Kɛlɛ-Kurugbɛnu 3:9 - ALLALA KUMƐ

⁹ Isirɛla mɔgɛnu dira Mari dala. Mari ya Kelabu dɔgɔ-keminɛ Kenasila den Ɔtiniyɛli yabɔ ka ma kɛlɛ-kurugbɛ la Isirɛla mɔgɛnu ye ka anu kunka.

Kɛlɛ-Kurugbɛnu 3:9 ပူးပေါင်းရင်းမြစ်များ

Nihɛmaya 9:27

Woletɔ i ya a ma, anu yogenu ya anu bira ka to anu kun na. Tɔrɔyɛ wo le ya a ma, anu ya anu kan nabɔ i ma anu dɛnbɛn-koe rɔ, ado i ya anuna matarali-kan yabi san-kole rɔ. I ya kun-tiginu nana minnu ya anu nakanan anu yogenu masibɛ ma bawo i kinikinite.

Yaburi 22:5

Anu ya i rakele, i ya anu natanka. Anu lanɛ i la min kɛ, woletɔ i ma anu baya.

Yaburi 78:34

A wa donu faga anu tɔ wati min, a toenu ni sɛgi a ma. Anu si tubi ka madiyali kɛ anu sɛbɛ-kuna-wɛ la.

Yasowa 15:17

Kelabu dɔgɔ-keminɛ Kenasila den Ɔtiniyɛli wo ya Sifa so-burɔ-mɔgɛnu nɔ. Kelabu ya ala dunmusi Akasa di ale Ɔtiniyɛli kɛ ma iko a ya a fɔ nya min.

Kɛlɛ-Kurugbɛnu 1:13

Kelabu dɔgɔ-keminɛ Kenasi, wola den-kei Ɔtiniyɛli wo ya Sifa kɛnu nɔ. Woletɔ Kelabu ya ala dunmusi Akasa di Ɔtiniyɛli ma iko a ya a fɔ nya min.

Kɛlɛ-Kurugbɛnu 10:10

Isirɛla mɔgɛnu dira Mari Alla dala ka a fɔ a ye ko, “Ma ara ile mata Alla boloka ka don Beyali bɛsɛnu kɔ-koe rɔ. Ma ara hakɛ kɛ i la.”

Kɛlɛ-Kurugbɛnu 2:16

Wo kɔma, Mari ya a ma, kɛlɛ-kurugbɛnu wulita Isirɛla mɔgɛnu tɛma minnu mara anu kumafunfannɛnu na kankan wonuna ko la.

Kɛlɛ-Kurugbɛnu 2:18

Mari wa kun-tigiyɛ di Isirɛla mɔgɛ do ma tumɛ min, fananta kɛlɛ-kurugbɛ wo ye a niyi la, Mari si to a dɛnbɛna alako a ni ala mɔgɛnu nakisi. Wo kɔma, Mari si kinikini ata mɔgɛnu ma bawo anu yogenu bara anu tɔrɔ.

Kɛlɛ-Kurugbɛnu 3:15

Isirɛla mɔgɛnu dira Mari dala tun. Mari ya kɛlɛ-kurugbɛ do yabɔ anu ye tun alako wo ni anu kumafunfan. A ya Kɛrala den Ehudi yabɔ ka bɔ Bɛnyamɛ bɔnsɔn rɔ. Bolo-maranna-wɔli-kɛlɛ le ale Ehudi la. Ehudi ya solomuri ladan a nyɛrɛ ye. Wola yanyɛ nunkan-nya kelen. A ya wo kiri ala kurusi kɔrɔ a bolo-nyimɛ rɔ. Isirɛla mɔgɛnu ya Mansa Ɛkilɔn sanbɛnu don ale Ehudi bolo.

Kɛlɛ-Kurugbɛnu 3:8

Wo ya a ma, Mari fonde bɔra anu kuma. A sɔnta ko Mɛsopotemiya nyamani-tigi Kusan-Risatam ni anu nɔ. San segin, a ye anu kun na.

Kɛlɛ-Kurugbɛnu 4:3

nɛgɛ-kirindi kɛmɛ kɔnɔntɔ taranta a bolo. Mansɛ wo ya Isirɛla mɔgɛnu bira boloko-yogomɛ-kɛ san mogan kɔrɔ. Woletɔ Isirɛla mɔgɛnu dira Mari dala.

Kɛlɛ-Kurugbɛnu 6:7

Isirɛla mɔgɛnu dira Mari dala tumɛ min anu dɛnbɛn-koe la Midiyan kɛnu kɛlɛ-koe rɔ,

1 Samuwɛli 12:10

Wo kɔma, wo benbanu dira Mari dala. Anu ya a fɔ ko, ‘Ma ara hakɛ kɛ bawo ma ara ma kan-kɔ sɔ ile Mari la. Ma ara Beyali anubɛ Asitɔra bɛsɛnu kɔ.’ Anu ko, ‘I yandi, ma tanka ma yogenu ma. Ma ti fenfen bato fɔ ile Mari kelan.’