Kɛlɛ-Kurugbɛnu 4:2 - ALLALA KUMƐ

² Kenan Mansa Yebin min siginɛ Hesɔ soe burɔ, Mari sɔnta ko wo ni Isirɛla mɔgɛnu nɔ. Mansɛ wota kɛlɛ-den-kun-tigi Sisara, min siginɛ Harosɛti-Hagoyim soe burɔ,

Kɛlɛ-Kurugbɛnu 4:2 ပူးပေါင်းရင်းမြစ်များ

Yaburi 83:9

I ni anu tɔrɔ iko i wara a ma Midiya kɛnu na nya min. I ni a ma anu na iko i wara a ma Sisara anubɛ Yebin na nya min Kisɔn bɛ dala.

Aiseya 50:1

Mari ko i miri ko a ara a ban wole, ata mɔgɛnu na iko mɔgɛ si a ban ala musi la nya min? Ni tonyɛ le wo la, boloka-kɛdi wo ye mintɔ? A ko i miri ko a ara anu mayira iko yɔɔn ka anu ma yili-sarɛ la? Ade, anu hakɛ le ya a ma, Mari ya a ban anu na iko mɔgɛ wa a ban ala musi la. Ni i ya a yen wo mara bawo ile fɔlɔn bara to i kan-kɔ sɔla a la.

Matiyu 18:25

Min bi a bolo, a ma yili-sarɛ bɔ min kɛ, mansɛ ko ale wo, ala musi wo, ala dannu wo, anu ni anu mayira iko yɔɔnnu ka a bolo-fan bɛɛ mayira alako ala yili si sara nya min.

Yasowa 11:1

Kɛlɛ min mara dugula wara la, Hesɔ Mansa Yebin ya wo wara-koe lamɔɛn tumɛ min, a ya kilaya-lakalamɛ lata a dafɛ-mansɛnu ma ko anu ni anu nadɛn Isirɛla mɔgɛnu kɛlɛ-koe la. Kilayɛ wo kera mansɛ kɛnu ma, Medon mansɛ min tɔgɛ Yobabu, anubɛ Simirɔn mansɛnu anubɛ Akisafu mansɛnu anubɛ mansɛ minnu bi kantɔ-kɔnkɔ-nyamanɛ rɔ anubɛ mansɛ minnu bi Yorodan lɛɛ Kalili dalɛ dugula Dɔɔ soe tɔgɔfɛ. Kumɛ wo kera Kenan mansɛnu ma minnu bi Yorodan bɛ tɔnkɔn filɛ bɛɛ rɔ anubɛ Amora mansɛnu anubɛ Hɛti mansɛnu anubɛ Perasa mansɛnu anubɛ Yebusi mansɛnu minnu bi kɔnkɔ-gburukulinu kuma anubɛ Hefa mansɛnu minnu siginɛ Hɛrɔman kɔnkɔ-wɛ kɔrɔ Misipa nyamanɛ rɔ.

Yasowa 19:36

Adama, Rema, Hesɔ,

Kɛlɛ-Kurugbɛnu 10:7

Mari fonde bɔra Isirɛla mɔgɛnu kuma. A sɔnta ko Isirɛla mɔgɛnu ni to Amonnu anubɛ Filisitinu kɔrɔ.

Kɛlɛ-Kurugbɛnu 4:13

a ya ala kɛlɛ-dannu anubɛ nɛgɛ-kirindi kɛmɛ kɔnɔntɔ makele ka bɔ Harosɛti-Hagoyim soe burɔ. Anu tara Kisɔn bɛ fɛ kɛlɛ-kɛ-tinɛ.

Kɛlɛ-Kurugbɛnu 4:16

Bɛraki anubɛ ala kɛlɛ-dannu ya Sisarala kɛlɛ-dannu sagaran ha Harosɛti soe burɔ anu bɔra kan min. Anu ya Sisarala kɛlɛ-dan bɛɛsi faga tɛrr!

1 Samuwɛli 12:9

Kɔnɔ hali wo, wo benbanu nyinara anuta Mari Alla ko. Woletɔ Mari ya a ma, Filisitinu wo, Mohabu mansɛ anubɛ ala mɔgɛnu wo, anubɛ Sisara min bi Hesɔ soe kɛlɛ-dannu kun na, wonu tara bui wo benbanu ma ka anu nɔ.