Kɛlɛ-Kurugbɛnu 3:31 - ALLALA KUMƐ

³¹ Ehudita wati bannɛ, Anatila den Samiga sigira Ehudi gbɛ rɔ. Samiga ya sara-ninki lagbengben fan bi ka Filisiti mɔgɔ kɛmɛ wɔrɔ faga wo la. Ale fanan ya Isirɛla mɔgɛnu kumafunfan.

Kɛlɛ-Kurugbɛnu 3:31 ပူးပေါင်းရင်းမြစ်များ

1 Kɔrɛnti 1:17

Kirasiti ma n sɔ batasi-koe la. A ya n sɔ kibara-nyimɛ fɔ-koe la, ado n sa kibara-nyimɛ wo fɔla darɔ-diyɛ anubɛ hadama-danta hɛnkilimayɛ la. Ni n ya wo ma, Kirasitita sayɛ ma mɔnɛ bɔ worɔ.

Kɛlɛ-Kurugbɛnu 10:11

Mari ya anu manyinika ko, “Nde le ma wo lakisi Iyipiti kɛnu anubɛ Amoranu ma, wa? Nde le ma wo lakisi Amonnu anubɛ Filisitinu ma nun, ba?

Kɛlɛ-Kurugbɛnu 10:17

Amonnuna kɛlɛ-dannu ya anu kundɛn ka ta anu daga makɛ Kilayadi. Isirɛla mɔgɛnu fanan ya anu kundɛn ka anu daga makɛ Misipa soe burɔ Kilayadi nyamanɛ rɔ.

Kɛlɛ-Kurugbɛnu 10:7

Mari fonde bɔra Isirɛla mɔgɛnu kuma. A sɔnta ko Isirɛla mɔgɛnu ni to Amonnu anubɛ Filisitinu kɔrɔ.

Kɛlɛ-Kurugbɛnu 15:15

A ya sofɛlɛ gbaga-gbaga-kole sanɛ yen. A ya wo bi ka Filisiti mɔgɔ waga kelen faga wo la.

Kɛlɛ-Kurugbɛnu 2:16

Wo kɔma, Mari ya a ma, kɛlɛ-kurugbɛnu wulita Isirɛla mɔgɛnu tɛma minnu mara anu kumafunfannɛnu na kankan wonuna ko la.

Kɛlɛ-Kurugbɛnu 3:30

Isirɛla mɔgɛnu ya Mohabunu nɔ. Wo kɔma, san bi-segin, Isirɛla mɔgɛnu yisi kimanɛ tora.

Kɛlɛ-Kurugbɛnu 4:1

Ehudi fagara tumɛ min, Isirɛla mɔgɛnu ya ko-yogomɛ kɛ ka bila Mari la tun.

Kɛlɛ-Kurugbɛnu 5:6

“Anatila den Samiga anubɛ Yeyɛlita wati rɔ, mɔgɛnu ti sisi bɔla kila-wɛnu fɛ fɔ kila-nɛnu.

Kɛlɛ-Kurugbɛnu 5:8

Kɛlɛ buira Isirɛla mɔgɛnu kuma tumɛ min, kɛlɛ-kɛ-fen wo fenfen ma taran mɔgɔ waga bi-nanɛ wo fenfen bolo. A mara wo nya bawo anu bara anu kan-kɔ sɔ Mari la ka anu don bɛsi-kɔ-koe rɔ.

1 Samuwɛli 12:9

Kɔnɔ hali wo, wo benbanu nyinara anuta Mari Alla ko. Woletɔ Mari ya a ma, Filisitinu wo, Mohabu mansɛ anubɛ ala mɔgɛnu wo, anubɛ Sisara min bi Hesɔ soe kɛlɛ-dannu kun na, wonu tara bui wo benbanu ma ka anu nɔ.

1 Samuwɛli 17:47

Min sanɛ wo kuma, mɔgɛ kɛnu si a lɔn yan tɔ ko Mari mako sa faan anubɛ tanbɛ la ala mɔgɛnuna kisi-koe rɔ. Marita kɛlɛ le kɛ la, ado a si wo damasi don ma bolo.”

1 Samuwɛli 17:50

Hali faan anubɛ tanbɛ sa Dawuda bolo, a ya Kolati nɔ ka a faga lenfiran-kuri la.

1 Samuwɛli 4:1

Wo wati rɔ, Filisitinu ya anu kundɛn Isirɛla mɔgɛnu kan ma. Isirɛla mɔgɛnu fanan ya anu nawuli ka ta anu kɛlɛ tinɛ. Anu tara anu daga makɛ kan tinɛ do rɔ anu ya min kele ko Dɛnbɛn Kuriya. Filisitinu fanan tara anu daga makɛ soe do dafɛ min tɔgɛ Afɛki.