlɛ-den-toenu bɛnta Siriyanu na anubɛ anuna soee minnu bi kirindinu saganna. Anu ya mɔgɔ-siyaman faga wonu tɔ ka anuna soeenu anubɛ anuna kirindinu kasara.

Saraka-Masɔlɛnuta Tɔnnu 26:7

Wo si nɔ-ko sɔrɔn wo yoge damasi kuma.

Kɛlɛ-Kurugbɛnu 6:35

A ya kilayɛnu nata Manasa bɔnsɔn damasi ma nyamanɛ wo rɔ ka anu kele alako anu ni na a dɛnbɛn kɛlɛ la. A ya kilayɛnu nata Asɛra bɔnsɔn anubɛ Sɛbulɔn bɔnsɔn anubɛ Nafatali bɔnsɔn ma. Wonu fanan nara a dɛnbɛn tinɛ kɛlɛ rɔ.