Kɛlɛ-Kurugbɛnu 6:4 - ALLALA KUMƐ

⁴ Anu yogenu bi anu daga makɛla kan tinɛ bɛɛ rɔ alako anu si Isirɛla mɔgɛnuna sɛnɛnu tinya nya min ha ka ke Kesa soe ma. Saga wo, ninki wo, sofɛlɛ wo, anu kɛnɛna buila anu ma ka anu bi anu bolo. Anu ti fenfen to Isirɛla mɔgɛnu bolo.

Kɛlɛ-Kurugbɛnu 6:4 ပူးပေါင်းရင်းမြစ်များ

Ko-Dabirɛnu 10:19

Kenannuna nyamanɛ-dan le Saidon soe la. Anuna nyamanɛ wo tara ha ka ta ke Kirari soe ma min bi Kesa soe dafɛ. Anuna nyamanɛ-dan wo le tara furr, ha ka ta ke soe kɛnu ma, Sɔdɔm wo, Kɔmɔra wo, Adima wo, Sebom wo, anubɛ Lesi soenu ma.

Ko-Dabirɛnu 13:10

Lɔti ya a yɛ lata ka Yorodan-ba-lɛɛ mafɛlɛn tala ha ka ke Sowa soe ma. A ya yi yen nyɔ iko yi ye Marita nakɔɛ rɔ nya min nun anubɛ Iyipiti nyamanɛ rɔ. (Wo wati rɔ, Mari ma Sɔdɔm anubɛ Kɔmɔra soenu halaki bɛ.)

Hɛnkilimaya-Kumɛnu 28:3

Kun-tigi bolo-kolɔn min bi a ta-nyɔgɛ bolo-kolɔn yakɔrɔ-mamɔla, wo mani de iko bandɛ min bi nala ka ki-fannu tinya.

Yɛrɛmaya 5:17

Anu si wola fui-fannu anubɛ wola dɔn-fannu ban fegba! Anu si wola dannu dɔn sa! Anu si wola kolo-fannu nato dogbe! Anu si wola ki-fan bɛɛ dɔn tɛrr! Wo lanɛ wola so-latankanɛ minnu na, anu si wonu takerikeri.

Saraka-Masɔlɛnuta Tɔnnu 26:16

n si wo tɔrɔya. N si yakɔrɔ-mamɔɛ lana wo kuma iko kiraya-yogomɛ sufa min ti dandan, anubɛ fɛrɛma-kaliyɛ min si wo fiyonya ka wo bara wao! Wo si wola suginu fui kɔnɔ wo ti fenfen sɔrɔn bawo wo yogenu si bui wo ma ka wola dɔn-fen-sabatinɛnu bi wo bolo ka ta anu na.

Hɔbadaya 1:5

Kankannu ba na suyi rɔ ka kankanyɛ kɛ, anu ba anu wasakara maka bɔn la, anu si ta anu ye worɔ. Kɔn-gbɔɛnu mo-wati wa ke, anu si a monɛnu bɔ a la ka do to nyɔ. Kɔnɔ wole Isɔ kegeyɛnu, Mari ko wo yogenu ti kinikini wole ma wo nya. Anu si wo bolo-kolonya feu! Anu si wo bolo-fan mumɛ bɛɛ bi tɛrr!

Maika 6:15

Wo si wola suginu fui kɔnɔ wo ti wo fenfen tɛgɛ kɛlɛ bolo. Wo si tulinu bɔ kɔnɔ wo ti tɔnɔ sɔrɔn anu tɔ. Wo si wola nɔnbɔ-gbɔɛnu burun kɔnɔ wo ti anu yinu min.

Tɔn-Fɔɛ-Fila-Nyɔgɛ 28:33

Wo wa ban tɔrɔ-dɛgbɛ kɛla sɛnɛ minnu na, sibolo-gbɛrɛkɛ-mɔgɛnu si na sɛnita-fan wonu bi ka ta a la anu bolo pon! Woleta tɔnɛ si ma tɔrɛ anubɛ bosɛ la.

Tɔn-Fɔɛ-Fila-Nyɔgɛ 28:51

Anu si wola kolo-fannu anubɛ wola sɛnita-fannu bi wo bolo. Kɔnkɛ si wo faga. Wola fui-fen wo, wola ki-fen wo, wola kolo-fen wo, anu si wo bɛɛ bi wo bolo. Wo ye fagala wo nya na le.

Kɛlɛ-Kurugbɛnu 6:3

Isirɛla mɔgɛnu ba ta sɛni sa tinɛ kan-bo-kan, Midiyan anubɛ Amalɛki kɛnu anubɛ sibolo-gbɛrɛ donu si bɔ tele-bɔɛ wara la ka ta anu kɛlɛ nyɔ.