Kɛlɛ-Kurugbɛnu 7:2 - ALLALA KUMƐ

² Mari ya a fɔ Kidiyɔn ye ko, “Bawo ila kɛlɛ-dannu siya, n ti a ma, anu ni Midiyan kɛnu nɔ. Ni anu ya Midiyan kɛnu nɔ, anu bi anu mirila anuna siyayɛ le ma. Nde, Mari ti gbiliyɛ sɔrɔn worɔ.

Kɛlɛ-Kurugbɛnu 7:2 ပူးပေါင်းရင်းမြစ်များ

Ko-Dabirɛnu 46:2

Alla ya ko-rayirɛ kɛ Yakoba ye suyi rɔ ka a rakele. Yakoba ya a labira.

2 Ko-Kɔrɔta-Karan 14:11

Mansa Esa ya ata Mari Alla matara, a ko, “Ka kɛlɛ-den-siyamɛnu dɛnbɛ wo, ka kɛlɛ-den-dandenu dɛnbɛ wo, wo damasi kelen ile yala. Woletɔ, mata Mari Alla, i yandi, ma dɛnbɛ. Ma ye ma yigi sala ile rɔ. Ma ara na kɛlɛ-den-siyamɛ kɛnu kɛlɛ tinɛ ile tɔgɔ rɔ. Mari, mata Alla le ile la. Mɔgɔ-wo-mɔgɔ ti ke ile nɔla.”

Aiseya 10:13

Asiriya mansɛ ye a nyɛrɛ matɔgɔla ko a kelen pe le ya wo dama ma ata sɛnbɛ anubɛ kɛwuyɛ la. A ko ale le ya nyamani-siyaman nana ata fanka kɔrɔ. Fan min bɛɛ maranɛ nyɔnu tɔ, a ko ale le ya wonu toronde anu na. A ko a ya nyɔ-mansɛnu don a kian kɔrɔ iko tura-feremɛ wa bore radondon.

Aiseya 2:11

Wati ye nala, hadama-dannuna wasinteyɛ si ban. Anuna nyɛrɛ-kɔrɔtɛ si kasara. A ye tola Marita gbiliyɛ kelen pe le ma.

Aiseya 2:17

A si hadama-dannuna wasinteyɛ ban ka anuna nyɛrɛ-kɔrɔta-fan wonu kasara. Anuna bɛsɛ wonu si tunu yen! Mari kelen pe si to gbiliyɛ rɔ wo wulun tele.

Yɛrɛmaya 9:23

Mari ko hɛnkilimɛ kana a nyɛrɛ matɔgɔ ala hɛnkilimayɛla ko la. Fanka-tigi kana a nyɛrɛ matɔgɔ ala fankalamayɛla ko la. Nɔnfulu-tigi kana a nyɛrɛ matɔgɔ ala nɔnfulu-tigiyɛla ko la.

Isikiyɛli 28:17

Bawo a ara a yen min kɛ ko a mafɛlɛn di, wo le wara a ma, a ara wasi. A mankan ara a ma, a ye kun-takolonya-koenu mala. Ka a tɛgɛ wo ma, n ya a fɛrɛn dugi la ka a to sani nyɔ alako mansɛ doinu ni kawa a ma nya min.

Isikiyɛli 28:2

“Ile hadama-dan, i ni nde, wo Tigi Mari kuman-kan kɛ latenbi Taya mansɛ ma. A fɔ a ye ko a kɔrɔbinɛ wasinteyɛ la a bolo. A ye a nyɛrɛ mala Alla la. A ye a fɔla ko a siginɛ Allala mansaya-waganɛ rɔ, kɔgɔ-yi ye ala foolɛ rɔ. A ye a nyɛrɛ mala iko Alla, ado hadama-den-gbansan le ale la.

Daniyɛli 4:30

N bi a fɔla ko, ‘Babilɔn so-karantan kɛ mafɛlɛn. Nde le ya soe kɛ sɔ alako ka nta sɛnbɛ mayira. Mɔgɛnu si a lɔn fanan ko n bi gbiliyɛ rɔ soe kɛ sɔ-nya bolo.’

Habakuku 1:16

Anu ba ban wo la, anu ni don anuna yalɛ wonu batoe rɔ ka sarakɛ bɔ wonu ye bawo anu bi nyinina fan min bɛɛsi ma, anu bi wonu sɔrɔnna yalɛ wonu tɔ.

Sakaraya 12:7

A ko ale Mari si a ma, Yuda kɛlɛ-dannu fɔlɔn ni nɔ-ko sɔrɔn alako gbiliyɛ min bi Mansa Dawuda bɔnsɔn anubɛ Yerusalɛm kɛnu bolo, wo kana na tenbi Yuda mɔgɛ toenutɛ la.

Sakaraya 4:6

A ya a fɔ n ye ko, “Mari kolan wɔrɔnfilɛ min bi duninya mumɛ mafɛlɛnna, wonu tamasere le lɛnpu wɔrɔnfilɛ kɛ la.”

Yilan-Yilan Koe 31:4

Kɛlɛ-dan mɔgɔ waga kelen-kelen ni bɔ Isirɛla bɔnsɔn bɛɛsi rɔ.”

Romu 11:18

Woletɔ bolɔn wo minnu kerita a la, wo kana wonu nafɛya. Wo wasinɛ kama? Kɔn-bolɔn le wole la dɔrɔn. Wole ma kɔn-suli bira, kɔn-suli le ya wole bira.

Romu 3:27

Nyɛrɛ-matɔgɛ sa kɛ fenfen tɔ bawo Alla ma ma latelen a nyɛrɛ ye tɔn-birɛ fɛ. Ka a tɛgɛ mata dɛnkɛninyɛ ma Yisa ma, a ara ma latelen a nyɛrɛ ye,

2 Kɔrɛnti 4:7

Nba, wodi ti ke kibara-nyimɛ min sanna, wo ye male min bolo, ma mani de dɔrɔn iko bɔnku-dagɛnu. Wo si a yira ko Allata sɛnbɛ ye fan bɛɛ marala. Atɛ le, mata ma.

Ɛfɛsa 2:9

Nyɛrɛ-matɔgɔ mumɛ sa a rɔ bawo wo ma kɛ ma nyɛrɛta sɛnbɛ fɛ.

Tɔn-Fɔɛ-Fila-Nyɔgɛ 32:27

Kɔnɔ a ma di Mari ye wo yogenu ni anu wasi wo la ko anu denu-denu ya wo nɔ bawo ale Mari nyɛrɛ-nyɛrɛ gbɛ le wo la.

Tɔn-Fɔɛ-Fila-Nyɔgɛ 8:17

Wo tenbi sewɛ wo rɔ, wo kana wo miri ko wo ye fan wonu sɔrɔnna wo nyɛrɛta fanka anubɛ wola kɛwunteyɛ le la.

Tɔn-Fɔɛ-Fila-Nyɔgɛ 8:18

Wo ni wo miri yati, ko wota Mari Alla le ya fan wonu di wo ma. A ye wonu mala wo ye bawo a ya lanyiri min kiri wo benbanu ye, wo kanbali-sɔgɛ ye a la.

Yemesi 4:6

Alla ye keninteyɛ min yirala ma la, wo sɛnbɛ kolo kati, ado Allala kitabu ko, “Alla kɛlɛ-nyɔgɛ le mɔgɔ-wasinɛnu na kɔnɔ mɔgɛ min famayiginɛ, a si wonu kɔntɔ-diya.”

1 Samuwɛli 14:6

Yonatan ya a fɔ ala kɛlɛ-miran-madununɛ wo ye ko, “Ma ta Filisiti-kemininyabɛlɛ kɛnu barɛ. Tumado Mari si na ma dɛnbɛ. Ni wo mara, hali ma ma siya nya min kɛ, Mari si a ma, ma ni nɔ-ko sɔrɔn anu ma. Fenfen ti wo tinya.”