Kɛlɛ-Kurugbɛnu 4:23 - ALLALA KUMƐ

²³ Tele wo nyɛrɛ rɔ, Alla ya sɛnbɛ di Isirɛla mɔgɛnu ma ka Kenan Mansa Yebin nɔ.

Kɛlɛ-Kurugbɛnu 4:23 ပူးပေါင်းရင်းမြစ်များ

1 Ko-Kɔrɔta-Karan 22:18

A ya a fɔ mɔgɔ-ba wonu ye ko, “Wota Mari Alla ye wo fɛ nun, ado a ya a ma, wola nyamanɛ kan tinɛ bɛɛ tora yisi-kimɛ rɔ. Ale ya fɛrɛ di n ma ka nɔ-ko sɔrɔn mɔgɛnu ma minnu siginɛ yan nun. Hali kaka, anu bi wole anubɛ Mari kɔrɔ.

Nihɛmaya 9:24

Wo kɔma, anu ya Kenan nyamanɛ bi, ado mɔgɛ min siginɛ nyɔ, anu ya wonu nɔ bɛrɛbɛrɛkɛ! I ya a ma, ila mɔgɛnu ya Kenan nyamanɛ nɔ-fanka sɔrɔn wo kɔma, ka anu sakorɔ-koe kɛ anubɛ anuna mɔgɛnu na.

Yaburi 18:39

E, Mari, ile le ya ila sɛnbɛ ma n makiri-fan la, ha n yogenu buira n kɔrɔ ka anu nyɛrɛ latenbi n ma.

Yaburi 18:47

Ale le ye a mala, n bi n yogenu nɔla ka sibolo-gbɛrɛnu don nna sɛnbɛ kɔrɔ.

Yaburi 47:3

A ara a ma, ma ara nɔ-ko sɔrɔn sibole doinu kuma ka anu don ma kɔrɔ.

Yaburi 81:14

Ni wo ya n kuman-kan to a gbɛ rɔ, n si wo yogenu nɔ tiriya! N si wo yoge bɛɛ gbesi wo ye nun.

1 Kɔrɛnti 15:28

Kɔnɔ fan bɛɛ wa don Kirasitila kun-tigiyɛ kɔrɔ tumɛ min, wo kɔma Kirasiti nyɛrɛ, Allala dan, kɔni, wo si a sa a fa Alla nyɛrɛ kɔrɔ, ado Alla ya ala dan sigi fan bɛɛ kun na. A si wo ma alako Alla ni kun-tigiyɛ kɛ kɛ bɛɛ kun na feu!

Hiburunu 11:33

Anuna dɛnkɛninyɛ fɛ, wonu ya nyamanɛnu kɛlɛ ka anu nɔ. Alla ya lanyiri kiri minna ko la anu ye, anu ya ko-latelennɛ kɛ ka wonu sɔrɔn Alla bolo. Dɛnkɛninyɛ fɛ, Alla ya yarɛnu dɛ latogon.

Kɛlɛ-Kurugbɛnu 4:22

Bɛraki ye Sisara lanyinina tumɛ min, Yeyɛli bɔra luyi ma ka a fɔ a ye ko, “Na bɔn la yan. I ye nyinina kei min ma, n si wo yira i la.” A donta musi fɛ bɔn la. Bɛraki ya Sisara suyi taran bɔn la kɔlɔma gbangbannɛ a kunyɛ rɔ bon-kole ma.

Kɛlɛ-Kurugbɛnu 4:24

Isirɛla mɔgɛnu sɛnbɛ ma tora kofula ka to Mansa Yebin ragbɛrɛnna ha a fagara.