Kɛlɛ-Kurugbɛnu 5:20 - ALLALA KUMƐ

²⁰ Hali san-kole ya ma dɛnbɛ Sisara kɛlɛla bawo wan-takɛ ya ma dɛnbɛ.

Kɛlɛ-Kurugbɛnu 5:20 ပူးပေါင်းရင်းမြစ်များ

2 Samuwɛli 18:8

Kɛlɛ wo nyɛnsɛnta Isirɛla nyamanɛ tɔnkɔn kɔgɔ la. Gbɔngbɔn wo ya mɔgɛ yirika min faga, wonu siya kɛlɛta mɔgɔ-faganɛ ko.

Yasowa 10:10

Mari ya a ma, Amora mɔgɛnu kilanta bɛrɛkɛ ha anu kumakɔra. Woletɔ Isirɛla mɔgɛnu ya Amora mɔgɛ wonu siyaman faga Kibiyon soe rɔ. Isirɛla mɔgɛnu ya anu gben kilɛ la kɔnkɛnu tɔ Bɛti-Hɔrɔn soe dafɛ ha ka ke Asika soe ha Makida soe ma.

Yasowa 10:11

Amora mɔgɛnu bi anu burila tumɛ min ka yigi kɔnkɛ la, Mari ya banda-kolo-wɛ layigi anu kuma ha anu kera Asika soe ma. Banda-kolo-wɛ wonu ya mɔgɔ-siyaman faga. Isirɛla mɔgɛnu ya Amora mɔgɔ-siyaman faga kɔnɔ banda-kole wonu ya Amora mɔgɔ siyaman faga ka tenbi Isirɛlata kɛlɛ-dannutɛ la.

Yasowa 10:12

Kuma-kɔrɔ-fɔlɛ Yasari ya min sɛbɛ a nyɛrɛta buku rɔ kɛlɛ kɛla ko la, wo le kɛ la. A ko, “Mari ya Isirɛla kɛlɛ-dannu dɛnbɛ, anu ya Amora mɔgɛnu nɔ kɛlɛ-kɛ-tinɛ. Yasowa ya Mari madiya Isirɛla mɔgɛ bɛɛsi yala, a ko, tele ni sɔ Kibiyon soe kuma, karɛ ni sɔ Aiyalɔn-folo-wɛ kuma. “Tele ya a sɔ, karɛ fanan ya a sɔ ha Isirɛla mɔgɛnu banta anu yogenu fagala. Tele-latelen-wati, tele ya a sɔ. A ma yigi ha wo banda kɛ wurɛ la, a tora yigila.

Kɛlɛ-Kurugbɛnu 4:15

Bɛraki anubɛ ala kɛlɛ-dannu ya anu yogenu tagbɛrɛn wati min, Sisara anubɛ ala kɛlɛ-dannu kumakɔra. Sisara bɔra ala kirindi rɔ. A yigira ka buru-kɛ bi.

Kɛlɛ-Kurugbɛnu 5:21

Bandɛ ya a ma, Kisɔn bɛ fara. A yigira ma yogenu na pon! Woletɔ male fanan ya sɛnbɛ sɔrɔn ka to tala kɛlɛ rɔ.

1 Samuwɛli 7:10

Wulɔn-tele kelan, Samuwɛli ye sarakɛ wo bɔla, Filisitinu nara kɛ Isirɛla mɔgɛnu ma. Wati kelan wo rɔ, Mari ya san-gbalamɛ layigi Filisiti wonu ma ka anu kumakɔ. Anu tanyɛnsɛnta.