Kɛlɛ-Kurugbɛnu 6:35 - ALLALA KUMƐ

³⁵ A ya kilayɛnu nata Manasa bɔnsɔn damasi ma nyamanɛ wo rɔ ka anu kele alako anu ni na a dɛnbɛn kɛlɛ la. A ya kilayɛnu nata Asɛra bɔnsɔn anubɛ Sɛbulɔn bɔnsɔn anubɛ Nafatali bɔnsɔn ma. Wonu fanan nara a dɛnbɛn tinɛ kɛlɛ rɔ.

Kɛlɛ-Kurugbɛnu 6:35 ပူးပေါင်းရင်းမြစ်များ

Kɛlɛ-Kurugbɛnu 4:6

Lunyɛ do, a ya Abinowamta den Bɛraki kele min siginɛ Kidɛsi soe burɔ Nafatalita nyamanɛ rɔ. Bɛraki nanɛ a wara, a ya a fɔ a ye ko, “Isirɛla mɔgɛnuta Mari Alla le ya kumɛ kɛ di n ma ka a fɔ i ye, a ko i ni kei waga tan (10,000) bi Nafatali bɔnsɔn anubɛ Sɛbulɔn bɔnsɔn rɔ. A ko i ni wonu bi ka yɛlɛ anu na Tebɔ kɔnkɛ kuma.

Kɛlɛ-Kurugbɛnu 5:18

Kɔnɔ wole Sɛbulɔn bɔnsɔn anubɛ Nafatali bɔnsɔn, wo ya wo niyi fili kɛlɛ-kɛ-tinɛ.”

Kɛlɛ-Kurugbɛnu 7:23

Kidiyɔn ya kilayɛ lata Nafatali anubɛ Asɛra anubɛ Manasa bɔnsɔn filɛnu ma tun ka anu kele ka na anu dɛnbɛ Midiyan kɛnu sagaranna.

Kɛlɛ-Kurugbɛnu 7:3

A fɔ ila kɛlɛ-dannu ye ko ni minnu kilandɔgɔ anu tɛma, wonu ni sɛgi anu kɔma. Kɔnɔ minnu ti kilan, wonu ni to sigini Kaliyadi kɔnkɛ dafɛ yan.” Mɔgɔ waga mogan-ni-fila (22,000) tɛgɛra anu na purunsan! Wonu sɛgira anu kɔma. Fɔ mɔgɔ waga tan (10,000) pe, wo le tora nyɔ.