Kɛlɛ-Kurugbɛnu 4:1 - ALLALA KUMƐ

¹ Ehudi fagara tumɛ min, Isirɛla mɔgɛnu ya ko-yogomɛ kɛ ka bila Mari la tun.

Kɛlɛ-Kurugbɛnu 4:1 ပူးပေါင်းရင်းမြစ်များ

Yɛrɛmaya 5:3

Mari, i sa nyinina tonyɛ le ma mɔgɛnu bolo, wa? Hali i ye Yuda kɛnu gbesila, bosɛ bɔrɔ sa anu ye. Hali i ya anu tabunden, anu ti kilɛ bira. Anu tole gbɛlɛyanɛ iko farɛ. Anu ya anu ban sɛgila ile Mari ma.

Hiburunu 11:32

N ni misalɛ do yira wo la tun, ba? Wati-yan sa n bolo ka Kidiyɔnna koe fɔ anubɛ Bɛraki anubɛ Samsin anubɛ Yɛfɛta anubɛ Mansa Dawuda anubɛ Samuwɛli anubɛ a nɛbi-toenu.

Hiburunu 11:33

Anuna dɛnkɛninyɛ fɛ, wonu ya nyamanɛnu kɛlɛ ka anu nɔ. Alla ya lanyiri kiri minna ko la anu ye, anu ya ko-latelennɛ kɛ ka wonu sɔrɔn Alla bolo. Dɛnkɛninyɛ fɛ, Alla ya yarɛnu dɛ latogon.

Kɛlɛ-Kurugbɛnu 10:6

Isirɛla mɔgɛnu ya hakɛ kɛ Mari la tun. Anu tara anuna bɛsɛnu Beyali anubɛ Asitɔra kɔ tinɛ. Wo kɔma, Siriyanuna bɛsɛnu wo, Saidon kɛnutɛ wo, Mohabu kɛnutɛ wo, Amon kɛnutɛ wo, Filisitinuna bɛsɛnu wo, anu ya wo bɛɛ kɔ. Anu ya anu kan-kɔ sɔ Mari la ka anu ban a bato-koe ma.

Kɛlɛ-Kurugbɛnu 2:11

Isirɛla mɔgɛnu bilara Mari la ka don bɛsi Beyalinu kɔ-koe rɔ.

Kɛlɛ-Kurugbɛnu 3:12

Isirɛla mɔgɛnu bilara Mari la tun. Woletɔ Mari ya a ma, Mohabu nyamani-tigi Ɛkilɔn ya Isirɛla mɔgɛnu nɔ.

Kɛlɛ-Kurugbɛnu 3:7

Wo ya a ma, anu bilara anuta Mari Alla la ka anu kan-kɔ sɔ a la ka wonuna bɛsɛnu Beyali anubɛ Asitɔra kɔ.

Kɛlɛ-Kurugbɛnu 6:1

Wo kɔma, Isirɛla mɔgɛnu bilara Mari la tun. Woletɔ Mari ya anu don Midiyan nyamanita-mɔgɛnu bolo. San wɔrɔnfila, anu bi anu kɔrɔ.