Kɛlɛ-Kurugbɛnu 6:32 - ALLALA KUMƐ

³² Bawo Yowasi ara a fɔ ko Beyali ni a tayili sara, woletɔ mɔgɛnu donta Kidiyɔn kele rɔ ko “Yɛruba-Beyali.”

Kɛlɛ-Kurugbɛnu 6:32 ပူးပေါင်းရင်းမြစ်များ

2 Samuwɛli 11:21

Kidiyɔnla den Abimɛlɛki fagara nya min, wo ma wo miri wo ma nun, ba? Wonu tanɛ Tebɛsi so-burɔ-mɔgɛnu kɛlɛ tinɛ tumɛ min, musi do ya kuri-belebele do labɔ san ma ka a labui Abimɛlɛki kunyɛ rɔ ka a faga. Nfenna wo ya wo gbɛrɛn tarɛ ma wo nya na?’ Ni mansɛ ya i manyinika kɛ nya na, i si a fɔ a ye ko ala kɛlɛ-den-kun-tigi min tɔgɛ Yuraya, wo ara faga.”

Yɛrɛmaya 11:13

Soe min nyɔgɔn ye Yuda nyamanɛ rɔ, wo le nyɔgɔn bɛsɛ ye wo bolo. Wo ara saraka-mintan-tina-siyaman nadan wola kisimiriya-bɛsɛ Beyali ye. Kila-kunyɛ min nyɔgɔn bi Yerusalɛm soe burɔ, wo le nyɔgɔn saraka-mintan-tinɛnu bi nyɔ.

Hoseya 9:10

Mari ara a fɔ ko a bɛn fɔlɛ wole, Isirɛla mɔgɛnu na, wo manɛ iko kɔlɔma min gbɔnɛ kan-tina-ragbalanɛ rɔ. A ko, “Wo benbanu yen fɔlɛ nde, Mari bolo, anu diya donnɛ n tɔ nun iko toro-kuri gbɔ fɔlɔtɛ. Wo benbanu ke Piyɔri kɔnkɛ ma, anu donta Beyali kɔ-koe rɔ nyɔ. A ma mɛ lefan, anu gboyara nde, Mari ye iko bɛsɛ wonu gboyanɛ n ye nya min.

Kɛlɛ-Kurugbɛnu 6:31

Kɔnɔ Yowasi ya a fɔ anu ye ko, “A sɔgɛ ye wo la wo ni Beyalita kɛlɛ kɛ, ado mɔgɔ-wo-mɔgɔ ya a fasaya Beyali-koe kɛ la yanni sɔgɔma, wo tigi si faga. Ni Alla-bɛrɛbɛrɛ le Beyali kɛ la, ni min ya ata saraka-bɔ-tinɛ tinya, ale ni a tayili sara wo tigi la.”

Kɛlɛ-Kurugbɛnu 7:1

Wo wulun sɔgɔma, anu bi Kidiyɔn min kelela Yɛruba-Beyali, wonubɛ ala kɛlɛ-dannu tara anu daga makɛ Harodi tenke dafɛ. Kɔnɔ Midiyan kɛnuna kɛlɛ-dannu tara anu daga makɛ anu denu ma kantɔ lɛɛ do rɔ min bi More kɔnkɛ dafɛ.

Kɛlɛ-Kurugbɛnu 8:35

Min sanɛ wo kuma, anu mara fisiriwɔlɛnu na. Anu ma anu miri Kidiyɔn kebilɛ ma min ya Isirɛla mɔgɛnu kunka.

1 Samuwɛli 12:11

Woletɔ Mari ya Bɛraki fɔlɔn ma wo kunkalɛ la, wo kɔma Kidiyɔn, wo kɔma Yɛfɛta. A laban le nde, Samuwɛli la min bara wole bɔ wo yogenu bolo alako wo la ni fɛrɛ.