Kɛlɛ-Kurugbɛnu 7:16 - ALLALA KUMƐ

¹⁶ Kidiyɔn ya mɔgɔ kɛmɛ sawɛ kɛnu tafara sigi tina sawa la. A ya kala-mɛlannu don anu damasi bolo, bɔnku-dagɛ burunnɛ kala-mɛlan wonu kun na. Wo kɔma, a ya burinu fanan don anu bolo.

Kɛlɛ-Kurugbɛnu 7:16 ပူးပေါင်းရင်းမြစ်များ

Ko-Dabirɛnu 14:15

A ya ala kɛlɛ-dannu tatala nyɔ rɔ. Wonu tara mansɛ wonu natɛrɛna suyi rɔ ka anu kɛlɛ. Anubɛ ala kɛlɛ-dannu ya mansɛ wonu nɔ ka ta anu gbenna ha ka ke Hoba soe burɔ, Damasika soe kan tɔ.

2 Samuwɛli 18:2

A ya wonu fanan tafara mɔgɔ sawa la. A ya Yohabu sigi kurun kelen kun na. A ya Yohabu dɔgɔ Abisayi fanan sigi kurun kelen kun na. Wo kɔma, Itayi min bɔnɛ Kati soe burɔ, a ya wo fanan sigi kurun kelen kun na. A ban wonu mala, ale mansɛ ya a fɔ anu ye ko, “Nde nyɛrɛ-nyɛrɛ ye tala le wo fɛ.”

2 Kɔrɛnti 4:7

Nba, wodi ti ke kibara-nyimɛ min sanna, wo ye male min bolo, ma mani de dɔrɔn iko bɔnku-dagɛnu. Wo si a yira ko Allata sɛnbɛ ye fan bɛɛ marala. Atɛ le, mata ma.

Kɛlɛ-Kurugbɛnu 7:15

Kidiyɔn ban kiyo wo kɔrɛ lɔnna, wo diyara a ye. A ya a nyɛnkin ka Mari bato. A sɛgira ala kɛlɛ-dannu bara. A ya a fɔ anu ye ko, “Wo ni wo lasɔ. Mari ara Midiyan kɛnu don ma bolo tɔ bi, yɔ!”

Kɛlɛ-Kurugbɛnu 7:17

Kidiyɔn ya a fɔ anu ye ko, “Wo ni wo yɛ bɛn n ma. N ba ke anuna dagɛ wo dala tumɛ min, ni n ya a ma nya min, wole fanan ni a ma wo nya.

1 Samuwɛli 11:11

Wo wulɔn suyi rɔ, Mansa Sɔli ya kɛlɛ-dannu tafara sigi tina sawa la. Banda-ka-da-pinpi ma, anu tara kɛ Amonnu ma anuna dagɛ rɔ. Anu tora anu kɛlɛla ka anu siyaman faga ha tele-latelan. Kɔnɔ Amon toe minnu tora, wonu ma ta anu nyɔgɔnna kila fɛ. Anu tanyɛnsɛnta.