Kɛlɛ-Kurugbɛnu 6:13 - ALLALA KUMƐ

¹³ Kidiyɔn ya a fɔ a ye ko, “Kɔnɔ n fa, ni Mari ye ma fɛ, nfen ya a to, tɔrɔyɛ kɛnu bi sigila ma la? N bi n mirila kabana-koenu ma Mari ya minnu ma iko ma benbanu bi anu takaranna ma ye nya min nun. Mari le ma na anu na ka bɔ Iyipiti nyamanɛ rɔ, wa? A manɛ iko a ara ma boloka ka ma don Midiyan kɛnu bolo.”

Kɛlɛ-Kurugbɛnu 6:13 ပူးပေါင်းရင်းမြစ်များ

Ko-Dabirɛnu 25:22

Fɛran wonu taranta anu nyɔgɔn kɛlɛla anu na burɔ. Rebɛka ya a fɔ ko, “Nfen bi a tola, kɛ ye mala n na?” Woletɔ a tara Mari manyinika.

2 Ko-Kɔrɔta-Karan 15:2

A tara Mansa Esa taran. A ya a fɔ anubɛ ala mɔgɛnu ye ko, “Wole Yuda bɔnsɔn-mɔgɛnu anubɛ Bɛnyamɛ bɔnsɔn-mɔgɛnu, wobɛ wola mansɛ ni wo wɔlɔ matɔlɔ. Fananta wo ye Mari fɛ, a ye wo fanan fɛ. Ni wo ya a nyini, a si a ma, wo ni a yen. Kɔnɔ ni wo ya wo kan-kɔ sɔ a la, ale fanan si wo boloka.

Yaburi 27:9

I kana i nyɛrɛ dogon n ma. I kana diminya n ma ka n gben. Kebi fɔlɔ, n dɛnbɛnɛ le ile la woletɔ i kana n boloka. E, Alla, nna kisilɛ le ile la.

Yaburi 44:1

E, Alla, i ya kabana-koe minnu ma fɔlɔfɔlɔ ma benbanuta wati rɔ, ma ya wo lamɔɛn ma nyɛrɛ tole la. Anu bara wonu takaran ma ye.

Yaburi 44:2

I ya Alla-lɔnbɛlɛnu gben anu yarɔ nya min, anu bara wonu fɔ ma ye. I ya nyamanɛ wo ma ila mɔgɛnu halalɛ la. I ya sibolo-gbɛrɛ doinu fanan tɔrɔ nya min, anu ya wo fanan fɔ ma ye. I ya a ma, ita mɔgɛnu sabatira.

Yaburi 44:9

Kɔnɔ i wara i ban ma la kaka. I wara a ma, anu bara ma nɔ. I sa tala mala kɛlɛ-dannu fɛ tun mumɛ!

Yaburi 89:49

E, n tigi, i wara ila keninteyɛ min fɔlɔn yira ma la, wo ye mi? I ya lanyiri minnu kiri Dawuda ye, wonu bi mi?

Aiseya 41:17

Fugarɛnu anubɛ bolo-kolɔnnu ya yi nyini, anu ma ke a sɔrɔnna. Mari ko wo kan la wa gbala todo, a si na to wola madiyalɛ yabila. Ale Isirɛlata Mari ti wo boloka.

Aiseya 63:11

Wo kɔma, ala mɔgɛnu hɛnkili na ara to bilala ko-tenbini-kɔrɛnu ko. Anu hɛnkili tugura Musa la. Anu ko, “Mari min ya mabɛ mala kun-tiginu natɛgɛ kɔgɔ-yi la, wo ye mintɔ? Min ya ata Ni-Sɛnimɛ layigi mala mɔgɔ-banu kuma, wo ye mintɔ?”

Aiseya 63:15

Mari, i kolan layigi ma ma dugi ma. I tenbi ita sɛninya-tina-makawanɛ rɔ, i miri ma ma. Ita keninteya-belebele-wɛ ye mintɔ? Nfenna i ye ita keninteyɛ anubɛ ita kinikinɛ dogonna ma ma?

Yɛrɛmaya 23:33

Mari ya a fɔ nde, Yɛrɛmaya ye ko nɛbi wo, saraka-masɔla wo, ala mɔgɛ toenu wo, ni wo do ya nde, Yɛrɛmaya manyinika ko, “Mari ya kuma-gbilimɛ nyuman fɔ?” N ni a fɔ wo tigi ye ko, “Wole ara ma kuma-gbilimɛ la Mari ye,” ado a si wo tigi fɛrɛn dugi la pose!

Romu 8:31

Ma si nfen fɔ kɛ bɛɛla ko la? Ni Alla ye ma fɛ, yon si ma kɛlɛ?

Tɔn-Fɔɛ-Fila-Nyɔgɛ 29:24

Duninya mumɛ bɛɛ si nyinikalɛ sa ko, ‘Nfen ya a to, Mari ya anuna nyamanɛ kɛ tinya ka? Nfen ya a ma, Mari fonde bɔra wɛ kɛ ka?’

Tɔn-Fɔɛ-Fila-Nyɔgɛ 31:17

Wo wa ma tumɛ min, n fonde si bɔ anu kuma ka n kan-kɔ sɔ anu na. Anu si masiba-koenu sɔrɔn. Anu ba koe kɛnu yen mala anu na tumɛ min, anu si a lɔn worɔ ko nde min bi anuta Alla la, nde sa anu fɛ.

Kɛlɛ-Kurugbɛnu 6:1

Wo kɔma, Isirɛla mɔgɛnu bilara Mari la tun. Woletɔ Mari ya anu don Midiyan nyamanita-mɔgɛnu bolo. San wɔrɔnfila, anu bi anu kɔrɔ.

Kɛlɛ-Kurugbɛnu 6:12

Melika wo ya a nyɛrɛ yira ale Kidiyɔn la. A ko, “Sɛnbɛ-tigi anubɛ kerinte le ile la. Nde, Mari ye i fɛ.”