Kɛlɛ-Kurugbɛnu 6:1 - ALLALA KUMƐ

¹ Wo kɔma, Isirɛla mɔgɛnu bilara Mari la tun. Woletɔ Mari ya anu don Midiyan nyamanita-mɔgɛnu bolo. San wɔrɔnfila, anu bi anu kɔrɔ.

Kɛlɛ-Kurugbɛnu 6:1 ပူးပေါင်းရင်းမြစ်များ

Ko-Dabirɛnu 25:2

Wo ya den mɔgɔ wɔrɔ sɔrɔn Iburayima ye. Wonu tɔgɛ le kɛnu na, Simiran wo, Yokisan wo, Midan wo, Midiyan wo, Isibaki wo, anubɛ Suwa.

Ko-Dabirɛnu 37:28

Midiyan yila wonu tenbimatoe, Yusufu kɔrɔnu ya a layɛlɛ ka a labɔ kɔlɔn rɔ. Anu ya a mayira Sumanyila kegeyɛ wonu ma wodi-gbɛ-gbu mogan na. Wonu tara Yusufu la anu bolo Iyipiti nyamanɛ rɔ.

Habakuku 3:7

N ya a yen nna ko-rayirɛ rɔ, Kusan-kebila-mɔgɛnu bi kilanna dɔgɔma-ma-de! Midiya kɛnu bi yɛrɛyɛrɛnna kilan bolo.

Yilan-Yilan Koe 22:4

Mohabu mɔgɛnu ya kilayɛ lata Midiyan mɔgɔ-banu ma. Anu ko, “Isirɛla mɔgɔ-sɛrɛmɛ kɛnu si male tinya iko turɛ tenbi binyɛ dɔnna gbɛkole ma.”

Hiburunu 11:32

N ni misalɛ do yira wo la tun, ba? Wati-yan sa n bolo ka Kidiyɔnna koe fɔ anubɛ Bɛraki anubɛ Samsin anubɛ Yɛfɛta anubɛ Mansa Dawuda anubɛ Samuwɛli anubɛ a nɛbi-toenu.

Kɛlɛ-Kurugbɛnu 10:7

Mari fonde bɔra Isirɛla mɔgɛnu kuma. A sɔnta ko Isirɛla mɔgɛnu ni to Amonnu anubɛ Filisitinu kɔrɔ.

Kɛlɛ-Kurugbɛnu 2:11

Isirɛla mɔgɛnu bilara Mari la ka don bɛsi Beyalinu kɔ-koe rɔ.

Kɛlɛ-Kurugbɛnu 6:13

Kidiyɔn ya a fɔ a ye ko, “Kɔnɔ n fa, ni Mari ye ma fɛ, nfen ya a to, tɔrɔyɛ kɛnu bi sigila ma la? N bi n mirila kabana-koenu ma Mari ya minnu ma iko ma benbanu bi anu takaranna ma ye nya min nun. Mari le ma na anu na ka bɔ Iyipiti nyamanɛ rɔ, wa? A manɛ iko a ara ma boloka ka ma don Midiyan kɛnu bolo.”