Kɛlɛ-Kurugbɛnu 5:23 - ALLALA KUMƐ

²³ Marita melika ko, ‘Merɔsi so-burɔ-mɔgɛnu si gbalo sɔrɔn bawo anu ma ta Marita mɔgɛnu dɛnbɛn tinɛ kɛlɛ rɔ.’ ”

Kɛlɛ-Kurugbɛnu 5:23 ပူးပေါင်းရင်းမြစ်များ

Nihɛmaya 3:5

Tekoya kɛnu ya doi wo tatugunnɛ sɔ kɔnɔ Tekoya kun-tiginu ma anu sɛbɛ don ka wɔlɛ kɛ wɔli-tiginu kɔrɔ.

Yaburi 94:16

Yon si sɔ n fɛ karagbɛlɛnu kan ma? Yon si n gbɛ bi ko-yogo-kɛlɛnu kan ma?

Yɛrɛmaya 48:10

Dankɛ ye wo tigi ma min sa sɔnna Marita wɔlɛ kɛla a sɛnbɛ la. Dankɛ ye wo tigi ma min ti sɔn yele ni don ala faan ma.

Matiyu 25:41

“Wo kɔma, minnu bi n maran rɔ, n si a fɔ wonu ye ko, ‘Wo ni wo bɔ n fɛ, wole min bi Allala dankɛ kɔrɔ! Wo ta habadan-tɛ rɔ min tabɛnnɛ Setanɛ anubɛ ata melikanu ye!

Romu 15:18

N sa kuma-gbɛrɛkɛ fɔla fɔ Kirasiti ya min ke nde warala dɔrɔn. Sibolo-gbɛrɛnu bara Allala kumɛ bira ka a tɛgɛ nde, Pɔlila kawandilɛ anubɛ n kɛ-nya ma.

1 Kɔrɛnti 16:22

Ni min ti Mari keni, dankatoe le wo tigi la. Ma Mari, na!

1 Kɔrɛnti 3:9

Allata wɔli-kɛ-nyɔgɛnu denu bi ma dama la. Allata sɛnɛ le wole la. Ado nfan, Allata bɔn le wo la fanan.

2 Kɔrɛnti 6:1

Allala wɔli-kɛlɛ le ma dama la. Ma ye wo madiyala worɔ ko wo ara Allala hinɛ sɔrɔn min kɛ, wo kana wo tinya.

Kɛlɛ-Kurugbɛnu 13:3

Mari bɔra gbɛ rɔ melikala muninyɛ rɔ musi wo ye. A ko, “Gbandɛ le ile la kɔnɔ a ti mɛ tun, i si buyi bi ka den-kei sɔrɔn.

Kɛlɛ-Kurugbɛnu 2:1

Lunyɛ do, Marita melika bɔra Kiligali soe burɔ ka na soe do rɔ anu bi min kelela Di Kɛ Tinɛ. A ya a fɔ Isirɛla mɔgɛnu ye ko, “N ya wo labɔ Iyipiti nyamanɛ rɔ ka na wo la nyamanɛ kɛ rɔ yan, n ya lanyiri kiri wo benbanu ye minna ko la nun. N ya a fɔ nun ko n ti sarama-kan wo tinya.

Kɛlɛ-Kurugbɛnu 21:5

Anu ya a fɔ ko, “Isirɛla mɔgɔ yon tora min ma kofu ma ma ladɛn rɔ Mari yakɔrɔ Misipa soe burɔ? Ma ma a fɔ wo wati rɔ ko ni mɔgɛ min ma ta ladɛn wo rɔ, ma si wo tigi faga?”

Kɛlɛ-Kurugbɛnu 21:8

Anu bi ko-fɛ-birɛ wo la ka a lɔn minnu ma na anuna ladɛn wo rɔ Misipa soe burɔ, anu ya a lɔn ko Yebɛsi so-burɔ-mɔgɛ minnu bi Kaliyadi nyamanɛ rɔ, wonu ma sɔn na-koe ma anuna ladɛn wo rɔ.

Kɛlɛ-Kurugbɛnu 4:6

Lunyɛ do, a ya Abinowamta den Bɛraki kele min siginɛ Kidɛsi soe burɔ Nafatalita nyamanɛ rɔ. Bɛraki nanɛ a wara, a ya a fɔ a ye ko, “Isirɛla mɔgɛnuta Mari Alla le ya kumɛ kɛ di n ma ka a fɔ i ye, a ko i ni kei waga tan (10,000) bi Nafatali bɔnsɔn anubɛ Sɛbulɔn bɔnsɔn rɔ. A ko i ni wonu bi ka yɛlɛ anu na Tebɔ kɔnkɛ kuma.

Kɛlɛ-Kurugbɛnu 5:13

“Wo kɔma, bɔnsɔn donu nara anuna kun-tiginu bara. Marita mɔgɛnu nara nde, Dɛbora wara ka ta kɛlɛ rɔ.

Kɛlɛ-Kurugbɛnu 6:11

Abiyɛsa kebila-mɔgɛ do ye Ɔfara soe burɔ. Wo tɔgɛ Yohasi. Wola den Kidiyɔn ye ala fui-fan tɛnna kan-tina-dogonnɛ do rɔ, anu si nɔnbɔ-gbɔɛnu burun kan min. A dogonnɛ nyɔ alako Midiyan kɛnu kana na a yen. Mari tara Ɔfara soe burɔ melikala muninyɛ rɔ ka a mayigi Yohasi wola kɔlɔma-kuri-latankanɛ do kɔrɔ.

Kɛlɛ-Kurugbɛnu 8:5

Anu ke Sukɔti soe ma, Kidiyɔn ya Sukɔti-so-burɔ-mɔgɛnu tara biredi ma alako ala kɛlɛ-dannu si min dɔn. A ya a fɔ anu ye ko, “Anu bandannɛ dɔgɔma-ma-de kɔnɔ hali wo, ma ye Midiyan mansa fila sagaranna, Salamuna anubɛ Siba.”

Kɛlɛ-Kurugbɛnu 8:6

Kɔnɔ Sukɔti-so-burɔ-mɔgɔ-banu ya a fɔ ko, “Ma si biredi di wo ma kama? Wo ma mansɛ kɛnu bira wɛ.”

Kɛlɛ-Kurugbɛnu 8:8

Kidiyɔn anubɛ ala kɛlɛ-dannu bɔra nyɔ ka ta Pɛnuwɛli soe burɔ. Anu ya soe wo mɔgɛnu fanan tara. Sorɔ-mɔgɛ wonu fanan ya a yabi iko Sukɔti mɔgɔ-banu ya a yabi nya min.

1 Samuwɛli 17:47

Min sanɛ wo kuma, mɔgɛ kɛnu si a lɔn yan tɔ ko Mari mako sa faan anubɛ tanbɛ la ala mɔgɛnuna kisi-koe rɔ. Marita kɛlɛ le kɛ la, ado a si wo damasi don ma bolo.”

1 Samuwɛli 18:17

Mansa Sɔli ya a fɔ Dawuda ye ko, “Ni i ya i kerinteya ka Marita kɛlɛ kɛ n ye, n si nna dunmusu-sirɛ di i ma min tɔgɛ Mɛrabu.” (Sɔli ya kɛ ma bawo a ma di a ye ale ni Dawuda faga fɔ Filisitinu.)

1 Samuwɛli 25:28

N tigi, i yandi, ni n bara bila i la, i hakɛ to n ye. Mari si wobɛ i kegeyɛnu ma mansɛ la bawo i ye ata kɛlɛ kɛ le la. Fananta i ye i kɛndɛ la, i ti ko-yogoma ma.

1 Samuwɛli 26:19

N tigi, n bi min fɔla i ye, i wɔlɔ matɔlɔ wo la. Ni Mari le wara a ma, i wara nɔrɔ n ma, sarakɛ si a ma, ale Mari yisi ni yɛlɛma n bara-koe rɔ. Kɔnɔ ni mɔgɛnu denu gba ye, alamɛ wonu tiginu ya Marita dankɛ sɔrɔn bawo anu bara n gben Marita nyamanɛ rɔ ka n nata nyamani-gbɛrɛ rɔ alako n ni sibolo-gbɛrɛnuna bɛsɛnu kɔ nyɔ.