Kɛlɛ-Kurugbɛnu 6:3 - ALLALA KUMƐ

³ Isirɛla mɔgɛnu ba ta sɛni sa tinɛ kan-bo-kan, Midiyan anubɛ Amalɛki kɛnu anubɛ sibolo-gbɛrɛ donu si bɔ tele-bɔɛ wara la ka ta anu kɛlɛ nyɔ.

Kɛlɛ-Kurugbɛnu 6:3 ပူးပေါင်းရင်းမြစ်များ

Ko-Dabirɛnu 25:6

Kɔnɔ yanni Iburayima ni faga, ala musi doinu ya dan minnu sɔrɔn, a ya wonu kɔ a bolo-fan wonu tɔ. Wo kɔma, a ya dan wonu nata nyamani-gbɛrɛ rɔ tele-bɔɛ wara la alako anu ni bɔ ala dan Isiyaka dafɛ.

Ko-Dabirɛnu 29:1

Nba, Yakoba tara tagamana ka ta ke nyamanɛ do ma min bi tele-bɔɛ wara la.

1 Mansɛnu 20:27

Isirɛla kɛlɛ-dannu ya wo lamɔɛn min kɛ, wo le ya a ma, wonu fanan ya anu nadɛn kan-tina-kelen ka anuna kɛlɛ-kɛ-mirannu bi. Anu tara anu sɔ-bole rabɛn lɛɛ rɔ Afɛki soe dafɛ ka anu tatala kurun fila la. Anu ya anu ya-lamunun Siriyanu na. Kɔnɔ anu kurun filɛ kɛ dɔgɔyanɛ Siriyanu yala iko baanu ba anu nadɛn kurun fila la. Kɔnɔ Siriyanu siya nyamanɛ wo rɔ iko mɛyannu.

1 Mansɛnu 4:30

Mansa Silamɛni hɛnkili tenbira Iyipiti nyamanita-mɔgɛnu anubɛ kɔrɔn-fɛ-mɔgɛnutɛ la minnu bi Isirɛla tele-bɔɛ wara la.

1 Mansɛnu 5:10

Mansa Hairam ya kɔlɔma siyaman di Mansa Silamɛni ma ha a wasara.

Yobu 1:3

Saga waga wɔrɔnfila (7,000) ye a bolo anubɛ nyomo waga sawa (3,000). Wo kɔma, sara-ninki waga kelen (1,000) taranta a bolo anubɛ sofɛlɛ kɛmɛ loli (500). Wo kɔma, wɔli-kɛ-den-siyaman bi a bolo duk! Mɔgɛ min bɛɛ ye Yorodan bɛ tele-bɔɛ wara la, ata fen-tigiyɛ kolo wonu bɛɛtɛ ko.

Yobu 31:8

ado ni wo ara ma nun, alamɛ Alla ya a ma, nna ki-fannu ni tinya pɔsɔkɔ! Ni wo ma, alamɛ mɔgɔ-gbɛrɛkɛ ya nna ki-fannu dɔn n kɔma.

Bɔ-Koe-Iyipiti 17:8

Amalɛkinu wulita Isirɛla mɔgɛnu kan ma kan tinɛ wo rɔ min tɔgɛ Sulen Tinɛ.

Aiseya 11:14

Anu dama si ta anu nyɔgɔn fɛ ka bui Filisitinu ma tele-yigi wara la. Anu si ta anu yogenu bolo-fan toronde anu na tele-bɔɛ wara la. Idɔm kɛnu wo, Mohabu kɛnu wo, Amonnu wo, wonu damasi si to anuna sɛnbɛ kɔrɔ.

Aiseya 62:8

Mari ara yili-madiyɛ kɛ. A si lanyiri wo latɔnbagaya ata sɛnbɛ la. A ko a ti wola dɔn-fannu di wo yogenu ma tun. Wo ara tɔrɔ minni-fan min sɔrɔn la, a ti sɔn sundannu ni wo min tun muk!

Yɛrɛmaya 49:28

Mari ya kɛ le fɔ Kedarinu anubɛ Hesɔ soela ko la, Babilɔn Mansa Nɛbukanasa ye nala minnu nɔla, kɔni. A ko anu ni na Kedarinu kɛlɛ, minnu siginɛ tele-bɔɛ wara la, kɔni.

Isikiyɛli 25:3

Anu ni anu tole masɔ nde, wo Tigi Mari kuman-kan la. Anu ya nna Bato-Bon-latinyanɛ yen min kɛ, wo ya anu nasewa. Anu ya Isirɛla nyamani-tinyanɛ yen min kɛ ka a nyamanita-mɔgɛnu fanan yen birɛ rɔ, wo fanan ya anu nasewa.

Isikiyɛli 25:4

Anu sewanɛ min kɛ, sibolo-gbɛrɛ minnu bi tele-bɔɛ wara la wulɛ rɔ, n si a ma, wonu ni na anu nɔ. Wonu si na anu dagɛ makɛ ale Amonnuna nyamanɛ rɔ ka sigi nyɔ. Kɔn-gbɔɛ anubɛ nonɛ minnu bi nyɔ anuna ko la, wonu si na wonu bɔ anu bolo ka wonu ma anu beli-fan la.

Saraka-Masɔlɛnuta Tɔnnu 26:16

n si wo tɔrɔya. N si yakɔrɔ-mamɔɛ lana wo kuma iko kiraya-yogomɛ sufa min ti dandan, anubɛ fɛrɛma-kaliyɛ min si wo fiyonya ka wo bara wao! Wo si wola suginu fui kɔnɔ wo ti fenfen sɔrɔn bawo wo yogenu si bui wo ma ka wola dɔn-fen-sabatinɛnu bi wo bolo ka ta anu na.

Maika 6:15

Wo si wola suginu fui kɔnɔ wo ti wo fenfen tɛgɛ kɛlɛ bolo. Wo si tulinu bɔ kɔnɔ wo ti tɔnɔ sɔrɔn anu tɔ. Wo si wola nɔnbɔ-gbɔɛnu burun kɔnɔ wo ti anu yinu min.

Tɔn-Fɔɛ-Fila-Nyɔgɛ 28:51

Anu si wola kolo-fannu anubɛ wola sɛnita-fannu bi wo bolo. Kɔnkɛ si wo faga. Wola fui-fen wo, wola ki-fen wo, wola kolo-fen wo, anu si wo bɛɛ bi wo bolo. Wo ye fagala wo nya na le.

Kɛlɛ-Kurugbɛnu 10:12

Nde le ma wo lakisi Saidon kɛnu anubɛ Amalɛkinu anubɛ Midiyan kɛnu ma nun, ba? A fɔlɔtɛ, anu ya wo tɔrɔya kɔnɔ tɔ-a-la, wo dira n dala, n ya wo kunka.

Kɛlɛ-Kurugbɛnu 3:13

Mansɛ wo ya Amonnu anubɛ Amalɛkinu kele alako wonu ni ta a dɛnbɛ Isirɛla mɔgɛnu kɛlɛ tinɛ. Anu ya Isirɛla mɔgɛnu nɔ ka Tamaro Kɔrɔ bɔ anu bolo.

Kɛlɛ-Kurugbɛnu 6:2

Midiyan mɔgɛnu tagbɛlɛ Isirɛla mɔgɛnu ko. Woletɔ Isirɛla mɔgɛnu ya anu dogon farannu na kɔnkɔ-woenu tɔ.

Kɛlɛ-Kurugbɛnu 6:33

A ma mɛ wo kɔma, Midiyan kɛnuta kɛlɛ-dannu anubɛ Amalɛkinuna kɛlɛ-dannu anubɛ sibolo-gbɛrɛ minnu bi tele-bɔɛ wara la nun, wonu ya anu kundɛn ka Yorodan bɛ tɛgɛ. Anu ya anu daga makɛ Yɛsɛreli lɛɛ rɔ.

Kɛlɛ-Kurugbɛnu 6:4

Anu yogenu bi anu daga makɛla kan tinɛ bɛɛ rɔ alako anu si Isirɛla mɔgɛnuna sɛnɛnu tinya nya min ha ka ke Kesa soe ma. Saga wo, ninki wo, sofɛlɛ wo, anu kɛnɛna buila anu ma ka anu bi anu bolo. Anu ti fenfen to Isirɛla mɔgɛnu bolo.

Kɛlɛ-Kurugbɛnu 7:12

Midiyan kɛnu anubɛ Amalɛkinu anubɛ sibolo-gbɛrɛ minnu bi tele-bɔɛ wara la nun, wonu nyɛnsɛnnɛ lɛɛ wo rɔ iko kondɔnnu. Anuna nyomɛnu siya iko ba-kɛnkɛn.

Kɛlɛ-Kurugbɛnu 8:10

Mansa Siba anubɛ Mansa Salamuna anubɛ anuna kɛlɛ-den-toenu, wonu mɔgɔ waga tan-ni-loli (15,000) ye Karakɔ lɛɛ rɔ. Wo ya a taran, mɔgɔ waga kɛmɛ ani mɔgɔ waga mogan (120,000) bara faga sibolo-gbɛrɛnu tɔ tele-bɔɛ wara la.