Kɛlɛ-Kurugbɛnu 6:15 - ALLALA KUMƐ

¹⁵ Kɔnɔ Kidiyɔn ko, “Mari, nde si ke wo mala kama? Kebila-fankabɔnɛ le male la Manasa bɔnsɔn rɔ, ado, n fa warɛ bɔn la, a dɔgɔmɛ le nde la nyɔ.”

Kɛlɛ-Kurugbɛnu 6:15 ပူးပေါင်းရင်းမြစ်များ

Ko-Dabirɛnu 32:10

I wara ko-latelennɛ anubɛ ko-nyimɛ min kɛ n ye, a ma bɛn defan nde ni wonu sɔrɔn. N bi bɔla n barɛ tumɛ min ka Yorodan bɛ tɛgɛ, mabɛ nna kɔrɔ-sɔ-sewuri le dɔrɔn ya bɛ tɛgɛ. Kɔnɔ tabarakala, kaka n bara na kurun filɛ kɛnu na n bolo.

Bɔ-Koe-Iyipiti 3:11

Musa ya a fɔ Alla ye ko, “Nfen bi nde la? Nde si ke n sɔla mansɛ yakɔrɔ ka Isirɛla mɔgɛnu kunyɛ bɔ gbaran rɔ Iyipiti nyamanɛ rɔ, wa?”

Bɔ-Koe-Iyipiti 4:10

Musa ya a fɔ Mari ye ko, “Mari, n da ra ma di kebi fɔlɔ, ado nfan, kebi i bilara kumala n ye, ha bi, n ma kusanya kumala fɔlɔn. N da la ma tiri kuma tinɛ. Sikɛ ye n tɔ kuma tinɛ.”

Yɛrɛmaya 1:6

N ya a fɔ wo rɔ ko, “Kɔnɔ n Tigi Mari, dennɛ le nde la. N ma kusan kumala.”

Yɛrɛmaya 50:45

Mari ko a ara koe min tabɛn Babilɔn kɛnu kan ma, anu ni anu tole masɔ wo la. Hali anuna dannu, anu yogenu si wonu sagan dugi la. Bɛɛ kun ma si kɔ.

Maika 5:2

Mari ko Bɛtalehɛm soe min bi Ɛfarati sigisɔn rɔ, wo dɔgɔ ka tenbi Yuda nyamanɛ soe bɛɛ la. Hali wo, Mari si kun-tigi-belebele do labɔ Bɛtalehɛm so-dɔgɔmanɛ wo rɔ min si kun-tigiyɛ kɛ Isirɛla mɔgɛnu kuma Mari ye. Kun-tigi kɛ kebila-mɔgɛnu, mɔgɔ-malɔnnɛ le anu na kebi fɔlɔfɔlɔ.

Luka 1:34

Mariyama ya a fɔ melika ye ko, “Sunkurun-nasɔlɔnɛ le nde la. Kɛ si ke mala kama worɔ?”

1 Kɔrɛnti 15:9

Kilayɛ bɛɛ tenbira nde la. A ma bɛn defan ka n kele ko kilayɛ bawo n ya a lagbɛlɛya Allala chɔchi kuma.

Ɛfɛsa 3:8

Hali Allata mɔgɛ bɛɛ tenbira nde la kɔnɔ Alla ara n gbiliya ka kibara-nyimɛ lake-fɛrɛ kɛ di nde ma. A ya wo di n ma alako n ni Kirasitita hina-waranɛ yira wole sibolo-gbɛrɛnu na.

Kɛlɛ-Kurugbɛnu 6:11

Abiyɛsa kebila-mɔgɛ do ye Ɔfara soe burɔ. Wo tɔgɛ Yohasi. Wola den Kidiyɔn ye ala fui-fan tɛnna kan-tina-dogonnɛ do rɔ, anu si nɔnbɔ-gbɔɛnu burun kan min. A dogonnɛ nyɔ alako Midiyan kɛnu kana na a yen. Mari tara Ɔfara soe burɔ melikala muninyɛ rɔ ka a mayigi Yohasi wola kɔlɔma-kuri-latankanɛ do kɔrɔ.

1 Samuwɛli 18:23

Anu ya kɛ dama fɔ Dawuda ye tumɛ min, wo ya a fɔ anu ye ko, “Gbiliya-su kɛ kolo nde bolo-kolon-mayɛlɛnnɛ bolo ka ma mansɛ biran-kei la.”

1 Samuwɛli 9:21

Sɔli ya a fɔ ko, “Bɛnyamɛ bɔnsɔn min dɔgɔ Isirɛla bɔnsɔn bɛɛ ko, wo mɔgɛ do le nde la. Nde bɔra kebilɛ min tɔ, a dɔgɔmɛ le wo la Bɛnyamɛ bɔnsɔn rɔ. Nfenna i ye kumɛ kɛ sufa fɔla nde ye?”