Kɛlɛ-Kurugbɛnu 6:31 - ALLALA KUMƐ

³¹ Kɔnɔ Yowasi ya a fɔ anu ye ko, “A sɔgɛ ye wo la wo ni Beyalita kɛlɛ kɛ, ado mɔgɔ-wo-mɔgɔ ya a fasaya Beyali-koe kɛ la yanni sɔgɔma, wo tigi si faga. Ni Alla-bɛrɛbɛrɛ le Beyali kɛ la, ni min ya ata saraka-bɔ-tinɛ tinya, ale ni a tayili sara wo tigi la.”

Kɛlɛ-Kurugbɛnu 6:31 ပူးပေါင်းရင်းမြစ်များ

1 Mansɛnu 18:27

Nɛbi Ilaya ya anu mayɛlan dabira tele-latelen-wati wo rɔ. A ya a fɔ anu ma ko, “Wo ni wɔrɔndɔ matarali-kɛ-tinɛ. Tumado Beyali ye a miri tinɛ le. Wo ni wo raya de! Tumado, a ara ta da kɔma. Ni wo ma, a ara a maga. Wo ni a lakunden, tumado, a ye kinɔgɛ le tɔ kɔrɛ.”

1 Mansɛnu 18:29

Anu tora sɔnkɛ wo kun na ha tele-bui-wati kɔnɔ anu ma ko lamɔɛn hali ka yabilɛ yen anu yɛ la.

1 Mansɛnu 18:40

Nɛbi Ilaya ya a fɔ anu ye ko, “Wo ni Beyalita nɛbinu bira. Wo kana sɔn, anu do-wo-do ni anu buri.” Mɔgɛ wonu ya nɛbi wo dama bira. Anu bilara Nɛbi Ilaya fɛ ka ta nɛbi wonu faga Kisɔn ba lɛɛ dafɛ.

Bɔ-Koe-Iyipiti 23:2

“Wo kana bila sɛrɛ fɛ ko-yogoma-kɛ-tinɛ. Mɔgɛ kana a radu sereya bɔ tinɛ ka sɔ nyama fɛ kumɛ rɔ.

Aiseya 41:23

Min bi nala mala sina, wo ni wonu fɔ ma ye. Ni wo kera wo mala, nba, wobɛ Allatala mansa-gbu-wɛ rakɛn de wo rɔ. Wo ni kabana-koe do ma, ni wo ma, wo ni na kasarɛ do la. Wo ni a ma, ma kun ma ni kɔ kilan anubɛ gbiliyɛ la.

Aiseya 46:1

Mari ko Babilɔn bɛsɛnu wara-koe dan le kɛ la sɔɛn! Bɛsɛ min tɔgɛ Bɛli anubɛ Nibɔ, anu bi wonu kɔla nun kɔnɔ kaka, bɛsɛ wonu kirinɛ sofɛlɛnu kɔ tɛma. Anu bara ma dunɛ la dɔrɔn kolo-fen-bandannɛnu ye.

Aiseya 46:7

Anu bi bɛsɛ wo sigila anu kan ma ka ta a la. Anu ba ban a sigila kan-tina-kelan min tɔ, a ti ke a ramagala nyɔ. Mɔgɔ wa a madiya, a ti ke a labirala. A ti mɔgɔ-wo-mɔgɔ kunyɛ bɔ kasarɛ kɔrɔ.

Yɛrɛmaya 10:11

Mari ko bɛsɛ wonu ma san-kole anubɛ dugu-kole ladan, ado anu si tinya ka tunu dugu-kole rɔ.

Yɛrɛmaya 10:5

Bɛsɛ wonu mani de dɔrɔn iko sogo-rakilan-fan. Anu ti kuma. Anu ti tagama, fɔ mɔgɛ wa wonu maduni. Wo kana kilan bɛsɛ wonu na. Anu ti mɔgɛ madumɛ, ado anu ti mɔgɛ madɛnbɛ.

Yilan-Yilan Koe 14:6

Ko-lakɔrɔsila mɔgɔ filɛ, Nunna den-kei Yasowa anubɛ Yɛfunɛla dan Kelabu, wonu yisi magboyara ha anu ya anuna durukinu tafara yisi-tinya bolo.

1 Kɔrɛnti 8:4

Woletɔ bɛsɛnu si kɔ soge minnu na, n si min fɔ wonuna ko la, wo le kɛ la. Ma ya a lɔn ko bɛsɛ, fen de wo la niyi sa min tɔ. Ma ya a lɔn fanan ko Alla kelen de!

Ɛfɛsa 5:11

Wo kana bila wonu fɛ minnu bi pinpirɔ-ko-fuyinu mala, ado fɔ wo ni pinpirɔ-koe wonu nabɔ gbɛ ma.

Kɛlɛ-Kurugbɛnu 6:30

Anu ya a fɔ Yowasi ye ko, “Ta ila dan bi. I ni na a la ma kurun tɔ. Ma ni a faga bawo a ara mala bɛsi Beyali wo kɔ tinɛ tinya ka mala kɔlɔma-malɛsɛni-bɛsi Asura ratɛgɛtɛgɛ.”

Kɛlɛ-Kurugbɛnu 6:32

Bawo Yowasi ara a fɔ ko Beyali ni a tayili sara, woletɔ mɔgɛnu donta Kidiyɔn kele rɔ ko “Yɛruba-Beyali.”

1 Samuwɛli 12:11

Woletɔ Mari ya Bɛraki fɔlɔn ma wo kunkalɛ la, wo kɔma Kidiyɔn, wo kɔma Yɛfɛta. A laban le nde, Samuwɛli la min bara wole bɔ wo yogenu bolo alako wo la ni fɛrɛ.