Kɛlɛ-Kurugbɛnu 6:34 - ALLALA KUMƐ

³⁴ Marita sɛnbɛ yigira Kidiyɔn kuma. A ya kɛlɛ-buri fɛ alako Abiyɛsa kegeya-mɔgɛnu ni ta a fɛ kɛlɛ rɔ.

Kɛlɛ-Kurugbɛnu 6:34 ပူးပေါင်းရင်းမြစ်များ

1 Ko-Kɔrɔta-Karan 12:18

Tiriyɛ wo rɔ, Marita sɛnbɛ yigira Amasayi kuma. Wo ya a fɔ ko, “Yɛsila den Dawuda, ile halalɛ le male la. Alamɛ wobɛ i dɛnbɛnɛnu wara-koe tara yarɔ, ado Alla ye i fɛ.” Dawuda ya anu sɛnibɔ ka anu ma ata kɛlɛ-den-kunyɛnu na. Min kolo wo ko, tɔ-a-la, ale Amasayi mara mɔgɔ bi-sawɛ kun-tigi la.

1 Ko-Kɔrɔta-Karan 12:19

Dawuda anubɛ Filisitinu wulita wati min ka ta Mansa Sɔli kɛlɛ tinɛ, Manasa bɔnsɔn kɛlɛ-dan donu nara kofu Dawuda ma wo wati rɔ. Kɔnɔ Filisitinuna mansɛnu ma sɔn Dawuda ni kɛlɛ kɛ bawo anu bi kilanna ko Dawuda kana na ta anu don Mansa Sɔli bolo, ala kun-tigi-kɔrɛ, kɔni. Woletɔ anu ya ale Dawuda lasɛgi a kɔma Sikilagi soe burɔ fass!

2 Ko-Kɔrɔta-Karan 24:20

Wo kɔma, Allata sɛnbɛ yigira Saraka-Masɔla Yɛhoyadala den Sakaraya ma. A sɔra gbɛ rɔ mɔgɛnu si a yen kan min. A ya a kuli mayɛlɛ ko, “Mari Alla ye nyinikalɛ sala ko nfenna wo ye ata tɔnnu tinyana ka kasarɛ lana wo nyɛrɛ kuma. Wo ara wo kan-kɔ sɔ ale la, woletɔ ale fanan ara a kan-kɔ sɔ wole la.”

Yaburi 51:11

I kana n gben i fɛ. I kana ita niyi bɔ n tɔ.

Yilan-Yilan Koe 10:3

I wa ban buri wonu nadanna tumɛ min, i ni anu don Arunala den-keinu bolo. Ni a sɔgɛ ye i la ka Isirɛla mɔgɛ bɛɛ ladɛn nta Fani-Bɔn don-dɛ la, anu si buru filɛ wonu fɛ anu nyɔgɔn fɛ.

Romu 13:14

Ma ni Mari Yisa, Allata-Mɔgɔ-Yabɔnɛ kelen pe le lɔn ma tigi la. Ma si ma nyɛrɛ wasa min na, ma kana wo ko ladan.

Kalesiya 3:27

Wola batasili rɔ, wobɛ Yisa Kirasiti ara ma kelen na. Wo mara tumɛ min, wo ara Kirasiti sɔn bila wo kan na iko fɛrɛya-bɔɛ.

Yasowa 17:2

Wo le ya a ma, nyamanɛ min bi Yorodan bɛ kɔma tele-yigi wara la, nyɔ-soenu dira Manasala tolo-birɛ kɛnu ma anubɛ anuna kebilɛnu, Abiyɛsa, Helaki, Asirɛli, Sɛkɛm, Hifa, anubɛ Sɛmida. Yusufula kegeyɛ le kɛnu na, a keimɛnu, kɔni. Wo bɛɛ mara kebila-kunyɛnu na.

Kɛlɛ-Kurugbɛnu 13:25

Marita sɛnbɛ yigira Samsin kuma kɛlɛ-dannuna dagɛ rɔ Sora soe anubɛ Ɛsateyoli soe tɛma Dan nyamanɛ rɔ.

Kɛlɛ-Kurugbɛnu 14:19

Wo kɔma, Marita sɛnbɛ yigira Samsin kuma ka fanka di a ma. A tara Asikalɔn soe burɔ. A ya fonike mɔgɔ bi-sawa faga nyɔ. A ya wonuna kurɛnu bɔ anu ma ka anu gbu-makolɔn sani to. A tara wonuna kurɛ wonu di fonike mɔgɔ bi-sawɛ wonu ma minnu ya ala tili wo kɔrɛ fɔ. A yisi bɔnɛ tara a fa wara bɔn la.

Kɛlɛ-Kurugbɛnu 15:14

Anu ke Gbaga-Gbaga-Koloya soe ma, Filisitinu burimatoe le nara a magbenna. Anu bi sɛrɛn-sɛrɛnna a ma. Marita sɛnbɛ yigira Samsin kuma. A ya fanka sɔrɔn. A ya yili wo ratɛgɛ a bole ma iko yesekari-lamurunnɛ.

Kɛlɛ-Kurugbɛnu 3:10

Marita sɛnbɛ yigira a kuma. A mara Isirɛla mɔgɛnuna kɛlɛ-kurugbɛ la. A tɛ Mɛsopotemiya nyamani-tigi anubɛ ala kɛlɛ-dannu kɛlɛ tinɛ, Mari ya a ma, a ya wonu nɔ.

Kɛlɛ-Kurugbɛnu 3:27

Ifɛrɛm kɔnkɔ-nyamanɛ rɔ. A ke nyɔ, a ya kɛlɛ-kɛ-buri fɛ ka Isirɛla kɛlɛ-dannu nadɛn. A sɔra anu yarɔ ka bɔ kɔnkɛ wonu tɔ.

Kɛlɛ-Kurugbɛnu 6:11

Abiyɛsa kebila-mɔgɛ do ye Ɔfara soe burɔ. Wo tɔgɛ Yohasi. Wola den Kidiyɔn ye ala fui-fan tɛnna kan-tina-dogonnɛ do rɔ, anu si nɔnbɔ-gbɔɛnu burun kan min. A dogonnɛ nyɔ alako Midiyan kɛnu kana na a yen. Mari tara Ɔfara soe burɔ melikala muninyɛ rɔ ka a mayigi Yohasi wola kɔlɔma-kuri-latankanɛ do kɔrɔ.

Kɛlɛ-Kurugbɛnu 8:2

Kidiyɔn ko, “Nde ya min ma, anubɛ wole ya min ma, mɔgɔ ti wonu sanka anu nyɔgɔn ma. Wole ara koe min ma, wo tenbira maletɛ la pirr!

1 Samuwɛli 10:6

Tiriyante wo rɔ, Marita Sɛnbɛ si yigi i kuma. I fanan si kofu anu ma dɔn-kɛ anubɛ wɔlɔyiya-kuma-fɔɛ rɔ iko anu denu. Ila ko-ladan-nya bɛɛ si yɛlɛma. Wo le ye a yirala i la ko Mari le wara i yabɔ ka i ma mansɛ la.

1 Samuwɛli 11:6

Ale Mansa Sɔli ya kumɛ wo lamɔɛn min kɛ, Allata Sɛnbɛ yigira a kuma. A yisi bɔra dɔgɔma-ma-de!

1 Samuwɛli 13:3

Yonatan tara bui Filisitinu ma Kibiya dagɛ rɔ. Filisiti doinu ya kumɛ kɛ lamɔɛn tumɛ min, Mansa Sɔli ya kɛlɛ-kɛ buru-fɛlɛnu nata Isirɛla nyamanɛ rɔ alako Hiburu damasi ni na kɛlɛ-kɛ-tinɛ.

1 Samuwɛli 16:14

Marita sɛnbɛ bɔra Mansa Sɔli fɛ. Mari ya nyinɛ lawuli Mansa Sɔli la, a tɔrɔ-koe la.