Kɛlɛ-Kurugbɛnu 6:12 - ALLALA KUMƐ

¹² Melika wo ya a nyɛrɛ yira ale Kidiyɔn la. A ko, “Sɛnbɛ-tigi anubɛ kerinte le ile la. Nde, Mari ye i fɛ.”

Kɛlɛ-Kurugbɛnu 6:12 ပူးပေါင်းရင်းမြစ်များ

Bɔ-Koe-Iyipiti 3:12

Alla ko, “N si to i fɛ yati! I wa na nta mɔgɛnu na ka bɔ Iyipiti nyamanɛ rɔ tumɛ min, anu si n bato kɔnkɛ kɛ nyɛrɛ kuma. Wo si ma tamasere la i ye ko nde le ya i kilaya.”

Matiyu 1:23

“Sunkurun-nasɔlɔnɛ si buyi bi ka den-kei sɔrɔn. Anu si a tɔgɛ rakele ko Imanuwɛli.” Tɔgɛ wo kɔrɛ le ko, “Alla ye ma fɛ.”

Matiyu 28:20

N bara anu karan koe min bɛɛ la, wo ni anu karan ko anu ni koe wo bɛɛ bira. Ado nfan, wo ni wo hɛnkili to kɛ ko, n si to wo fɛ tumɛ bɛɛ ha wati-laban.”

Luka 1:11

Sakaraya sɔnɛ fen-suma-diyamɛ mintan tinɛ bolo-nyimɛ rɔ tumɛ min, Marita melika bɔra gbɛ rɔ a ye feu!

Luka 1:28

Melika nara a wara ka a fɔ a ye ko, “I yisi sa! Mari ye i fɛ. A ara ata duwɛ layigi i kuma!”

Tɔn-Fɔɛ-Fila-Nyɔgɛ 20:1

Musa ya Mari kuman-kan latenbi ko, “Wo wa ta wo yogenu kɛlɛ tinɛ, ni wo ya a yen ko anuna soeenu anubɛ anuna kirindinu siya wotɛnu ko, hali anuna kɛlɛ-dannu siya wotɛnu ko, wo kana kilan anu na. Wota Mari Alla min ya wo kisi ka wo labɔ Iyipiti, wo si to wo fɛ.

Yasowa 1:5

Mɔgɔ-wo-mɔgɔ ti ile, Yasowa nɔ i siyi-tele-bɛɛ rɔ. N tora Musa fɛ nya min, n si to ile fanan fɛ wo nya na le. N si to i fɛ tuma-wo-tuma. N ti i boloka dɛɛ!

Yasowa 1:9

N ma a fɔ i ye fɔlɔ nun ko i ni i yisi ragbɛlɛya ka i kerinteya, wa? I kana kilan, i yisi kana tinya. I tara kan-bo-kan, nde, ita Mari Alla si to i fɛ nyɔ.”

Kɛlɛ-Kurugbɛnu 11:1

Kaliyadila den-kei Yɛfɛta, kerinte le kɔnɔ yɛlan le a na la.

Kɛlɛ-Kurugbɛnu 13:3

Mari bɔra gbɛ rɔ melikala muninyɛ rɔ musi wo ye. A ko, “Gbandɛ le ile la kɔnɔ a ti mɛ tun, i si buyi bi ka den-kei sɔrɔn.

Kɛlɛ-Kurugbɛnu 2:18

Mari wa kun-tigiyɛ di Isirɛla mɔgɛ do ma tumɛ min, fananta kɛlɛ-kurugbɛ wo ye a niyi la, Mari si to a dɛnbɛna alako a ni ala mɔgɛnu nakisi. Wo kɔma, Mari si kinikini ata mɔgɛnu ma bawo anu yogenu bara anu tɔrɔ.

Kɛlɛ-Kurugbɛnu 6:11

Abiyɛsa kebila-mɔgɛ do ye Ɔfara soe burɔ. Wo tɔgɛ Yohasi. Wola den Kidiyɔn ye ala fui-fan tɛnna kan-tina-dogonnɛ do rɔ, anu si nɔnbɔ-gbɔɛnu burun kan min. A dogonnɛ nyɔ alako Midiyan kɛnu kana na a yen. Mari tara Ɔfara soe burɔ melikala muninyɛ rɔ ka a mayigi Yohasi wola kɔlɔma-kuri-latankanɛ do kɔrɔ.

Kɛlɛ-Kurugbɛnu 6:13

Kidiyɔn ya a fɔ a ye ko, “Kɔnɔ n fa, ni Mari ye ma fɛ, nfen ya a to, tɔrɔyɛ kɛnu bi sigila ma la? N bi n mirila kabana-koenu ma Mari ya minnu ma iko ma benbanu bi anu takaranna ma ye nya min nun. Mari le ma na anu na ka bɔ Iyipiti nyamanɛ rɔ, wa? A manɛ iko a ara ma boloka ka ma don Midiyan kɛnu bolo.”

Ruti 2:4

A ma mɛ wo kɔma, Bowasi fanan nara ala wɔli-kɛlɛnu gba ma sɛnɛ rɔ ka bɔ Bɛtalehɛm. A ya anu wɔlɛ bɔ, a ko, “Alamɛ Alla tora wo fɛ.” Anu fanan ya a labira, anu ko, “Alamɛ Alla tora ile fanan fɛ.”

1 Samuwɛli 10:7

Kɛnu ba ma i la wati min, Alla ya i sɔ ko-wo-ko la, i ni wo ma bawo Alla ye i fɛ.