Kɛlɛ-Kurugbɛnu 3:3 - ALLALA KUMƐ

³ Sibolo-gbɛrɛ minnu tora anu tɛma nyamanɛ wo rɔ, wonu denu denu bi kɛnu na, Filisitinuna so-kun lolɛ wo, Kenan kɛnu wo, Saidon so-burɔ-mɔgɛnu wo, anubɛ Hefa minnu siginɛ Lɛbanan kɔnkɔ-nyamanɛ wara la ka a dabira Beyali-Hɛrɔman kɔnkɛ ma ha ka ta a sigi Hamati kɔnkɔ-gbɛran la.

Kɛlɛ-Kurugbɛnu 3:3 ပူးပေါင်းရင်းမြစ်များ

Ko-Dabirɛnu 49:13

“Ile Sɛbulɔn, i bɔnsɔn si sigi kɔgɔ-yi dafɛ. Nyɔ si ma kulun nasɔ tinɛ la. Ita nyamanɛ si ta fɔɔ Saidon soe.

2 Samuwɛli 24:7

Wo kɔma, anu bɔra nyɔ ka ta Taya soe burɔ, tarɛ mininɛ min ma dugula wara la. Wo kɔma, anu bɔra nyɔ ka ta soe wonu burɔ minnu bi Hefanu anubɛ Kenannu bolo nun. Anu tara a laban Biri-Siba soe ma min bi Yuda nyamanɛ dugula wara la.

1 Mansɛnu 8:65

Anu ban Bato-Bɔn wo dantɛgɛla tele wɔrɔnfila kɔrɔ, Mansa Silamɛni anubɛ ala nyamanita-mɔgɛ minnu bɔra Isirɛla nyamanɛ tɔnkɔn nani bɛɛ rɔ, wonu ya Lele-Sɔɛ-Ladɛn kɛ Bato-Bɔn dafɛ a nyɔgɔn tele wɔrɔnfila kɔrɔ tun.

1 Mansɛnu 9:20

Mansa Silamɛni ya mɔgɛ minnu nawɔli kɛ la, Kenan kegeyɛ le wonu na. Isirɛla mɔgɛnu nanɛ nyamanɛ wo rɔ, anu ma anu denu faga. Amoranu bi kɛnu denu tɛma. Hɛtinu fanan basannɛ anu na. Pɛrasanu anubɛ Hefa kɛnu anubɛ Yɛbusinu fanan kofunɛ anu ma. Ha bi, wo donu bi yɔɔnyɛ rɔ Isirɛla mɔgɛnu bolo.

Isikiyɛli 47:20

“Tele-yigi-warala-dan mara Mɛdetereniyan kɔgɔ-yi la. A tele-yigi-dan min bi kantɔ-wara la, wo ye Hamati kɔnkɔ-gbɛran tele-yigi wara la le.

Yilan-Yilan Koe 13:29

Ma ya Amalɛki mɔgɛnu taran Kenan dugula wara la. Hɛtinu wo, Yɛbusinu wo, Amoranu wo, wonu siginɛ kɔnkɛnu tɛma. Kenan mɔgɛ donu siginɛ Mɛdetereniyan kɔgɔ-yi dafɛ anubɛ donu fanan siginɛ Yorodan bɛ wara la.”

Tɔn-Fɔɛ-Fila-Nyɔgɛ 1:7

Wo ni wola dagɛ wayan ka tagama dabira tun. Wo ni ta Amoranuna nyamanɛ rɔ kɔnkɛnu siya kan min anubɛ nyamanɛ minnu bi wola foolɛ rɔ. Wo kɔma, wo ni ta Yorodan-ba-lɛɛ kɔgɔma Kenan nyamanɛ rɔ anubɛ kɔnkɔ-nyamanɛ minnu bi nyɔ. Wo ni bɔ nyɔ ka ta gburukulinu kuma minnu bi nyɔ kɔma anubɛ wo kantɔ-waralɛ ha ka ta a sigi Mɛdetereniyan kɔgɔ-yi la. Wo ni tenbi Kenan nyamanɛ rɔ ka bɔ nyɔ ha ka ta Lɛbanan kɔnkɛnu ma ha ka ta a sigi Yufereti bɛ la pon!’

Tɔn-Fɔɛ-Fila-Nyɔgɛ 3:9

(Saidon kɛnu ya Hɛrɔman kɔnkɛ kele ko Siriyon. Amoranu ya ale kɔnkɛ kele ko Siniri.)

Yasowa 11:19

fɔ so kelen pe minnubɛ Yasowa sarata yisi-kimɛ ma anu nyɔgɔn tɛma. Wo le Kibiyon soe, Hefa bɔnsɔn-mɔgɛ donu siginɛ kan min.

Yasowa 13:5

Wo ma Kiba mɔgɛnuna nyamanɛ bi wɛ. Wo ma Lɛbanan mɔgɛnuna nyamanɛ bi wɛ min dabirɛ Beyali-Kadi soe ma Hɛrɔman kɔnkɛ kɔrɔ ha ka ke Hamati kɔnkɔ-gbɛran ma,

Yasowa 19:28

Iburɔn, Rihobu, Hamɔn anubɛ Kena soe wonu ma ha ka ta ke Saidon soe ma.

Yasowa 9:7

Kɔnɔ Isirɛla mɔgɛnu ya a fɔ anu ye ko, “Ma ye lanyiri kirila wo ye nfenna? Tumado, wole siginɛ ma da kɔrɔ, woletɔ ma ti lanyiri kiri wo ye.”

Kɛlɛ-Kurugbɛnu 10:12

Nde le ma wo lakisi Saidon kɛnu anubɛ Amalɛkinu anubɛ Midiyan kɛnu ma nun, ba? A fɔlɔtɛ, anu ya wo tɔrɔya kɔnɔ tɔ-a-la, wo dira n dala, n ya wo kunka.

Kɛlɛ-Kurugbɛnu 10:7

Mari fonde bɔra Isirɛla mɔgɛnu kuma. A sɔnta ko Isirɛla mɔgɛnu ni to Amonnu anubɛ Filisitinu kɔrɔ.

Kɛlɛ-Kurugbɛnu 14:4

Kɔnɔ a fa anubɛ a na ma a lɔn ko Mari le ye Samsin natuntunna kɛ rɔ. Mari ye kilɛ nyinina anu kunka-koe ma Samsin bolo. Wo wati ya a taran, Isirɛla mɔgɛnu bi Filisitinu kɔrɔ.

Kɛlɛ-Kurugbɛnu 18:7

Ko-lakɔrɔsila mɔgɔ lolɛ kɛnu bɔra nyɔ. Anu tara ha Leyisa soe burɔ. Anu ke nyɔ, anu ya so-burɔ-mɔgɛ wonu makimanɛ taran sigini iko Saidon kɛnu siginɛ nya min. Anu sa bagala mɔgɛ ma, mɔgɛ sa bagala anu ma. Nɔnfulu-tigi le anu na, ado anu fɛ-yan Saidon kɛnu na. Wo kɔma, anu ti sɔn basanna mɔgɔ-gbɛrɛkɛnu na, anu siginɛ minnu dafɛ.

Kɛlɛ-Kurugbɛnu 4:2

Kenan Mansa Yebin min siginɛ Hesɔ soe burɔ, Mari sɔnta ko wo ni Isirɛla mɔgɛnu nɔ. Mansɛ wota kɛlɛ-den-kun-tigi Sisara, min siginɛ Harosɛti-Hagoyim soe burɔ,

1 Samuwɛli 13:5

Filisitinu fanan ya anu nadɛn Isirɛla mɔgɛnu kan ma. Kirindi waga sawa (3,000) ye anu bolo anubɛ so-laburila mɔgɔ waga wɔrɔ (6,000). Kɛlɛ-dan minnu bi tala anu kian la, wonu siya iko ba-kɛnkɛn. Anu tara anu daga makɛ Mikimasi don-dɛ la min bi Bɛti-Efɛn tele-bɔɛ wara la.

1 Samuwɛli 29:2

Filisitinuna mansa lolɛ tara anuna kɛlɛ-dannu na kɛmɛ-kɛmɛyɛ ma anubɛ waga-wagayɛ ma. Kɔnɔ Dawuda anubɛ ala keminɛnu, wonu bilanɛ Filisitinuna kɛlɛ-dan wonu kɔma kilɛ la Mansa Akisi fɛ.

1 Samuwɛli 6:16

Filisitinuna mansa lolɛ wonu ya anu yɛ bɛn kɛnu ma gbɛ ha wonu banta kɛnu mala. Wo kɔma, anu denu fanan ya anu sɛgi Ɛkirɔn soe burɔ wulɔn tele kelan.

1 Samuwɛli 6:18

Hali anu ya tulɛla muninyɛ minnu nadan sɛnɛ la, anu ya wonu fanan nata. Mansa so-kun loli latankanɛ anubɛ anu dafɛ-so-mɛsɛnu, tarɛ sa minnu ma, wo bɛɛ ya kelen-kelen nata. Soe wonu tara ha ka ke farɛ wo ma anu ya tɔn-kenkirɛ sigi farɛ min kuma. Ha bi, farɛ wo ye a gbɛ rɔ nyɔ.

1 Samuwɛli 6:4

Filisiti mɔgɛnu ya anu manyinika ko, “Ma si Isirɛla mɔgɛnuta Alla kɔ fan nyamintan sufa lata?” Bolo-tafɛlɛnnɛ anubɛ saraka-masɔlɛnu ya a fɔ anu ye ko, “Wo ni fan-tonto-kirayɛ wo tamasere loli ladan sɛnɛ la anubɛ tula lolila muninyɛ sɛnɛ la bawo wonu denu bi wola nyamanɛ kasarala. Kɛ kelen-kelennamɛ-bɛɛ si ta so-kun lolɛ kɛ mansa loli gbɛ rɔ. Wo ye wo mala bawo kiraya kelan kɛ ara wobɛ wola mansɛnu tɔrɔ. Wo ni Isirɛla mɔgɛnuta Alla gbiliya. Tumado a si a fara wobɛ wola bɛsɛnu anubɛ wola nyamanɛ tɔrɔla.