Kɛlɛ-Kurugbɛnu 3:6 - ALLALA KUMƐ

⁶ Anu ma anu halaki fɔ ka anu ma anu furu-nyɔgɛnu na. Isirɛla keminɛnu ya anuna dunmusinu furu. Anu denu fanan ya Isirɛla mɔgɛnuna dunmusinu furu. A ma mɛ lefan, Isirɛla mɔgɛnu bilara anuta bɛsi-kɔ-koenu tɔ.

Kɛlɛ-Kurugbɛnu 3:6 ပူးပေါင်းရင်းမြစ်များ

Yaburi 106:35

Kɔnɔ furu-nyɔgɔnyɛ donta anubɛ wonu tɛma. Anu ya Alla-lɔnbɛlɛnu kɛ-nya bi.

Bɔ-Koe-Iyipiti 34:15

“Wobɛ nyamanita-mɔgɛ wonu kana lanyiri kiri wo nyɔgɔn tɛma. Wo kana sarakɛnu bɔ anuta allanu ye bawo anu donu si wo kele saraka dɔn tinɛ.

Bɔ-Koe-Iyipiti 34:16

Wo ni a ma wo fɛrɛma. Wo kana sɔn anuna dunmusinu furula wola den-keinu ye kamasɔrɔn wonu ba don anuna bɛsi-kɔɛ rɔ tumɛ min, anu kana wola den-keinu kɔndɔfili ka anu nadon anuna bɛsi-kɔ-koe rɔ.

Isikiyɛli 16:3

A fɔ Yerusalɛm kɛnu ye ko nde, wo Tigi Mari kan le kɛ la. “ ‘Ile Yerusalɛm soe, i fa le Amoranu na. I na le Hɛtinu na bawo wonu denu ya ile Yerusalɛm soe datɛgɛ Kenan nyamanɛ tɛma.

Yasowa 23:12

“Kɔnɔ ni wo ya wo bɔ wota Mari fɛ ka kofu sibole wonu ma minnu bara to wo tɛma ka anu ma wo furu-nyɔgɛnu na,