Kɛlɛ-Kurugbɛnu 7:1 - ALLALA KUMƐ

¹ Wo wulun sɔgɔma, anu bi Kidiyɔn min kelela Yɛruba-Beyali, wonubɛ ala kɛlɛ-dannu tara anu daga makɛ Harodi tenke dafɛ. Kɔnɔ Midiyan kɛnuna kɛlɛ-dannu tara anu daga makɛ anu denu ma kantɔ lɛɛ do rɔ min bi More kɔnkɛ dafɛ.

Kɛlɛ-Kurugbɛnu 7:1 ပူးပေါင်းရင်းမြစ်များ

Ko-Dabirɛnu 12:6

ale Burama ya nyɔ ratagama ha ka ta ke Morela kɔlɔma-kuru-latankanɛ do kɔrɔ min bi Sɛkɛm soe dafɛ. Kenan kɛnu bi nyamanɛ wo rɔ wo wati rɔ.

Ko-Dabirɛnu 22:3

Iburayima ya a lasɔ subagɛ ma ka sɔgɛ do nyini saraka-mintantɛla ko la. A ya ala dunɛnu kiri ala sofɛlɛ kɔ tɛma. Anubɛ ala den Isiyaka anubɛ wɔli-kɛla mɔgɔ filɛ wonu wulita ka ta kan tinɛ wo rɔ Alla ya minna ko fɔ a ye.

2 Samuwɛli 23:25

Sama anubɛ Ɛlika ka bɔ Harod tenke wara la,

Yaburi 83:9

I ni anu tɔrɔ iko i wara a ma Midiya kɛnu na nya min. I ni a ma anu na iko i wara a ma Sisara anubɛ Yebin na nya min Kisɔn bɛ dala.

Makawandili Kumɛnu 9:10

Mɔgɛ ye ko-wo-ko kun na, i sɛbɛ don wo le ma bawo i kɛ-nya wo, i miriya wo, ila hɛnkilimaya wo, ila ko-lɔn wo, wo bɛɛla ban le lakira la, ado i kunyɛ telennɛ nyɔ le la.

Tɔn-Fɔɛ-Fila-Nyɔgɛ 11:30

Kenan mɔgɛ donu siginɛ Yorodan bɛ kɔgɔma tele-yigi wara la Morela kɔlɔma-kuru-latankanɛ donu tɔgɔfɛ Kiligali soe wara la. Kɔnkɔ filɛ kɛnu bi mɔgɛ kɛnuna nyamanɛ rɔ.

Yasowa 3:1

Wo banda kɛ sɔgɔma subaga, Yasowa anubɛ Isirɛla mɔgɛnu wulita Akasiya dagɛ rɔ. Anu tara Yorodan bɛ dala.

Yasowa 6:12

Wo banda kɛ sɔgɔma subaga, Yasowa anubɛ saraka-masɔlɛnu anubɛ kɛlɛ-dannu wulita ka soe lafoo iko anu ya a ma nya min fɔlɔn.

Kɛlɛ-Kurugbɛnu 6:32

Bawo Yowasi ara a fɔ ko Beyali ni a tayili sara, woletɔ mɔgɛnu donta Kidiyɔn kele rɔ ko “Yɛruba-Beyali.”

Kɛlɛ-Kurugbɛnu 6:33

A ma mɛ wo kɔma, Midiyan kɛnuta kɛlɛ-dannu anubɛ Amalɛkinuna kɛlɛ-dannu anubɛ sibolo-gbɛrɛ minnu bi tele-bɔɛ wara la nun, wonu ya anu kundɛn ka Yorodan bɛ tɛgɛ. Anu ya anu daga makɛ Yɛsɛreli lɛɛ rɔ.

Kɛlɛ-Kurugbɛnu 6:40

Banda kanɛ, a ya a taran iko a ya Alla manyinika nya min. Saga-siyi wo gbalanɛ kɔnɔ a fɛlɛ kimanɛ duri la yɔdɔ!

Kɛlɛ-Kurugbɛnu 8:29

Kidiyɔn tara ala bɔn la ka a sigi nyɔ.

1 Samuwɛli 12:11

Woletɔ Mari ya Bɛraki fɔlɔn ma wo kunkalɛ la, wo kɔma Kidiyɔn, wo kɔma Yɛfɛta. A laban le nde, Samuwɛli la min bara wole bɔ wo yogenu bolo alako wo la ni fɛrɛ.

1 Samuwɛli 29:1

Filisitinu ya anuna kɛlɛ-dannu nadɛn soe do dafɛ min tɔgɛ Afɛki. Isirɛla kɛlɛ-dannu ya anu daga makɛ tenke do dafɛ Yɛsɛreli lɛɛ wara la.