Kɛlɛ-Kurugbɛnu 5:31 - ALLALA KUMƐ

³¹ “E, Mari, alamɛ i yoge bɛɛ halakira iko Sisara mara nya min. Kɔnɔ minnu bara i keni, alamɛ wonu malanta iko tele.” Wo kɔma, san bi-nani, anu bi yisi-kimɛ rɔ Dɛbora anubɛ Bɛraki bolo.

Kɛlɛ-Kurugbɛnu 5:31 ပူးပေါင်းရင်းမြစ်များ

2 Samuwɛli 18:31

A ma mɛ, Itiyopiya kɛ wo fanan kera mansɛ ma. A ko, “N tigi, kuma-nyimɛ ye n bolo n bi min fɔla i ye. Mɔgɛ minnu bara murutiya i ma, Mari ara a ma, i wara nɔ-ko sɔrɔn wonu ma bi.”

2 Samuwɛli 18:32

Mansɛ ya wo fanan manyinika. A ko, “Kɔnɔ ko ma ma Abasalɔm na?” Itiyopiya kɛ wo ko, “Min mara wo la, alamɛ wo nyɔgɔn mara i yoge bɛɛ la anubɛ minnu bi murutiyala i ma.”

2 Samuwɛli 23:4

wo mani de iko sun-tele min bi sɔla kunbi la, ado tele anubɛ bandɛ le binyɛ lanɔrɔnna.

Yaburi 19:6

Tele si bɔ san-kole tɔnkɔn doi rɔ ka a buri tala furr fɔ a tɔnkɔn doi rɔ. Fenfen ti ke a dogonna tele ma.

Yaburi 20:8

Mɔgɛ wonu ta si mɔlɔkɔn anu kɔrɔ kɔnɔ male si ma lawuli ka ma sɔ gben!

Yaburi 37:6

A si a ma, ila telenbagayɛ ni malan iko tele latelan.

Yaburi 89:36

A ti foo a kegeyɛ la. Fananta tele ye bɔla, i kolan bɛnnɛ ata mansayɛ ma.

Yaburi 89:37

Fananta karɛ ye gbɛla, ata mansayɛ ti bɔ a gbɛ rɔ, ado ko-wo-ko ti dogon karɛ ma.

Yaburi 91:14

Alla ko ale di minnu ye, a si wonu nakisi. A ko minnu ya ale lɔn Mari la, a si wonu nakanan.

Yaburi 92:10

I wara n tagbɛlɛya gben, iko sigi-turɛ. A ara duwɛ labɔn n ma ka n nasewa.

Yaburi 92:9

Mari, ma ya a lɔn serr, i yogenu fagamatoe le. I si karagbɛlɛ bɛɛ nyɛnsɛn ka anu nɔ tɛrr!

Yaburi 97:10

Kɔnɔ n na-kelen-nyɔgɛnu, karagbɛlɛyɛ gbo minnu ye, wonu di Mari ye. A ye ala mɔgɛnu niyi lakananna. A ye anu nakananna karagbɛlɛnu masibɛ ma.

Yaburi 97:8

Yerusalɛm kɛnu bara sewa, ado Yuda nyamanita-mɔgɛnu bara nyagalen ka a tɛgɛ Mari ara anu yogenuna kiti fɔ nya min.

Bɔ-Koe-Iyipiti 20:6

Kɔnɔ ni min ya n keni ka nta tɔn kɛnu bira, hali wonu bɔnsɔn matiinu, n si nta keninteyɛ yira wonu na.

Hɛnkilimaya-Kumɛnu 4:18

Kɔnɔ mɔgɔ-telennɛnuna telenbagayɛ si to koloyala iko teleta waan si to koloyala nya min ka a bi sɔgɔma ha tele-latelan.

Daniyɛli 12:3

Minnu si Allata hɛnkilimayɛ bira anu bolo filɛ la ka kila-latelennɛ yira mɔgɔ-siyaman na, wonuna hɛnkilimayɛ si malan iko lolenu.”

Hoseya 6:3

Ma ni ma sɛbɛ don Mari lɔn-koe ma alako a ni to sɛgila ma ma tun iko sun-tele-tiyi ye nala sɔgɔma-wo-sɔgɔma nya min. A si to sɛgila ma ma tun iko samɛ min bi donna san-bo-san.”

Matiyu 13:43

Kɔnɔ Allala mɔgɛnu si malan iko tele anu Fa Allala mansayɛ rɔ. Ni min si ko nya-yen, a ni a tole masɔ.”

Romu 8:28

Minnu ya Alla keni, a ara minnu kele ala ko-latɛgɛnɛnu ma, kɔni, ma ya a lɔn ko fenfen wa wonu taran, Allatala si wo yɛlɛma ko-nyimɛ la anu ye,

1 Kɔrɛnti 8:3

Kɔnɔ Alla keninɛ minnu bolo, a ya wonu lɔn.

Ɛfɛsa 6:24

Alamɛ Allata hinɛ tora wo dama fɛ minnu bi ma Mari Yisa, Allata-Mɔgɔ-Yabɔnɛ kenina tɛban!

Tɔn-Fɔɛ-Fila-Nyɔgɛ 6:5

Wo ni wota Mari Alla keni wo yisi bɛɛ la anubɛ wo sɔndɔmɛ bɛɛ la anubɛ wo sɛnbɛ bɛɛ la.

Tɔn-Fɔɛ-Fila-Nyɔgɛ 7:9

Wo ni a lɔn serr, ko wota Mari Alla kelen pe le wota Alla la. A ti wo baya tele-kelen-bɛrɛni! A si ata lanyiri kanbali wo wara la. A si ata keninteyɛ yira wo bɔnsɔn-matiyinu na minnu si ata tɔnnu bira ka ale fanan keni.

Yemesi 1:12

Mɔgɔ-sewanɛ le wo mɔgɛ la min si lanayɛ kɛ kɔrɔbɔlɛ rɔ bawo ala kɔrɔbɔlɛ wa ban tumɛ min, a si barayi min sɔrɔn, wo le a niyi-bɛrɛ la. Minnu bara Alla keni, Alla ara lanyiri kiri wonu ye ko a si barayi di anu ma.

Yemesi 2:5

N diyana na-kelen-nyɔgɛnu, wo ni wo tole masɔ! Alla ara bolo-kolɔnnu yabɔ duninya kɛ rɔ ka anu nama-a-la dɛnkɛninyɛ rɔ. Alla di minnu ye, wonu si mansayɛ sɔrɔn iko a ara lanyiri kiri anu ye nya min.

1 Pita 1:8

Wo ma Yisa yen bɛ kɔnɔ wo ara a keni. Wo ma a yen bɛ wo yɛ la, hali wo, wo dɛnkɛninyanɛ a ma. Woletɔ wo ye nyagalenna ka sewa-makawani-wɛ kɛ, hadama-dan dɛ ti ke min fɔla.

Lankɛnimayɛ 1:16

Lolo wɔrɔnfilɛ biranɛ a bolo-nyimɛ rɔ. Faan-da-filɛ min dɛ ye a la bɛrɛkɛ, wo ye bɔla a da rɔ. A yakɔrɛ ye malanna iko tele tenbi bɔla tele latelan.

Lankɛnimayɛ 18:20

Kɔnɔ ile Arinyɛnɛ, i ni nyagalen soe wo tinya-koela ko la! Wole Allala mɔgɛnu anubɛ ata kilayɛnu anubɛ ata nɛbinu, wo ni fa sewɛ la ka a tɛgɛ min bara ma soe kɛ la. A ara wo tɔrɔ nya min, Alla ara a kiti tɛgɛ wola ko la!

Lankɛnimayɛ 6:10

Anu gbele-gbelenta kan-ba la ko, “Ma Mari Sɛnbɛ Bɛɛ Tigi, sɛninya-tigi anubɛ tonya-tigi le ile la! I si duninya-mɔgɛ bɛɛ kiti ka anu tɔrɔ ma faga-koela ko la tumɛ nyamintan?”

Kɛlɛ-Kurugbɛnu 3:11

San bi-nani kɔrɔ, anu bi yisi-kimɛ rɔ anuna nyamanɛ rɔ Ɔtiniyɛlita wati rɔ. Wo fagara tumɛ min,

Kɛlɛ-Kurugbɛnu 3:30

Isirɛla mɔgɛnu ya Mohabunu nɔ. Wo kɔma, san bi-segin, Isirɛla mɔgɛnu yisi kimanɛ tora.