Kɛlɛ-Kurugbɛnu 6:10 - ALLALA KUMƐ

¹⁰ Wo kɔma, a ya a fɔ wo ye ko wota Mari Alla le ale la. A ko wo kana kilan Amoranuna bɛsɛnu na wo siginɛ kan min kaka. Kɔnɔ Mari ko wo sa ata kumɛnu birala.”

Kɛlɛ-Kurugbɛnu 6:10 ပူးပေါင်းရင်းမြစ်များ

2 Mansɛnu 17:13

Mari ya kilayɛnu anubɛ nɛbinu sɔ Isirɛla kɛnu anubɛ Yuda kɛnu makawandi tinɛ nun. A ya a fɔ anu ye nun ko, “Wo ni wo sɔn-yogomɛnu boloka ka nta kumɛnu bira. N bara nna tɔnnu di wo benbanu ma nun, ado nna nɛbinu bara wo bɛɛ fɔ wo ye nun.”

2 Mansɛnu 17:33

Anu tora Mari batola kɔnɔ hali wo, anu tora anuna bɛsɛnu fanan kɔla iko anu barɛ namu ye nya min.

2 Mansɛnu 17:7

Samariya soe kasarata bawo Isirɛla mɔgɛnu ya hakɛ kɛ anuta Mari Alla la min ya anu nabɔ yɔɔnyɛ rɔ nun Iyipiti mansɛ bolo. Alla ara Kenan kɛ minnu gben anu yarɔ nun, anu tora wonuna bɛsɛnu kɔla. Anu ya anu sanka wonu ma ka wonu sɔn bi, ado Isirɛla mansɛnu fanan tora sɔn wo le la anu bolo.

Nihɛmaya 9:29

I ya anu makawandi alako anu ni ila tɔnnu bira kɔnɔ anu ya anu kan-kɔ sɔ ila tɔn la, ado anu niyi-sɔrɔn-kunyɛ le tɔn-birɛ la. Anu ya anu ban i bolo pat!

Bɔ-Koe-Iyipiti 34:12

Wo ni a ma wo fɛrɛma wo nyɛrɛla ko la. Wo ye tala kan tinɛ min, wo kana lanyiri kiri nyamanita-mɔgɛ wonu ye alako anu kana ma gbɛrɛ la wo ye.

Bɔ-Koe-Iyipiti 34:14

Wo kana alla-dogbɛrɛ kɔ bawo wota Mari Alla le nde la min si wo makeliya. N ti sɔn n senɛ ma.

Hɛnkilimaya-Kumɛnu 5:13

N ma sɔn n tole masɔla n karan-mɔgɔ la. N ya n tengberenya n makawandilɛnu na.

Yɛrɛmaya 10:2

A ko wo kana wo sanka sibolo-gbɛrɛnu ma. Wo ye tamasere minnu yenna san-kole ma, wo ka kilan wonu na, hali sibolo-gbɛrɛnu bi kilanna anu na.

Yɛrɛmaya 17:23

Kɔnɔ Mari ko wo benbanu ma sɔn anu tole masɔla a la hali ka ata kumɛ bira. A ko anu tengberenta. A ko Mari ara wo benbanu tɔrɔ nun kɔnɔ anu ma anu bɔ anu gbɛ dala. A ko anu ma anu tole masɔ a la mumɛ!

Yɛrɛmaya 3:13

Alako tun, wo ara wo sɔ wo hakɛ la bawo wo ara wo kan-kɔ sɔ wota Mari Alla la. Wo ara sibolo-gbɛrɛnuta bɛsɛnu kɔ. Wo ma ale sako kɛ fɔ ka bɛsɛnu kɔ kɔlɔma-kuru-wɛnu kɔrɔ. Ale Mari kan le kɛ la.

Yɛrɛmaya 3:25

“Fɔ ni ma ya ma sa miliyɛ bolo gbɛ! Ma ni yarabiyi burun ma ma. Ma ara hakɛ kɛ ile mata Mari Alla la. Mabɛ ma fanu bara hakɛ kɛ. Ka a bi ma dennɛ ma ha kaka, ma sa ile mata Mari Alla sako kɛla.”

Yɛrɛmaya 42:21

N bara a fɔ wo ye kɔnɔ hali wo, mata Mari Alla ya min di n ma ka a fɔ wo ye, wo tole gberenɛ ka ata tɔn wonu bira.

Yɛrɛmaya 43:4

Yohenan wo, a kɛlɛ-den-kunyɛnu wo, a mɔgɛnu wo, wo fenfen ma Marita tɔn bira ka a tɛgɛ anu to-koe ma Yuda nyamanɛ rɔ.

Yɛrɛmaya 43:7

Anu ya Marita kumɛ tinya ka ta ma la anu bolo fɔɔ Tapanisi soe burɔ Iyipiti nyamanɛ rɔ.

Yɛrɛmaya 9:13

Mari ya nna nyinikalɛnu yabi. A ko wo bɛɛ ara ma bawo wole, Yuda kɛnu bara wo ban ala karan ma. Wo sa sɔnna ata tɔn birala. Ale ye min fɔla, wo sa sɔnna wonu birala.

Sɛfanaya 3:2

Yerusalɛm kɛnu sa anu tole masɔla Mari la. Anu ti sɔn ka kolo a ma. Anu ma anu yigi sa Mari rɔ. Anu ti a matara anu dɛnbɛn-koe la.

Romu 10:16

Kɔnɔ bɛɛ ma kibara-nyimɛ bira. Nɛbi Aiseya nyɛrɛ ya a fɔ ko, “Mari, yon bara la mala sarakanɛ la?”

Hiburunu 5:9

ado kuma-birɛ wo kanbalinɛ min kɛ, minnu bi ale fananta kumɛ birala, a si ke wonu kisila habadan!

Yasowa 24:15

Kɔnɔ ni wo rabɛnni ma ka Mari bato, wo si min bato worɔ, wo ni wo latɛgɛ bi. Tumado wo benbanu ya bɛsɛ minnu kɔ Yufereti bɛ kɔgɔma nun, ni wo ma, wo siginɛ Amora minnu tɛma, wo ye a fɛ ka wonuna bɛsɛnu kɔ kɔnɔ mabɛ nta denbayɛ si Mari kelen pe le bato.”

Kɛlɛ-Kurugbɛnu 2:2

N ya a fɔ fanan ko wo kana lanyiri kiri mɔgɔ-wo-mɔgɔ ye yan fɔ ka anuna bɛsɛnu tinya pɔɔ! Kɔnɔ kaka, wo ara a yen wo ara min ma, wa? Wo ara n kuman-kan tinya.

Kɛlɛ-Kurugbɛnu 6:9

Ale le ya wo latanka Iyipiti anubɛ wo kɛlɛ-nyɔgɛnu-masibɛ ma nyamanɛ kɛ rɔ. Mari ko wo tenbi tala kan-bo-kan, a ye wo yogenu gbenna wo yarɔ nun. A ya wo yogenuna nyamanɛ di wo ma.