Kɛlɛ-Kurugbɛnu 7:14 - ALLALA KUMƐ

¹⁴ A ta-nyɔgɛ wo ko, “Kɛ kɔrɔ-bɛrɛbɛrɛ ye min na, biredi wo, Yohasila den Kidiyɔnta faan le wo la. Alla ara ban male Midiyan kɛlɛ-dan damasi donna Isirɛla mɔgɛnu bolo tɔ.”

Kɛlɛ-Kurugbɛnu 7:14 ပူးပေါင်းရင်းမြစ်များ

Yobu 1:10

Ale wo, ala denbayɛ wo, ala kolo-fannu wo, i ye anu natankala tuma-wo-tuma. Hali a ya a bole bila fenfen tɔ, ile si a ma, wo ni sabati a bolo. I wara kolo-fan minnu di a ma, wo si nyamanɛ wo lafa le.

Yilan-Yilan Koe 22:38

Belam ya a yabi ko, “Nde le ma kɛ la gbɛ? N si ke kumɛ do latɛgɛla n nyɛrɛ ye, wa? Alla ye min fɔla n ye, n si wo le dɔrɔn fɔ wo ye.”

Yilan-Yilan Koe 23:20

A ya n sɔ ko n ni duwɛ kɛ. Ni Alla ya duwɛ minnu kɛ, nde ti ke wonu yɛlɛmana tun.

Yilan-Yilan Koe 23:5

Mari ya kuman-kan don Belam bolo a si ta min fɔ Mansa Balaki ye.

Yasowa 2:24

Anu ya min sa wo kuma, wo le ko, “Ma ya a lɔn serr, ko Mari ara nyamanɛ wo bɛɛ di ma ma. Mɔgɛ bɛɛ kilannɛ ma la kati!”

Yasowa 2:9

ka a fɔ anu ye ko, “N bara a lɔn ko wota Mari Alla ya nyamanɛ kɛ di wole, Isirɛla mɔgɛnu denu ma. N ya a lɔn fanan ko Kenan nyamanɛ mɔgɛ bɛɛ kilannɛ wo la.

Yasowa 5:1

Amora mansɛ min bɛɛ ye tele-yigi wara la anubɛ Kenan mansɛ bɛɛ minnu bi kɔgɔ-yi dafɛ, wonu ya a lamɔɛn tumɛ min ko Mari ya Yorodan bɛ gbala Isirɛla mɔgɛnu yarɔ, anu kilanta Isirɛla mɔgɛnu na ka a dan-natenbi. Anu mara iko mɔgɔ-faganɛnu bawo anu yisi ara tinya feu!

Kɛlɛ-Kurugbɛnu 3:28

A ya a fɔ wonu ye ko, “Wo ni bila n fɛ. Mari ara wo yoge Mohabunu don wo bolo tɔ bi.” Anu bilara Ehudi fɛ. Mohabunu si Yorodan bɛ tɛgɛ kan min, anu ya nyɔ bira-a-la. Anu ma sɔn Mohabunu ni tenbi nyɔ mumɛ!

Kɛlɛ-Kurugbɛnu 7:13

Kidiyɔn kera nyɔ tumɛ min, anu ya a taran, kei do ye ala kiyo rakaranna a ta-nyɔgɛ do ye. Wo ye a fɔla ko, “N kiyora biredi latintannɛ le la bi. A ye yigila kurukurunna dagɛ rɔ. A gbesira fani-bon kelen na. Fani-bɔn wo buira. A radɛnfɛra kɔgbɔ!”

Kɛlɛ-Kurugbɛnu 7:15

Kidiyɔn ban kiyo wo kɔrɛ lɔnna, wo diyara a ye. A ya a nyɛnkin ka Mari bato. A sɛgira ala kɛlɛ-dannu bara. A ya a fɔ anu ye ko, “Wo ni wo lasɔ. Mari ara Midiyan kɛnu don ma bolo tɔ bi, yɔ!”

1 Samuwɛli 14:12

Anu ya anu takele ko, “Wo yɛlɛ ma wara yan tɔ. Ma si ko lato wo la bi!” Yonatan ya a fɔ ala keminɛ wo ye ko, “Bila n fɛ. Mari ara sɛnbɛ di Isirɛla mɔgɛnu ma kɛnu kuma.”