Kɛlɛ-Kurugbɛnu 3:7 - ALLALA KUMƐ

⁷ Wo ya a ma, anu bilara anuta Mari Alla la ka anu kan-kɔ sɔ a la ka wonuna bɛsɛnu Beyali anubɛ Asitɔra kɔ.

Kɛlɛ-Kurugbɛnu 3:7 ပူးပေါင်းရင်းမြစ်များ

1 Mansɛnu 16:33

Wo kɔma, ale mansɛ ya bɛsɛ do ladan musila muninyɛ rɔ. Bɛsɛ wo tɔgɛ le Asitɔra. Ale mansɛ tora ko-yogomɛ mala ka Isirɛlata Mari Alla ladiminya. Hali a ya mansɛ minnu taran a yarɔ, wonu ma wo nyɔgɔn ma.

1 Mansɛnu 18:19

Nɛbi Ilaya ya a fɔ a ye tun ko, “Ta a fɔ Isirɛla mɔgɔ damasi ye ko anu ni na n taran Kamɛli kɔnkɛ kuma. Nɛbi kɛmɛ nani ani bi-loli minnu bi Bɛsi Beyali kɔla, wonu fanan ni na. Nɛbi kɛmɛ nanɛ fanan minnu bi ila musi Yɛsɛbɛli kɔrɔ Asura bɛsi-kɔ-tinɛ, wonu fanan ni na.”

2 Mansɛnu 23:14

Mansa Yosaya ya kuru-lɛsɛnɛ wonu takerikeri. Wo kɔma, anuna bɛsɛ min tɔgɛ Asura, a ya wo fanan takeri. Wo kɔma, a ya kan tinɛ wo yamatogon mɔgɔni-gbu-kolenu na.

2 Mansɛnu 23:6

Bɛsɛ min tɔgɛ Asura, a ya kɔlɔma wo labɔ luyi ma ka ta a la Kidirɔn lɛɛ rɔ. A ya wo mintan nyɔ ka a bunden gburr! A ya wo gbangban bi ka a furufuru nyɔ-kaburu-soe rɔ.

2 Ko-Kɔrɔta-Karan 15:16

Mansa Esa ya a mama Meyaka bɔ musu-mansayɛ la bawo a ya kɔlɔma lɛsɛ musila muninyɛ la min tɔgɛ Asura, ado wo mamilita. Mansa Esa ya bɛsɛ wo ratɛgɛtɛgɛ ka a mintan Kidirɔn yi-dɛ la.

2 Ko-Kɔrɔta-Karan 24:18

Mɔgɛnu ya anu ban anu benbanuta Mari Alla bato-koe ma Bato-Bɔn wo la. Anu donta bɛsi-kɔ-koe rɔ anubɛ bɛsɛ min nadannɛ musila muninyɛ la anu bi min kelela Asura. Ka a tɛgɛ anu sɔn-yogomɛ wola ko ma, Alla fonde bɔra Yerusalɛm so-burɔ-mɔgɛnu anubɛ Yuda nyamanita-mɔgɛnu kuma.

2 Ko-Kɔrɔta-Karan 33:19

Ale mansɛta mataralɛ wo, Allata yabilɛ wo, ale mansɛ ara hakɛ min kɛ nun yanni a ni tubi wo, a ya ko-yogomɛ min kɛ wo, a ya bɛsi-kɔ-tinɛ minnu nadan wo, anubɛ a ya bɛsi-musi Asurala muninyɛ lɛsɛ wo, anu ya wo bɛɛ sɛbɛ nɛbiya-buku do rɔ.

2 Ko-Kɔrɔta-Karan 33:3

A fa Mansa Hɛsakaya ya Alla-batobɛlɛnuna kɔ tinɛ minnu tinya, ale Mansa Manasa ya wonu sɔ-kurɛ-kɛ tun. A ya saraka-bɔ-tinɛnu nadan anu si Beyali kɔ kan min. A ya kɔlɔma lɛsɛ bɛsi-musi Asurala muninyɛ la. Min sanɛ wo kuma, a ya lolenu fanan bato.

2 Ko-Kɔrɔta-Karan 34:3

Mansa Yosayala mansayɛ san segin nyɔgɛ ma, ado wati wo ya a taran a dɔgɔ fɔlɔn, a ya a benba Mansa Dawudata Alla-batoe dabira. San nani wo kɔma, a donta Alla-batobɛlɛnuna kɔ tinɛnu tinya koe rɔ. Hali bɛsi-musi Asurala muninyɛ, a ya wola tamaserenu tinya anubɛ bɛsɛ toe bɛɛ.

2 Ko-Kɔrɔta-Karan 34:7

A ya bɛsi-kɔ-tinɛnu takerikeri anubɛ bɛsi-musi Asurala muninyɛ. A ya bɛsɛ wonu tabunden ka isɛnti mintan tinɛnu tatii. A tara wo ma-tinɛ Isirɛla nyamanɛ rɔ wo nya na le. A ban bɛsi-tinyɛ wonu na, a sɛgira a kɔma Yerusalɛm.

Yaburi 106:35

Kɔnɔ furu-nyɔgɔnyɛ donta anubɛ wonu tɛma. Anu ya Alla-lɔnbɛlɛnu kɛ-nya bi.

Yaburi 106:36

Allata mɔgɛnu ya bɛsɛnu kɔ. Wo nara kasarɛ la anu ma.

Yaburi 106:7

Ma benbanu ma Allata kabana-koenu nya-yen Iyipiti nyamanɛ rɔ. Alla ara ala keninteya-su-siyamɛ minnu yira anu na nun, anu nyinara wonu ko. Anu murutiyara Alla Sɛnbɛ-Bɛɛ-Tigi ma Kɔgɔ-Yi-Wulan dafɛ.

Bɔ-Koe-Iyipiti 34:13

Yanni wo ni wo ma, wo ni anuna saraka-mintan-tinɛnu tinya. Anu bi kuri minnu kɔla, wo ni wonu takerikeri. Anu bi anuna bɛsɛ min kelela Asura, wo ni wo tinya.

Yɛrɛmaya 23:27

Mari ko nɛbi wonu bi kiyo minnu takaranna, anu miri ko anu si mɔgɛ wonu bɔ atayɛ la iko anu benbanu ya anu kan-kɔ sɔ ale la nya min ka bɛsi Beyali kɔ.

Tɔn-Fɔɛ-Fila-Nyɔgɛ 16:21

“Wo wa saraka-mintan-tinɛ ladan wota Mari Alla ye tumɛ min, wo kana wo gbɛrɛn kɔlɔma-malɛsɛnɛ wo ma min tɔgɛ Asura min malɛsɛnɛ musila muninyɛ la.

Tɔn-Fɔɛ-Fila-Nyɔgɛ 4:9

“Wo ni a ma wo fɛrɛma de! Wo ara min yen wo nyɛrɛ yɛ la kɛ la, wo kana nyina wo ko wo siyi-tele bɛɛ kɔrɔ. Wo benbanu ya min yen anu sɔra Mari yakɔrɔ Sinayi kɔnkɛ kɔrɔ tumɛ min, wo ni wo rakaran wola dannu anubɛ wo mamanɛnu ye. Mari ya a fɔ nde, Musa ye nun ko n ni Isirɛla mɔgɛnu nadɛn kan-tina-kelen kɔnkɛ wo kɔrɔ nyɔ. Mari ko a sɔgɛ ye a la, anu ni a lamɔɛn a ye nala min fɔla nyɔ woletɔ anu si ale Mari gbiliya anu siyi-tele bɛɛ rɔ. Wo si a ma, anu ni anuna dannu karan alako anu si mata Mari Alla gbiliya nya min.

Tɔn-Fɔɛ-Fila-Nyɔgɛ 8:11

“Wo ni a ma wo fɛrɛma de! Wo kana nyina wota Mari Alla ko. N bara ata tɔn minnu takaran wo ye kɛ la bi, wo kana anu boloka.

Tɔn-Fɔɛ-Fila-Nyɔgɛ 8:14

wonu ka a ma, wo ni wasi ka nyina wota Mari Alla ko min ya wo labɔ yɔɔnyɛ rɔ Iyipiti nyamanɛ rɔ.

Tɔn-Fɔɛ-Fila-Nyɔgɛ 8:18

Wo ni wo miri yati, ko wota Mari Alla le ya fan wonu di wo ma. A ye wonu mala wo ye bawo a ya lanyiri min kiri wo benbanu ye, wo kanbali-sɔgɛ ye a la.

Kɛlɛ-Kurugbɛnu 3:12

Isirɛla mɔgɛnu bilara Mari la tun. Woletɔ Mari ya a ma, Mohabu nyamani-tigi Ɛkilɔn ya Isirɛla mɔgɛnu nɔ.

Kɛlɛ-Kurugbɛnu 3:8

Wo ya a ma, Mari fonde bɔra anu kuma. A sɔnta ko Mɛsopotemiya nyamani-tigi Kusan-Risatam ni anu nɔ. San segin, a ye anu kun na.

Kɛlɛ-Kurugbɛnu 6:25

Suyi wo nyɛrɛ rɔ, Mari ya a fɔ Kidiyɔn ye ko, “Ta i fala san-wɔrɔnfila-turɛ bi. I ni ta a la i fala bɛsɛnu dafɛ. Wo kɔma, i fa ya bɛsi-kɔ-tinɛ min sɔ Beyali ye, i ni wo tinya. Ala kɔlɔma malɛsɛnɛ min tɔgɛ Asura, i ni ta wo fanan tatɛgɛtɛgɛ.

Kɛlɛ-Kurugbɛnu 8:33

Kidiyɔnna fagɛ kɔmɛ, Isirɛla mɔgɛnu ya Alla-batoe boloka bɛrɛbɛrɛ-wɛ-kɛ ka Beyali bɛsɛnu kɔ. Anu ya bɛsɛ wo kelen tɔgɔ sa “Ma sarama-kan kirinɛ Beyali min ye.”

Kɛlɛ-Kurugbɛnu 8:34

Anuta Mari Alla min ya anu kisi anu yogenu masibɛ ma anuna foolɛ rɔ, anu ma sɔn wo sako kɛ-koe ma tun.

1 Samuwɛli 12:10

Wo kɔma, wo benbanu dira Mari dala. Anu ya a fɔ ko, ‘Ma ara hakɛ kɛ bawo ma ara ma kan-kɔ sɔ ile Mari la. Ma ara Beyali anubɛ Asitɔra bɛsɛnu kɔ.’ Anu ko, ‘I yandi, ma tanka ma yogenu ma. Ma ti fenfen bato fɔ ile Mari kelan.’

1 Samuwɛli 12:9

Kɔnɔ hali wo, wo benbanu nyinara anuta Mari Alla ko. Woletɔ Mari ya a ma, Filisitinu wo, Mohabu mansɛ anubɛ ala mɔgɛnu wo, anubɛ Sisara min bi Hesɔ soe kɛlɛ-dannu kun na, wonu tara bui wo benbanu ma ka anu nɔ.